Barua ya Vafilipi 3:12 - MMA SHIYYA

¹² Nta nkee irera ifi sheeli nammaa ifiwara ndi ana sheeli nammaa isongovika ndi. Wode! Kake nkee ifisaṛikia akwaa mmakii ifiwara, mfulya nndewarwa nKristo Yesu.

Barua ya Vafilipi 3:12 ပူးပေါင်းရင်းမြစ်များ

Barua ya Vakorinto ya kavili 7:1

Kyasia vakunde vakwa, fulya toore firekio ifo, tikwilise mirima yeru kyoo kyoose kya vvili na kya nrima, kuro llyo yawutia usongori na yeṛea Iṛuva.

Barua ya Vaebrania 13:21

Iṛuva uu amuniinge finya ya itana mifurie yoose ilya afurie! Ye akaarise mirimiń yanu kilya kinsenyie eemurwaa shień ya Yesu Kristo. Uu eetikiswa miṛeṛe na miṛeṛe! Amen.

Barua ya Vaefeso 1:4

Fulya Iṛuva atisaua andu emwi nae ilyo kitaare isanga lyantanwa, amu tive vasongori kisanguń kyamwi ateefo malomi.

Barua ya Vafilipi 3:16

Kake io tamfika, yengeṛia teengeṛie kuro da.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Barua ya Yakobo 3:2

Amu ise ti woose tikee varekwa kwa findo fiingi. Nndu atarekio̱ nta kimwi eereraa, ito ni nndu nsumani deń, amakii iima na wili wamwi woose.

Barua ya Vaebrania 12:14

Ruyeń utomari lwa iva na unambwe na vandu woose na usongovisi; amu nta nndu umwi aloliaa Nndumi kitaare aluwore.

Barua ya Vagalatia 5:17

Amu ilanga lya kiwili likaa Mumuyo, na Mumuyo aleaa kilya kikee kya kivvili. Makanika va ali avili akee ivingana akamwima mwimakii itana kilya mukundie.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Vatesalonike ya kavili 2:13

Kake kyantiwara ise yaana Iṛuva mikonu yoose kiimba kyanu, vanavama vakunde va Nndumi, fulya Iṛuva andemusaua kuuka mbooko mukooye ikiṛwa mwiiliswaa mMumuyo na ikusura udede.

Barua ya Vaefeso 4:12

Kikava kuro, amu asumanise vasongori, amu mashoṛa a iṛundia vengi aawukie na vvili wa Kristo — nto ini — usongosio̱.

Barua ya Vakorinto ya kavili 13:9

Amu tikee ifura kwakooya ise tava vatanyari neeni mukava na finya. Lingi ifi nafo tikee itereva mukooye iselevendwa.

Barua ya Vakorinto ya mbele 13:10

Kake ifi kyansha kilya kiishule, kilya kikee kya kyeenga kimandaa.

Barua ya Vatesalonike ya mbele 5:15

Lleń nnu nndu atataa ungi kikasha na kikasha, kake kutomariseń matika woose ikutania finuru ini mu veni na mu veni na itania vandu woose finuru.

Barua ya Timoteo ya mbele 6:19

Kuro llyo ikufisia diṅu ivavie kirembo kinuru kyeeri kilya kishaa, amu vakooye muu ukee muu wa dede.

Mitanie ya varumi 9:15

Nndumi kamwia: Kwendie da, amu nansaua nndu uu ave ndundi wakwa aende ikurika irina lyakwa kwa vandu va isangeń vatashiishi na kwa mamangi na kwa vana va Isiraeli.

Barua ya Timoteo ya mbele 5:10

Nae alolikie wwa mitanie minuru, ili allela vana, ili awwaria veeni, ili ansangya vasongori marende, ili ameelekia vakiva, ili allatia ishoṛa isha lyoose na utomari.

Barua ya Vaebrania 12:23

na nkwanio nnini wa siṛi ya vavele vakee vatisiṛe iṛuvewu mukaserikia na Iṛuva mwumisia vandu woose na mirima ya vandu vasumani vakee vaawutie

Matayo 5:48

Kyasia ini veń vandu vasongovye, sheeli Nde yanu wa iṛuvewu asongovye.

Barua ya Varome 8:39

ana finya ya iṛuvewu ule ana ikee kwa si ana fikava fitane fingi foose, nta kiifo kimakii itiraua na ikunda li lya Iṛuva afikundie nalyo litilunganisie na Kristo Yesu Nndumi weru ndi.

Barua ya Vakorinto ya mbele 9:24

Mwishi se, sheeli valya vakee irisha alya ṅṅaṛoń ya kitavanu varishaa woose da, kake ni umwi tubu akee iniingwa uvingo? Kyasia risheń sha ulya umwi, amu muniingwa uvingo (lwa Iniva)!

Barua ya Vakorinto ya mbele 13:12

Amu kyeeri kya alli tifilolie sha fwana ya kiloleń titamakii ifimanya kisha. Kake numa tifiloliaa kisangu kwa kisangu. Kyeeri ki kya alli imanya lyakwa llya kyeenga, kake numa mmanyaa foose sheeli nań nammanywa deń.

Barua ya Vafilipi 1:1

Ise Paulo na Timoteo tikee maketi a Kristo Yesu. Teesana vasongori woose va ifo Filipi vakuwore na Kristo Yesu. Teesana na vashili na vaṛundi va siṛi.

Barua ya Vafilipi 3:3

Amu varine va dede — (nkimwi na vana va Iṛuva va dede) — ni ise tiiṛundiaa Iṛuva tiworwa mMumuyo tikakuṅinisa, fulya tikee va Kristo Yesu, ana titakusuranaa na findo fa wooṛo fa kivvili,

Barua ya Vafilipi 3:8

Nkya dede nkee ikusaṛia sheeli findo foose mfa kitani, amu imanya Nndumi wakwa Yesu Kristo nkinini kita foose. Na kwa kiimba kyamwi ye nndetia-wo foose na ifiaṛua nkiṛi-nda, amu wware Kristo muni.