Barua ya Timoteo ya kavili 3:13 - MMA SHIYYA

¹³ Kake vandu vakasha na valembi veengeṛiaa yenda ukasheń veelembaa vandu na ilembika wo veni.

Barua ya Timoteo ya kavili 3:13 ပူးပေါင်းရင်းမြစ်များ

Barua ya Timoteo ya mbele 4:1

Kyasia Mumuyo akee irera na baa sheeli mikonu ya ifurumia vavaa vandu vakwavaa na ikusura veearanyaa mimuyo ya ulembi na miloshie ya Masatana

Barua ya Petiro ya kavili 2:20

Amu valya vammaa irisha kiṛinda kya isanga kiimba kya imanya Nndumi na Nkiṛa Yesu Kristo kwakooya vareywa nkyo lingi na ivingwa, mikae yawo ya ifurumia yawa mikasha kita ya mbele.

Barua ya Tito 3:3

Amu ilyo mbele neese tiikee vandu vatawore uṛango tiikee valea na vareti na iṛundia ilanga lya mikae miingi likee itisenya tikaengeṛia ukasha na iira iriso na ikutuṛukia ti veni na ti veni.

Barua ya Timoteo ya kavili 3:8

Na sha lia Yane na Yambire valemana na Mose, mfo kuro na iva valemanie na udede lua. Vvandu vankashaa ngyuṛango tawo vataare veelelio̱ findoń fa ikusura.

Barua ya Petiro ya kavili 3:3

Lya mbele manyiń kirero ki: Mikonu ya ifurumia vakwimboo vateenda vawore fiteendo fikasha veengeṛiaa isoṛa milangie yawo veni

Urambuyo lwa Yohane 13:14

Nalyo likateveta valya vakee isangeń na maṛiikiso alya nndeniingwa liatane mbele ya ifisi lyo liiaa valya vakee isangeń vasongosie fwana ya ifisi lia liwore kyaasha kya shombo, nalyo likakaa na muu.

Urambuyo lwa Yohane 12:9

Na ishoka lyo inini likakumbwa isangeń, ni ishoka lia ikuu livaangwaa nretai na Satana. Llyo llembi wa isanga lyoose. Kakumbwa isangeń, na vamalaika vamwi vakakumbwa andu emwi nae.

Urambuyo lwa Yohane 18:23

Ana langa ya taa ikimulikaa lingi kwafo kutu ndi. Ana mindoṛo ya nndumi wa wali na nka wa wali ikiitiwaa lingi kari kafo kutu ndi. Amu vakaba mbusha wo vafo veekee vanini va uruka, fulya kiimba kya usavi lwafo vandu va masanga woose vandelembwa.

Barua ya Vakorinto ya kavili 6:8

Tikee ikworusa sheeli tikee maketi a Iṛuva, na tikaṅiniswa na tikabiṛwa na tikarerwa kikasha na tikarerwa kinuru. Tikee ivaangwa valembi, kake tikee va dede.