Barua ya Vafilipi 2:9 - MMA SHIYYA

⁹ Kiimba kya iki Iṛuva aṅṅinisa nnu kanniinga unini lukilie ngyunini toose.

Barua ya Vafilipi 2:9 ပူးပေါင်းရင်းမြစ်များ

Urambuyo lwa Yohane 19:16

Nae awore irina itisiṛe nsetoń wamwi ifo kisiń kyamwi. Nalyo llyo ifi: Mangi wa mamangi na Nndumi wa mawomi.

Matayo 28:18

Yesu kavashea karera nawo. Kavaia: Niń nanniingwa finya yoose ya ishilia kulya iṛuvewu na kunu isangeń.

Barua ya Petiro ya mbele 3:22

Nae akee uko usha lwa Iṛuva, ili amaa iroswa iṛuvewu. Mfo eerikio̱ wamalaika na vanini na va finya vakee kwa si yamwi.

Barua ya Vaebrania 2:9

Kake ulya andenyiisio̱ vamalaika andu a kyeeri kifui tillolie yye Yesu andeavio̱ witoṛo na tikisi kiimba kya mavaviso amwi a ufu. Fulya Iṛuva kwa uwoo lwamwi andekunda afiye woose vakiṛwa.

Urambuyo lwa Yohane 5:12

Vakarera na ununga unini veenumbuaa: Ngarina ii indesikywa yo isumani iwaria imakii na usimba na uṛango na finya na tikisi na unini na mboṛa.

Barua ya Vaebrania 1:4

Kakilia na finya yamwi vamalaika, kasa irina ilyo andeliwaria live diṅu yamwi likilie lyawo.

Barua ya Vaebrania 12:2

Tille Yesu uu andetibookia ikusura, lingi yye aliawutiaa. Ye andu a ifura liikee ideeṛie live uvingo lwamwi kakurika nsalaba wa indefiya kaeeṛa usutu mungo. Numa kakaa rembo taari ya uko usha lwa kifumbi kya Iṛuva.

Yohane 17:5

Na alli, wui Nde, shiitikisań ifo kwafo kwishiiningaa unini lua niikee nalo kwafo lia kitaare isanga lyeentanwaa.

Urambuyo lwa Yohane 3:21

Ulya avingaa ninkaarisaa rembo andu emwi nań kifumbiń kyakwa kya unini, sheeli nań nndevinga nakaa rembo andu emwi na Nde yakwa kifumbiń kyamwi kya unini.

Luka 10:22

Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.

Urambuyo lwa Yohane 11:15

Na malaika ulya wa mfungare kakaba wembe. Tikaitiwa ngyununga nini ifo iṛuvewu tiireraa: Umangi lwa isanga lwammaa iva umangi lwa Nndumi weru na lwa Kristo wamwi, nae yye eetoṛoo kumande miṛeṛe na miṛeṛe.

Urambuyo lwa Yohane 1:5

Fuukie na kwa Yesu Kristo akee nrambua ulya nsongori, ni ulya andebooka iwara muu eeukaa vafuń, akee nnini wa mamangi a isanga. Ito afikundie na itikiṛa mareko eru na usao lwamwi.

Barua ya Petiro ya kavili 1:17

Fulya anniingwa unini na langa ni Iṛuva Nde, lia ununga lua lunshea lukee lwa Iṛuva muni unini loose lukarera: ”Uu mMwana wakwa ninkundie ashisenye“.

Barua ya Vakolosai 1:18

Nae yye akee nrwe wa wili, nto siṛi. Nae yye wa mbele kava ndute wa mbele kari ka vafu, amu ye ave wa mbooko kari ka findo foose.

Mitanie ya varumi 5:31

Nndu to Iṛuva andeṅṅinisa na uko lwamwi usha ave nnini na nkiṛa vandu, aniinge Vaisiraeli iilashika na itio̱ lya mareko.

Yohane 13:3

Nae Yesu muni eemmanyaa sheeli Nde ammurambikia findo foose maakoń amwi na sheeli andeuka kwa Iṛuva, nae auyaa kwa Iṛuva.

Matayo 11:27

Nanrambikyo findo foose nNde yakwa. Nta eefo nndu eeshi Mwana kitaare nNde ndi. Ana nta eefo nndu eeshi Nde kitaare mMwana na ulya Mwana afurie inrambuya ndi.

Yohane 17:11

Nań nkikee lingi isangeń ndi. Nawo vakaa isangeń. Nań nkee isha na kwafo. Wui Nde Nsongori, varinge vakaa na irina lyafo ili kushiniingie niń, nawo vave kimwi neese.

Yohane 17:12

Ili niikee andu emwi nawo niikee iringa iwo kavashiniingie na ivalla niivandamisaa na irina lyafo. Na eefo nta umwi kari kawo andereka ndi kita mwana ulya wa ureti, amu kilya kikee kitisiṛe kyawukie.

Barua ya Vaefeso 1:10

Amu eenkudeeṛiaa isandia findo foose fa iṛuvewu na fa isangeń kwa si ya nrwe umwi kyeeri kikamfika. Na nrwe uu nto Kristo.

Barua ya Vatesalonike ya kavili 1:12

amu irina lya Nndumi Yesu liṅiniswa ni ini, neeni mwirikio̱ sheeli mukee vamwi kisumani na uwoo lwa Iṛuva weru na lwa Nndumi weru Yesu Kristo.

Barua ya Vaebrania 1:9

Iwe kundekunda usumani kwasua ukasha. Kwa ikyo, wui Iṛuva, kwamaambwa ni Iṛuva wafo mafura a ifura kwaṅinia vaaroe vafo“.

Barua ya Yohane ya kararu 1:7

Amu vandeuka kyeń kiimba kya irina lyamwi nta iwaria kindo kwa vayavaṛumu.