Barua ya Vafilipi 2:17 - MMA SHIYYA

¹⁷ Kake na kwakooya kyashiwara iniingia muu wakwa kiimba kya iṛundia ikusura lyanu uve sha kindo kya irasa, noore ifura, ni ifura lishilungie neeni mu woose.

Barua ya Vafilipi 2:17 ပူးပေါင်းရင်းမြစ်များ

Barua ya Timoteo ya kavili 4:6

Amu niń kyanshishea iva kirasio na nkonu wa yawulwa lyakwa wansha kufui.

Barua ya Varome 15:16

amu vve ndundi wa Kristo Yesu kwa vandu va masanga. Nkyo kyashiwara neende ikwanisia nrumi ya ifura ya Iṛuva, amu vayavaṛumu vave nsimbika wa kirasio usenyie Iṛuva ukee mwilise mMumuyo Nsongori.

Barua ya Vakorinto ya kavili 12:15

Kake niń kilya kishisenyaa nnu ni iniingia kilya kikee kyakwa, nkya dede na akwaa nniń shi muni nniingio̱o̱ kiimba kya mirima yanu. A le sheeli neengeṛia imukunda nnu, naanguywaa ikundwa?

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Barua ya Vafilipi 1:20

Nań nkee ikuwara na ikusura na ba, kundo ntasukaa kutu, kake nkaa na usuro sheeli niikee nalo matika woose, amu Kristo aṅiniswa na wili wakwa kive kya muu wakwa ana kya ufu lwakwa.

Barua ya Vakorinto ya kavili 7:4

Ili nkee irera neeni, nkee irera neeni na baa deń. Llolie tikisi nini kiimba kyanu na iishua ilembwalembwa. Namiishua ifura likilie ngyukiva takwa toose mmwasi.

Barua ya Yohane ya mbele 3:16

Yesu antirekia muu wamwi tikamanya yyo mikae ya ikunda lya dede. Neese kyatiwara ireka muu kiimba kya vanavamae veru.

Barua ya Varome 12:1

Muṛe vanavama, ini mukee vandu vallilio̱ ni Iṛuva. Nkyo kiimba namwikimba: Muniingie mivili yanu ive nsimbika nsongovisi uwore muu wa isenya Iṛuva, kuro llyo iṛundia Iṛuva na imwindia na uṛango usha.

Barua ya Petiro ya mbele 2:5

Mfo kuro neeni mukee sha mawe awore muu musongosio̱ muve numba ya Mumuyo na iva muve varasia vasongori va iniingia Iṛuva misimbika ya kimumuyo ya insenya kiimba kya Yesu Kristo.

Barua ya Vatesalonike ya mbele 2:8

Mfo kuro neese timukusurie na ikunda iingi tikafura imuniingia nta nrumi shisha ya Iṛuva da ndi, kake nna mirima yeru deń, fulya mwawa vakunde veru.

Barua ya Vafilipi 4:18

Kake wwore findo foose na ifumbuka, lingi niishule bele. Nndewaria kwa uko lwa Epafurodito findo filya findeuka kwanu fikashivia kyuuna kya kisaamu fikashivia nsimbika wirikio̱ usenye Iṛuva.

Barua ya Vafilipi 2:30

Amu kwa kiimba kya ishoṛa lya Kristo aserikia ufu, nta iringa muu wamwi eelangaa yengeṛia kilya kitaare ini mwikee imakii ishiṛundia.

Mitanie ya varumi 21:13

Llyo Paulo aaṛua: Mutanaa ki mwiyaa na ishifukya nrima? Amu niń nta ni ifingwa da ndi, nkudeeṛie na akwaa ni iwaywa Yerusalemu kiimba kya irina lya Nndumi Yesu.

Mitanie ya varumi 20:24

Kake ifi fishieṛeesie ndi. Na akwaa mmuu wakwa nkindo kya uuru kwakwa ndi. Kindo llangie ni imarisia weendo lwakwa na miṛundie ilya nndeniingio̱ ni Nndumi Yesu ya irambua mboni shisha ya uwoo lwa Iṛuva.

Barua ya Vakorinto ya kavili 6:10

Tikee sha vanarise, kake nkonu woose toore ifura. Tikee sha vakiva vatawore kindo, kake toore foose.

Barua ya Vafilipi 2:18

Mfo kuro da neeni fureń na ifura lyanu limulunge nań.

Barua ya Vakorinto ya kavili 4:12

Kyasia kilya kikuworie neese kya iṛunda ni ufu, kake kilya kikuworie neeni kya iṛunda mmuu.