13 Kwakooya titankusuraa, ye eengeṛiaa iva na uwoo, amu amakii ikukana ye muni ndi.
Alli nkiki kwakooya kiindi kyawo vatankusurie? A le ilea ikusura lyawo limakii ikasheesa usongori lwa Iṛuva?
Narawa nkuwore na iverea lya iverea muu wa miṛeṛe nto Iṛuva uu atamakii irera wongo arekia kuuka mbooko.
Kake Nndumi wwa usuro, nae amuaviaa finya na imuringa Nkasha ulya.
Ito amuvaanga ye wwa usuro, nae atanaa.
Na Iṛuva wwa usuro, nae yye andemuvaanga mukaliana na Mwana wamwi Yesu Kristo Nndumi weru.
Kakunda ifo fili fivili fiteelashike kutu, amu kivaa Iṛuva arere wongo ndi, naamu fitiniinge iwoliswa lyoore finya ise tinderishia iwara iverea lyeru teemfisio̱o̱.
Iṛuvewu limandaa na isanga, kake firero fakwa fo fimandaa kutu ndi.
Nta niikai kirero kya Iṛuva kyalakana ndi. Amu nta iwo vamilie kishukuń kya Isiraeli vakee Vaisiraeli va dede woose ndi.