Barua ya Timoteo ya kavili 4:1 - MMA SHIYYA

¹ Narambua mbele ya Iṛuva na mbele ya Kristo Yesu ulya asheumisiaa veefo na muu na vamfwe niirambuaa sheeli ashaa lingi aseṛeese umangi lwamwi.

Barua ya Timoteo ya kavili 4:1 ပူးပေါင်းရင်းမြစ်များ

Mitanie ya varumi 10:42

Nae kativavasa toongoye vandu na iringisia, sheeli uu yye eende-ṛio̱o̱ ni Iṛuva ave mufukya myaandu ya valya veefo na muu na valya vamfwe.

Barua ya Timoteo ya kavili 4:8

Kiseere ni uvingo lwa usumani mfisie lua Nndumi mwumisia nsumani ashiniingaa nkonu ulya, ana nniń shi muni ndi, kake wandu woose valya vaveree isha lyamwi.

Barua ya Timoteo ya mbele 5:21

Nakuvavasa mbele ya Iṛuva na mbele ya Kristo Yesu na mbele ya vamalaika vasaue ringa ifo kitaare kwasuuya nndu ana kutatane kindo kwikundiaa nndu.

Barua ya Timoteo ya kavili 2:14

Vakumburuse ifi kwivaikimbaa mbele ya kisangu kya Iṛuva vatave na ivingana lya firero fitawore mbusha kita ifuluta valya vakee yaranya.

Matayo 16:27

Ili Mwana wa nndu akaa ashe aṛee unini lwa Ndee andu emwi na vamalaika vamwi, llyo asheavyaa nndu woose kiińańani na mitanye yamwi.

Barua ya Tito 2:13

kumande ashaa na unini, amu yye Iṛuva weru na nkiṛa weru nnini.

Barua ya Petiro ya mbele 5:4

Mukavva kuro muwariaa kiṛeto kya uvingo ikyo kitaumaa, ili mwisi ito nnini alolikaa.

Barua ya Yohane ya mbele 2:28

Na alli, vana vakwa, kaań mukulunganise nae, amu ili alolikaa tive na ifura, titasutwa ili auyaa.

Barua ya Petiro ya mbele 4:5

Kake wo va-uṛwaa ni ulya akudeeṛie yumisia valya veefo na muu na valya vamfwe.

Barua ya Petiro ya mbele 1:7

amu ikusura lyanu lyelelio̱ kwakooya llya dede na ilolio̱ akwaa liwore uuru kita saabu ikashaa, nayo yelelio̱o̱ muroń kwakooya nshinuru. Mukawa kuro mukooyaa nsendo na tikisi na unini, ili Yesu Kristo alolikaa.

Barua ya Vatesalonike ya kavili 2:8

Io llyo muni urekwa ulya alolikaa. Nae Nndumi Yesu antuulaa na mumuyo wa kana kamwi na inreta kyeeri kyamwi kya isha kikamfika.

Barua ya Varome 2:16

Ifi Amanyikaa nkonu ulya ili Iṛuva aniingaa Yesu Kristo irambua fiṛisi fifisio̱ wandu. Ii yyo nrumi shisha nndeniingio̱.

Mitanie ya varumi 17:31

Mfulya andeeṛia nkonu ashaa nato aumisie va isanga na usumani. Na uumisio lu kalurambikia nseṛo ulya andenduta kwa vafu kanrambuya vandu woose vautiewo inkusura.

Barua ya Petiro ya kavili 1:11

Amu kuro muniingwaa mboṛa ya miniingie ya yaka umangiń lwa miṛeṛe lwa Nndumi weru na nkiṛa weru Yesu Kristo.

Luka 23:42

Kaia Yesu: Wui Yesu kushikumbue, ili kushaa kukee na umangi lwafo.

Luka 19:15

Neeli andemaa iwara umangi lua, kauya na kyeń kavavasa, maketi alya avaniingia fesa tilya avaangwa, naamu amanyi kasa nndu woose andekooya mbusha yamwi.

Luka 19:12

Kyasia kanumbua: Eeifoo nndu wa numba ya mangi andeimboo kyaaṛo kya uruka lwa kwaasha, andewara-fo umangi, numa auye.

Urambuyo lwa Yohane 1:7

Lleń te akee isha ariwa mmaṛumbe. Na miso woose alloliaa na a valya vandensimba. Na ngyufwari toose ta isanga vaishiṛaa kiimba kyamwi. Ee nkya dede. Amen.

Barua ya Petiro ya kavili 1:17

Fulya anniingwa unini na langa ni Iṛuva Nde, lia ununga lua lunshea lukee lwa Iṛuva muni unini loose lukarera: ”Uu mMwana wakwa ninkundie ashisenye“.

Barua ya Vakolosai 3:4

Neeli Kristo alolikaa akee muu weru, llyo neeni mulolikaa andu emwi nae uniniń.

Barua ya Timoteo ya kavili 1:10

Lukamanyika alli, ifi nkiṛa weru Yesu Kristo andelolika uu andefukya finya ta ufu kannde muu na mikae itakisiaa kwa shia ya nrumi shisha.

Barua ya Timoteo ya kavili 4:18

Nndumi eengeṛiaa ishiuta mitambweń yoose mikasha na ishikiṛa eeshifitaa umangiń lwamwi lwa iṛuvewu. Ye eetikiswa miṛeṛe na miṛeṛe! Amen.