Barua ya Vafilipi 1:10 - MMA SHIYYA

¹⁰ lya yelelia kilya kikee kinuru, amu muve vasongori na vandu vatawore ilomi kumande nkonu ulya Yesu Kristo ashaa nato

Barua ya Vafilipi 1:10 ပူးပေါင်းရင်းမြစ်များ

Barua ya Varome 12:2

Manya mutakuvakanise na mikae ya isanga li, kake mwilashike muniingwa ngoo shiiya, amu mumanye kilya kikundio̱ ni Iṛuva, nkilya kikee kinuru na kilya kisenyaa na ikyo kisongori.

Barua ya Vatesalonike ya mbele 3:13

Amuumise ngoo tanu titomaa tikaa titawore ilomi, tive na usongori mbele ya Iṛuva Nde yeru kyeeri Nndumi weru Yesu ashaa andu emwi na vasongori vamwi woose.

Barua ya Vatesalonike ya mbele 5:23

Na Iṛuva muni unambwe ye muni amwilise deń, na mumuyo wanu usumaniswa andu emwi na nrima na wili na iringwa liteefo ilomi, kumande Nndumi weru Yesu Kristo ashaa.

Barua ya Varome 2:18

Kwamanya mifurie yamwi na iirikia filya fikee fisha, nawe kukee lloshe mavavaso.

Barua ya Vaefeso 5:10

Elelień kilya kisenyaa Nndumi.

Barua ya Yohane ya mbele 4:1

Muṛe vakunde, manya mutairikie mumuyo woose, kake elelień mbele mimuyo akwaa imilie kwa Iṛuva. Amu vaauya veengi va wongo vansha isangeń.

Barua ya Vafilipi 1:6

Nań nkusurie sheeli Iṛuva andebooka ma-shoṛa manuru ngooń tanu aamarisiaa kumande nkonu ulya Yesu Kristo ashaa lingi.

Barua ya Vatesalonike ya mbele 5:21

Kake kyoose kyelelień, na kilya kikee kinuru kiwareń.

Barua ya Vakorinto ya mbele 1:8

Nae yye amuniingaa finya kumande ifurumia, amu mukooywa mutawore malomi nkonu ulya Nndumi weru Yesu Kristo ashaa nato.

Urambuyo lwa Yohane 2:2

Niishi mitanie yafo na ngatara tafo na isisiria lyafo na sheeli kitaare kumakii iliana na vandu vakasha. Lingi kwameelelia valya vakee ikuvaanga varumi, nawo nta vvarumi ndi, kwavalolia sheeli wa wongo.

Barua ya Vaefeso 5:27

amu akooye siṛi yoore unuru itawore ukavili ana ikwotuaotua ana nta kimwi kari ka ifo, kake ive shisongori itawore malomi.

Yohane 1:47

Ili Yesu andelolia Natanaeli eeshaa na kwamwi kamwia: A uu Mwisiraeli wa dede ataare ukavili kari kamwi.

Matayo 16:23

Yesu kaaṛukya Petiro kamwia: Uya numa yakwa, Satana! Kukee kituva kyakwa! Amu iwe kukee ikusaṛa mboni ta iṛuvewu ndi kita ikusaṛa ta kivandu da.

Barua ya Vakorinto ya kavili 1:12

Amu tikisi yeru ikee irambulwa mmirima yeru yyo ii sheeli: Tindekuwara na weendo kunu isangeń lukee lwa usongovisi na warutu luukie kwa Iṛuva, nta llwa uṛango lwa kivandu ndi, kake wweendo lukee ikuwara na ililia lya Iṛuva lukamanyika kwanu ini kya mmwasi.

Barua ya Varome 12:9

Manya ikunda litave lya wongo! Sueń filya fikee fikasha mukakuwara na filya fikee finuru!

Barua ya Varome 8:7

Fulya makusaṛo a mikae ya nndu yo meni awore kituva na Iṛuva, fulya atairikie mavavaso a Iṛuva ana amakii iirikia ndi.

Matayo 26:33

Na Petiro kamwaṛua: Na akwaa wwoose vakutuṛukyaa, niń nkutuṛukyaa kutu ndi.

Barua ya Vafilipi 1:16

Iwo vakee itana kuro veeshikundaa wo veeshi sheeli nnderawa, amu vve mukabania nrumi shisha.

Barua ya Vaefeso 6:24

Uwoo lukaa na woose vakundie Nndumi weru Yesu Kristo na ikunda liteelashikaa!

Barua ya Vaefeso 4:15

Kake fikuware na miloshie ya dede na ikundana tiikuaṛukiaa findoń foose ito akee nrwe weru yye Kristo.

Barua ya Vagalatia 5:11

Kake niń, vanavama, kifo kumande alli nndekwanisa nnumbue vandu varinwa, niiumbutwaa? Na kikangio kya ifiya nsalalabeń kiikifoo ndi.

Barua ya Vakorinto ya kavili 8:8

Nkee irera amu mmuvavase ndi, kake ni utomari lwa valya vengi lukee ishiteveta neelelie udede lwa ikunda lyanu.

Barua ya Vakorinto ya kavili 6:3

Kiimba kya iki tikee na useli, amu mashoṛa eru atabiṛwa.

Barua ya Vakorinto ya kavili 2:17

Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Barua ya Vakorinto ya mbele 10:32

Kulleń amu mutatevete Vayuda ana Vagiriki ana va siṛi ya Iṛuva,

Barua ya Vakorinto ya mbele 8:13

Kwa ikyo shoonga yakwa ikanteveta mwanamae wakwa, nta llyaa nyama tilya miṛeṛe ndi, amu ntatevete mwanamae wakwa.

Barua ya Varome 16:17

Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo!

Barua ya Varome 7:22

Amu niirikie mavavaso a Iṛuva na yaaniṛia kunu nrimiń.

Barua ya Varome 7:16

Nań nantana kilya ntakifurie kyasia namiirikia sheeli mavavaso mmanuru.

Mitanie ya varumi 24:16

Nkyo kikangio nakwishivisa vve na nrima utawore ilomi mbele ya Iṛuva na mbele ya vandu mikonu yoose.

Yohane 3:20

Ulya atanaa fikasha ito asule langa ana ashaa langeń ndi, amu mitanie yamwi itamanyike.

Barua ya Vafilipi 2:16

Wareń kirero kilya kinnde muu, nań nkooye tikisi yakwa ishivie nkonu ulya wa Kristo, fulya ntanderisha kya ruu ana ikwatara kya ruu.