Barua ya Vafilipi 1:7 - MMA SHIYYA

⁷ Kwa ikyo kishisumani mmukusaṛie ifi ini mu woose, fulya mukee ngooń yakwa. Amu mukee itaṅaṛia andu emwi nań uwoo ilo nndeavio̱ ni Iṛuva, kwakooya nkee kifingioń ana kwakooya nkee mashoṛeń a ikabania nrumi shisha na iirambua.

Barua ya Vafilipi 1:7 ပူးပေါင်းရင်းမြစ်များ

Barua ya Vakorinto ya kavili 7:3

Narera ikyo amu mmuumisie ndi, amu neemmaa irera mbele, sheeli ini mukee mirimiń yeru, na akwaa ni ifwa andu emwi neeni na ikaa na muu andu emwi neeni.

Barua ya Vafilipi 1:5

Fulya muwore ilungana limwi lya mboni shinuru kuuka nkonu ulya mwabooka na kumande alli.

Barua ya Timoteo ya kavili 2:9

Kiimba kyayo naliswa ukiva andu a ifingwa sha mutana fikasha. Kake kirero kya Iṛuva kivaa ifinga ndi.

Barua ya Vakolosai 4:18

A li iisana likee lya uko lwakwa niń Paulo. Kumbueń ifingwa lyakwa! Uwoo lukaa neeni!

Barua ya Vafilipi 4:14

Kake mundetana kisha, ili mundeelekiana nań ngatareń takwa.

Barua ya Vaefeso 6:20

Yyo nndeivia nrumi na kunu kifingioń. Shiterevień, amu mmakii iikwanisa na baa ntawore weṛei, sheeli kyawara nrere.

Barua ya Vaefeso 3:1

Kiimba kya ikyo niń Paulo nkee mfinge wa Kristo Yesu kiimba kyanu ini vayavaṛumu.

Mitanie ya varumi 20:23

kita Mumuyo Nsongori akee ishirambuya muṛi kwa muṛi eenumbuaa: Fifingio na ngyukiva fishiveree.

Barua ya Yohane ya mbele 3:14

Ise tiishi sheeli tamuuka ufuń tikasamia muuń, fulya tikundie vanavamae. Ulya atawore ikunda akaa ufuń.

Barua ya Petiro ya kavili 1:13

Nań llolie kisumani imwanta na imukumburusa, ili nkikee na muu wakwa.

Barua ya Petiro ya mbele 4:13

Fureń! Amu mukantaṅaṛia matuṛulo na Kristo mufuraa kya mmwasi na ikaba mindoṛo, ili unini lwamwi lulolikaa.

Barua ya Vaebrania 3:1

Kwa ikyo, vanavama vasongori, mundevaangwa sha ise na ivaangwa lyukie iṛuvewu, imboyoń miso anu Yesu uu tikee inrambua sheeli ni nrumi na nrasia weru nnini.

Barua ya Timoteo ya kavili 1:8

Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Vatesalonike ya mbele 5:5

Amu ini mu woose mwawa vana va langa na vana va nsanyiń. Ise tikee va kio ana va llema ndi.

Barua ya Vakolosai 4:3

Mutiterevie neese, amu Iṛuva atirue mwaango wa yata kirero kyamwi, amu timakii irera kiṛisi kya Kristo nkilya kyeeni nndefingio̱,

Barua ya Vaefeso 4:1

Kyasia niń nkee mfinge kiimba kya Nndumi namwikimba ini muware weendo lusumani na ivaangwa li mwavaangwa nalyo.

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Barua ya Vakorinto ya kavili 3:2

Barua yeru yyo ini, nayo yantisiṛwa ngooń teru ilolikie na isomwa vvandu woose,

Barua ya Vakorinto ya mbele 13:7

Lisikiaa foose, livereaa na ikusura foose, lisisiriaa foose.

Barua ya Vakorinto ya mbele 9:23

Nań nkee iṛunda ifo foose kiimba kya nrumi shisha, amu ntaṅaṛie mboṛa yayo.

Mitanie ya varumi 21:33

Numa nshili nnini kaserikia kawwara kavavasa avikwa na mise ivili. Kauṛa: Ni i uu? Lingi: Antana ki?

Barua ya Petiro ya mbele 5:1

Vasuṛi valya vakee ifo kwanu navafunda niń nkee nsuṛi uroe wawo na nrambua wa matuṛulo a Kristo na ntaṅaṛiana unini lukaa lulolike:

Barua ya Vafilipi 1:12

Kake vanavama, mfurie mumanye sheeli mwaandu ulya wakwa wameendee nrumi shisha mbusha.

Barua ya Vafilipi 1:13

Amu kyammanyika kwa varingi valya va Kaisari woose na kwa valya vengi woose sheeli nkee mfinge kiimba kya Kristo dede.

Barua ya Vafilipi 1:14

Na vanavamae veengi valungani na Nndumi vakautia-wo finya ya ikaṛia ikwanisa kirero kya Iṛuva kiimba kya ifingwa lyakwa vatawore weṛei.

Barua ya Vafilipi 2:22

Kake ye mumwishi sheeli awore usuro, amu sheeli mwana aṛundiaa vaava wamwi, mfo kuro da andeṛunda mashoṛa a ikwanisa nrumi shisha andu emwi nań.

Barua ya Vafilipi 4:3

Nawe Sisigo wakwa nakutereva kwelekie vaka wo, amu vandekabania nrumi yo shisha andu emwi nań na Kilemensi na vaaroe vengi va mashoṛa va. Marina awo akee matisiṛe ifo kitabuń kya muu.

Barua ya Vafilipi 4:15

Neeni Vafilipi mwishi mu veni, sheeli lia mbooka yongoya nrumi shisha ilyo nndeuka Makedonia, nta siṛi ingi indeelekiana nań kari ka mboni ii ya iniingia na iwaria kita ini mu veni da.

Barua ya Filemon 1:13

Amu niń niifuriee akaa kwakwa, amu ashiṛundie kifingioń kyakwa andu afo kya nrumi shisha.