Barua ya Vafilipi 1:1 - MMA SHIYYA

¹ Ise Paulo na Timoteo tikee maketi a Kristo Yesu. Teesana vasongori woose va ifo Filipi vakuwore na Kristo Yesu. Teesana na vashili na vaṛundi va siṛi.

Barua ya Vafilipi 1:1 ပူးပေါင်းရင်းမြစ်များ

Barua ya Vakorinto ya kavili 1:1

Niń Paulo nkee nrumi wa Kristo Yesu kwa mifurie ya Iṛuva. Ise na Timoteo mwanamae weru teesana siṛi ii ya Iṛuva ikee kulya Korinto andu emwi na vasongori woose vakee urukeń loose lwa Akaya.

Barua ya Varome 1:1

Nniń Paulo nkee iketi lya Kristo Yesu, nndevaangwa vve nrumi, tindesaulwa vve nkwanisa mboni ya Iṛuva ya ifura.

Barua ya Tito 1:1

Niń Paulo nkee iketi lya Iṛuva na nrumi wa Yesu Kristo. Nnderawa vve muṛundia ikusura lya vasaue va Iṛuva na mimanyie ya udede lusumani na imweṛea.

Barua ya Timoteo ya mbele 3:8

Mfo kuro na veelekia siṛi vave vandu va usuro vatawore ukavili, vatave vandu vanwa wari nnu, vatawore ilanga mbesa ta usutu.

Barua ya Vatesalonike ya kavili 1:1

Ise Paulo na Silwano na Timoteo teesaana siṛi ii ya ifo Tesalonike ikuwore na Iṛuva Vaava weru na Nndumi weru Yesu Kristo.

Barua ya Vatesalonike ya mbele 1:1

Ise Paulo na Silwano na Timoteo teesana siṛi ya kwa Vatesalonike ilungani na Iṛuva Nde na Nndumi Yesu Kristo. Uwoo lukaa neeni na unambwe!

Barua ya Vaefeso 1:1

Niń Paulo nkee nrumi wa Kristo Yesu kwa mifurie ya Iṛuva. Namwisana ini mukee vasongori valya va ifo Efeso mukusurie Kristo Yesu.

Barua ya Varome 1:7

Namwisana ini mu woose mukee ifo Rome, mukee vakunde va Iṛuva mundevaangwa muve vasongori. Uwoo lukaa kwanu na unambwe luukie kwa Iṛuva Nde yeru na kwa Nndumi Yesu Kristo!

Barua ya Petiro ya kavili 1:1

Niń Simon Petiro nkee iketi lya Yesu Kristo na nrumi wamwi. Neesana valya vawore ikusura limwi neese likee na uuru llia tindeniingwa ni Iṛuva weru muni usumani na nkiṛa Yesu Kristo.

Barua ya Yakobo 1:1

Niń Yakobo nkee iketi lya Iṛuva na lya Nndumi Yesu Kristo. Neesana ngyufwari tilya ikumi na ivili tikee shinyanyate kari ka vayavaṛumu.

Barua ya Timoteo ya mbele 1:2

Nakwisana iwe Timoteo kukee mwana wakwa wa dede kukusurie Iṛuva. Uwoo lukaa nawe na ililia na unambwe fuukie kwa Iṛuva Nde na kwa Kristo Yesu Nndumi weru.

Mitanie ya varumi 20:28

Kuringeńń mu veni na shoo yoose, amu Mumuyo Nsongori amurambikia mwisalalie, mumakii itumbana siṛi ya Iṛuva andeiuṛa na usao lwamwi weni.

Urambuyo lwa Yohane 1:1

Urambuyo ilu lumilie kwa Iṛuva. Ye andekuningia Yesu Kristo aoruse maketi amwi nalo filya fitanikaa kyeeri kikee kufui. Kalumanyisa iketi lyamwi Yohane eenrumiaa malaika wamwi.

Barua ya Yuda 1:1

Niń Yuda nkee iketi lya Yesu Kristo na mwanamae wa Yakobo. Neesana vavaange valya vakee vakunde ni Iṛuva Nde na iringio Yesu Kristo.

Barua ya Petiro ya mbele 2:25

Fulya mwikee vaṛaaṛaa sha mburu shireti, kake alli mwamaaṛuywa mwisi akee nringi wa mirima yanu.

Barua ya Tito 1:7

Amu kyawara mulla siṛi ave nndu ataṛiingwa nkindo, amu ni nringi wa Iṛuva. Manya atave nndu wa ikushiisa ye muni, manya atave mwaangu wa ituṛuka, manya atave nnangwa ana muyamyaandu, manya atave mukunda mbusha ya usutu.

Barua ya Vaebrania 13:23

Manyiń sheeli mwanamae weru Timoteo ammaa iboṛomulwa. Kansha ree tikwaniaa neeni andu emwi nae.

Barua ya Vatesalonike ya kavili 1:10

ili ye akaa ashe nkonu ulya, amu eetikiswa kari ka vasongori vamwi na iirikio̱ vvalya woose vamwirikie, — fulya irambua lyeru lyamiirikio̱ ni ini.

Barua ya Vatesalonike ya mbele 2:2

Kake lla ili tindevaviswa mbele na itanio̱ fa usanduru ifo Filipi, sheeli mwishi, tikakaṛia na Iṛuva weru irera nrumi shisha ya ifura kwanu na ivingania nnu.

