Barua ya Vafilipi 2:3 - MMA SHIYYA

³ Manya mutatani nta kindo mwivinganaa ana ikwomuya ukuṅinisi lwa ruu. Kake nndu woose akuware na ukunyiisi ataale uroe sheeli ni nnini kita ye.

Barua ya Vafilipi 2:3 ပူးပေါင်းရင်းမြစ်များ

Barua ya Varome 12:10

Mukundani na ngoo sha vana va nka, lingi mwelekiani na ikwiria sonu ini mu veni na mu veni!

Barua ya Vagalatia 5:26

Titakushombe na unini lukee lwa ruu tiiluyanaa na ikwiria iriso.

Barua ya Vaefeso 5:21

Kunyiisianiń findoń foose mu veni na mu veni mwieṛeaa Kristo.

Barua ya Vaefeso 4:2

Muve vandu va useli na va uwoo na va isisiria na va yelekana na ikunda.

Barua ya Petiro ya mbele 5:5

Mfo kuro ini vakoo, irikień vasuṛi. Kyasia ini mu woose mukunyiise mu veni na mu veni, fulya Iṛuva aleaa vakuṅinisi, kake valya vakunyiisaa avaliliaa.

Barua ya Vafilipi 2:14

Taniń foose liteefo iṅu-ṅura ana inunua,

Barua ya Vagalatia 5:15

Kake kwakooya mwakabana na ikwimara, lleń mutakumiṛe mu veni na mu veni.

Barua ya Timoteo ya mbele 6:4

ito ankushomba ateeshi nta kindo kimwi. Teve yamwi ni ivingana na ikureya lya ikureria da. Ifo mfo fuukaa iiria iriso na myaandu na nrumu na ifingia ikasha

Luka 18:14

Nań namuia: Nsaṅiṛia kyaalo ulya aende kyeń kwamwi akee nshiise kita Mfarisayo ulya. Fulya ulya woose, akuṅinisaa ye muni, anyiiswaa, na ulya akunyiisaa muni aṅiniswaa.

Barua ya Vakolosai 3:8

Kake alli ifi foose firwaań kwaasha: ituṛuka na ukasha na nrumu na uvave na findo fa usutu fa kaniń kanu.

Barua ya Vakorinto ya kavili 12:20

Amu neeṛee sheeli ili nshaa ntamuloliaa ini sheeli mfuraa imulolia, lingi sheeli neeni mutashiloliaa nań sheeli mufuraa. Nkee yeṛea kundo nkooyaa kwanu minaye na iriso na ituṛuka na inaa na ifingia na ikurera na ikushomba na kiṛoṛongyo.

Barua ya Vakorinto ya mbele 3:3

Amu na akwaa ni alli mukee vandu va mikae ya vvili da. Amu kwakooya kwanu liifo iiria iriso na uṛiingi, a le mukee vandu va mikae ya vvili se mwiendaa kwa mikae ya kinndu?

Barua ya Vakorinto ya mbele 15:9

Amu niń nkee munnya wa varumi ntasumani ivaangwa nrumi, fulya niń natuṛua siṛi ya Iṛuva.

Barua ya Varome 13:13

Tikaa na useli sha vandu vakee yenda nsanyiń. Nta luteefo ulafu ana inangwa, nta luteefo waaisi ana uravi, nta iteefo myaandu ana ureeree!

Barua ya Varome 2:8

Kake vayauṛiingi valea iirikia filya fikee fa dede, fulya wo vasenywaa mfa ureti, iwo vakooyaa ituṛuka na uumisio.

Barua ya Vakolosai 3:12

Neeli mukee vasaue va Iṛuva na vasangori na vakunde, kiimba kya iki muve vandu va ngoo toore wooṛoo na warutu na utele na uwoo na ulalamboo!

Barua ya Petiro ya mbele 3:8

Kyasia kirero kya ifurumia ni iki: Ini mu woose muve va mikae imwi na va ndewu shooṛoo na vawore witanu na va mililie na va utele.