Barua ya Vafilipi 2:14 - MMA SHIYYA

¹⁴ Taniń foose liteefo iṅu-ṅura ana inunua,

Barua ya Vafilipi 2:14 ပူးပေါင်းရင်းမြစ်များ

Barua ya Petiro ya mbele 4:9

Kuwarień kyeń kwanu ini mu veni na mu veni liteefo iṅuṅura.

Barua ya Vakorinto ya mbele 10:10

Ana manya mutaṅuṅure sheeli vengi vawo vandeṅuṅura vakaretwa nNreta.

Barua ya Vafilipi 2:3

Manya mutatani nta kindo mwivinganaa ana ikwomuya ukuṅinisi lwa ruu. Kake nndu woose akuware na ukunyiisi ataale uroe sheeli ni nnini kita ye.

Barua ya Yakobo 5:9

Vanavama, manya mutakuṅuṅurie, kaaṛa mutaumiso̱. Lleń muleta aselele mwaangoń.

Barua ya Varome 12:18

Veń na unambwe na vandu woose, kwakooya mumakii!

Barua ya Vatesalonike ya mbele 5:15

Lleń nnu nndu atataa ungi kikasha na kikasha, kake kutomariseń matika woose ikutania finuru ini mu veni na mu veni na itania vandu woose finuru.

Barua ya Yakobo 1:20

Amu ituṛuka lya nndu litanaa fisenye Iṛuva ndi.

Barua ya Vagalatia 5:26

Titakushombe na unini lukee lwa ruu tiiluyanaa na ikwiria iriso.

Barua ya Vagalatia 5:15

Kake kwakooya mwakabana na ikwimara, lleń mutakumiṛe mu veni na mu veni.

Barua ya Yakobo 3:14

Kake mukamiira iriso liwore kivawwo na nkuru mirimiń yanu, manya mutakushombe ana mutarere wongo andu a dede.

Barua ya Varome 14:1

Ulya akee wa ikusura yaangu wwarień, manya mutaumisie makusaṛo amwi.

Barua ya Yuda 1:16

Vandu va wańuńura na vaiyaiya na ilatia malanga awo. Na kana kawo karera firero finini fa ukushombi veekundiaa vandu kiimba kya mbusha valya vawore tikisi.

Barua ya Petiro ya mbele 3:11

Eewukane na fikasha atane finuru. Aṛuye unambwe alusoṛe.

Barua ya Vaebrania 12:14

Ruyeń utomari lwa iva na unambwe na vandu woose na usongovisi; amu nta nndu umwi aloliaa Nndumi kitaare aluwore.

Barua ya Varome 16:17

Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo!

Mitanie ya varumi 15:2

Kikava kitari ifo siṛiń. Na Paulo na Barinaba vakavingana na vandu wo na yaṛuyana nawo nnu. Lya ifurumia vandu va siṛi vakavavasa Paulo na Barinaba varwe vaende Yerusalemu andu emwi na vengi kari kawo varwaa-fo mwaandu uu kwa varumi na vasuṛi.

Mitanie ya varumi 6:1

Kyasia mikonu ilya ili vanalosho vandeengeṛia ifumbuka itaala lyawo liifoo iṅuṅura lya vandu va siṛi vakee Vagiriki veeṅu-ṅuriaa valya vakee Vayuda, fulya misikeeti yawo varekilwa uṛundiń lwa nkonu tiṛi lwa yavia kya ilya.

Barua ya Vatesalonike ya mbele 5:13

Muvakunde kilanya kiimba kya mashoṛa awo. Veń na unambwe mu veni na mu veni.

Barua ya Vakorinto ya kavili 12:20

Amu neeṛee sheeli ili nshaa ntamuloliaa ini sheeli mfuraa imulolia, lingi sheeli neeni mutashiloliaa nań sheeli mufuraa. Nkee yeṛea kundo nkooyaa kwanu minaye na iriso na ituṛuka na inaa na ifingia na ikurera na ikushomba na kiṛoṛongyo.

Mitanie ya varumi 15:39

Kyasia tikasha-wo ngani kari kawo kumande valakana. Barinaba kakurika Mariko vakaaṛukia ngalaveń vakaenda Kipiro.

Mitanie ya varumi 15:7

Na numa ya yaṛuyana iingi Petiro kakwimboo kavaia: Muṛe vanavama, ini mwishi sheeli kuuka mbooko Iṛuva ashisaua kari kanu amu vayavaṛumu vaite kirero kya nrumi ya ifura ya ikia kwa kana kakwa na ikikusura.

Mariko 14:5

Amu mafura va eemakii ikumbwa na shilingi mayana araru na kilanya, tiniingwa vakiva. Vakaṅuṅuria nka ulya.

Matayo 20:11

Ili vandewaria shilingi yo sheni, vakańuńurya nndumi ulya vakanumbua:

Mariko 9:14

Ili vandefikia vanalosho valya vengi, kalolia isyamu inini livalengetie na vaaṛia va mitisiṛie veeaṛuyanaa nawo.

Luka 5:30

Kyasia Vafarisayo na vaaria va mitisine vakaṅuṅuria vanalosho vamwi vakanumbua: Nki ili mukee ilya na inwa andu emwi na vasaṅiṛia kyaalo iwo na varekwa?