Barua ya Vaefeso 1:15

Kiimba kya ikyo ili nndeita sheeli mukusurani na Nndumi Yesu, lingi sheeli mukundani na vakristo woose,

Barua ya Vakorinto ya mbele 16:10

Kake ili Timoteo afikaa, mulleń akaa kwanu luteefo weṛei. Amu ni ndundi wa mashoṛa a Nndumi shań shi muni.

Urambuyo lwa Yohane 19:10

Nań nawa marendeń amwi, amu mmwindie. Kashiia: Manya kutatane kuro! Niń nkee mwelekia wafo na wa vanavamae vafo vakee varambua va Yesu. Ulya kyawara kumwindie ni Iṛuva. Amu irambua Yesu ni iirikia Mumuyo wa wauya.

Mitanie ya varumi 9:13

Anania kamwaṛua kamwia: Wode Nndumi, namoongoywa vvandu veengi mboni ta nndu ulya, sheeli andelisa vandu vafo ukiva kulya Yerusalemu.

Yohane 12:26

Na ulya afurień ishiṛundia kyawara ashisoṛe na utomari. Na alya niń nkai wwo na iketi lyakwa likaa da. Na nndu kashiṛundia na utomari, Vaava wakwa amwitikisaa.

Mariko 13:34

Kivakani sheeli nndu aendaa kyaaṛo katia numba yamwi. Kavavasia masinga amwi nndu woose na ishoṛa lyamwi. Kavavasa nringi wa mwaango alale rembo.

Urambuyo lwa Yohane 22:9

Nae kashiia: Manya kutatane kuri! Niń nkee uroe wafo na wa vanavamae vafo vaauya na wa valya vawaraa firero fa kitabu ki. India Iṛuva!

Urambuyo lwa Yohane 2:12

Na mwisi ulya wa siṛi ikee Perigamo ntisiṛie: A fi firero ito arera awore shombo ilya shooi kuvili. Nafo mfo ifi:

Urambuyo lwa Yohane 2:8

Na mwisi ulya wa siṛi ikee Simirina ntisiṛie: A fi firero arera ito akee wa ibooka na wa ifurumia, ni ito eekee mfu kawara lingi muu. Nafo mfo ifi:

Urambuyo lwa Yohane 1:20

Kya kiṛisi kya nyinyiri tilya mfungare kwatilolia ukoń lwakwa usha na kya taa tilya mfungare ta saabu manya: Nyinyiri tilya mfungare vveesi va siṛi tilya mfungare, na taa tilya mfungare nsiṛi tilya mfungare to sheni.

Mitanie ya varumi 1:20

Fulya kikee kitisiṛe kitabuń kya fiimbo fa Davidi: ”Kirembo kyamwi kive kidenge, ateere nta nndu aruaa-fo“. Na lingi: ”Mashoṛa amwi awario̱ ni nndu ungi“.

Barua ya Vagalatia 1:10

A le ifi narera amu niirikio̱ vvandu ana ni Iṛuva? Ana mfurie isenya vandu? Kikooye niisenyaa vandu, niivaa iketi lya Kristo ndi.

Barua ya Vagalatia 3:26

Fulya ini mu woose mukee vana va Iṛuva kwa ikusura Yesu Kristo.

Barua ya Vagalatia 3:28

Amu kwamwi ye akiifo nndu Muyuda ana nndu Ngiriki ndi ana iketi ana muyakyeń ndi ana nndumi ana nka ndi. Fulya ini mu woose mukee kimwi kiimba kya ili mukee va Kristo Yesu.

Barua ya Vaefeso 6:24

Uwoo lukaa na woose vakundie Nndumi weru Yesu Kristo na ikunda liteelashikaa!

Barua ya Vafilipi 2:5

Muve na mikae ilya sheeli na Yesu Kristo eekee nayo.

Barua ya Vafilipi 2:19

Vverie Nndumi Yesu airikie nrume Timoteo kwanu ree, amu nrima wakwa wimuye, ili mmanyaa mboni tanu kasa tikai.

Barua ya Vafilipi 3:3

Amu varine va dede — (nkimwi na vana va Iṛuva va dede) — ni ise tiiṛundiaa Iṛuva tiworwa mMumuyo tikakuṅinisa, fulya tikee va Kristo Yesu, ana titakusuranaa na findo fa wooṛo fa kivvili,

Barua ya Vafilipi 3:8

Nkya dede nkee ikusaṛia sheeli findo foose mfa kitani, amu imanya Nndumi wakwa Yesu Kristo nkinini kita foose. Na kwa kiimba kyamwi ye nndetia-wo foose na ifiaṛua nkiṛi-nda, amu wware Kristo muni.

Barua ya Vafilipi 3:12

Nta nkee irera ifi sheeli nammaa ifiwara ndi ana sheeli nammaa isongovika ndi. Wode! Kake nkee ifisaṛikia akwaa mmakii ifiwara, mfulya nndewarwa nKristo Yesu.

Barua ya Filemon 1:1

Niń Paulo nkee mfinge kiimba kya Kristo Yesu. Ise na Timoteo mwanamae weru takwisana iwe Filemon nkunde weru kukee ndundi wa mashora andu emwi neese.