Barua ya Vafilipi 2:25 - MMA SHIYYA

²⁵ Kake nankabiṛio̱ nrimiń wwiiṛe Epafurodito kwanu. Ye mmwanama na uṛoe wakwa wa mashoṛa na wa fira, lingi mundenruma kwakwa asheendie findo fanu fa ishilela muu.

Barua ya Vafilipi 2:25 ပူးပေါင်းရင်းမြစ်များ

Barua ya Vafilipi 4:18

Kake wwore findo foose na ifumbuka, lingi niishule bele. Nndewaria kwa uko lwa Epafurodito findo filya findeuka kwanu fikashivia kyuuna kya kisaamu fikashivia nsimbika wirikio̱ usenye Iṛuva.

Barua ya Vakolosai 1:7

Nkuro mundeloshwa ni Epafira uroe weru nkunde akee ndundi nsaari wa Kristo kwanu.

Barua ya Vafilipi 4:3

Nawe Sisigo wakwa nakutereva kwelekie vaka wo, amu vandekabania nrumi yo shisha andu emwi nań na Kilemensi na vaaroe vengi va mashoṛa va. Marina awo akee matisiṛe ifo kitabuń kya muu.

Barua ya Vakorinto ya mbele 3:9

Amu ise tiṛundaa mashoṛa andu emwi na Iṛuva, ini mukee nrema ya Iṛuva, lingi mukee numba ya Iṛuva.

Barua ya Filemon 1:24

na Mariko na Aristariko na Dema na Luka vakee vaaroe vakwa.

Barua ya Vaebrania 3:1

Kwa ikyo, vanavama vasongori, mundevaangwa sha ise na ivaangwa lyukie iṛuvewu, imboyoń miso anu Yesu uu tikee inrambua sheeli ni nrumi na nrasia weru nnini.

Barua ya Vatesalonike ya mbele 3:2

Tikaruma Timoteo mwanamae weru akee ndundi wa Iṛuva mashoṛeń a ikwanisa nrumi ya Kristo, amu amuumise ini na imukaarisia ikusureń lyanu.

Barua ya Vakolosai 4:11

Na Yesu amwisana uu avaangwaa Yusto. Iwo wandu va urini. Lingi iwo wo veni vvaelekia vakwa va iṛundia umangi lwa Iṛuva, nawo vave vashiwiiṛia muu.

Barua ya Vakorinto ya kavili 2:13

Kake nta ilolia ifura ngooń yakwa, fulya kitaare nndelolia-fo mwanamae wakwa Tito, kake nndeiakana nawo nakwimboo neende Makedonia.

Yohane 17:18

Na sheeli kundeshiruma nafika kunu isangeń, nań nkuro da nndevaruma vafike masangeń.

Yohane 13:16

Nkue nkue namuia: Iketi ni inini kita nndumi wamwi ndi, ana ulya anderumwa ni nnini kita ulya andenruma ndi.

Barua ya Varome 16:3

Shiisanień Pirisika na Akwila vakee vaṛundi andu emwi nań vakusandie na Kristo Yesu.

Barua ya Varome 16:9

Shiisanień Urubano ndundi wa mashoṛa andu emwi nań kari ka Kristo na Sitakisi nkunde wakwa.

Barua ya Vafilipi 2:26

Amu andelanga nnu imulolia mu woose kanaria, fulya mweemiitaa sheeli alole.