Barua ya Timoteo ya kavili 1:7 - MMA SHIYYA

⁷ Amu Iṛuva antiaṛua tive vandu vawore weṛei ndi, kake antiaṛua tive vandu vawore finya na witanu na nrima wa useli.

Barua ya Timoteo ya kavili 1:7 ပူးပေါင်းရင်းမြစ်များ

Barua ya Varome 8:15

Amu mwanniingwa Mumuyo wa uketi mjiwarwa fingi wweṛei ndi, mwanniingwa Mumuyo wa imwaṛua vana, nto akee itilosha iia fiinumbuaa: Wui Nde yeru!

Barua ya Yohane ya mbele 4:18

Ikunda liwore weṛei ndi, kake ikunda lisumani Ukee yumbuta weṛei, fulya weṛei luwore mavavio. U ya awore weṛei asumanikie ikundeń ndi.

Barua ya Vagalatia 5:22

Kake findo Mumuyo avikie mfo ifi: ni ikunda na ifura na unambwe na isisiria na usha lwa nrima na usongovisi na ikusurana

Yohane 14:27

Ni unambwe namurea, ni unambwe lwakwa nankuniinga. Na miniingie yakwa ikee sha miniingie ya isanga ndi. Manya ngoo tanu titataṛaake ana mutawarwa wweṛei!

Luka 10:19

Lleń nankuniinga finya ya ivariavaria shoka na nguluva na ivinga finya yoose ya Nkituva. Ana nta kindo kimukasheesaa.

Mitanie ya varumi 1:8

Kake ini muniingwaa finya ili Mumuyo Nsongori amusheaa. Neeni muvaa varambua vakwa kunu Yerusalemu na Yudaya koose na Samaria na kumande mbaai ya isanga.

Barua ya Varome 5:5

Na iverea fi litilembaa ndi, fulya ikunda lya Iṛuva linderawa ngooń teru mMumuyo Nsongori uu tindenniingwa.

Barua ya Vaebrania 2:15

na iboṛomua valya woose veeworwaa uketiń veeṛeaa ufu kyeeri kyoose kya muu wawo.

Mitanie ya varumi 20:24

Kake ifi fishieṛeesie ndi. Na akwaa mmuu wakwa nkindo kya uuru kwakwa ndi. Kindo llangie ni imarisia weendo lwakwa na miṛundie ilya nndeniingio̱ ni Nndumi Yesu ya irambua mboni shisha ya uwoo lwa Iṛuva.

Barua ya Vakorinto ya mbele 2:4

Na kirero kyakwa na mikwanisie yakwa nnderera nta kwa firero fa waṛia lwa ikangia ngyuṛango ta vandu ndi, kake nkwa finya ya Mumuyo,

Luka 24:49

Neeni manyiń niń mmurikiaa kilya kinderekio̱ nNde yakwa kimwolokie. Kake ini kaań muṛiń uu wa Yerusalemu kumande muniingwaa finya yuka ule.

Mitanie ya varumi 10:38

Yesu wa Nasareti Mumuyo Nsongori na finya. Nae kaṛuaṛua na itania kinuru valya woose veekee iliswa ukiva nSatana na ivakiṛa, fulya Iṛuva eekee andu emwi nae.

Barua ya Petiro ya mbele 1:22

Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.

Mitanie ya varumi 21:13

Llyo Paulo aaṛua: Mutanaa ki mwiyaa na ishifukya nrima? Amu niń nta ni ifingwa da ndi, nkudeeṛie na akwaa ni iwaywa Yerusalemu kiimba kya irina lya Nndumi Yesu.

Barua ya Vakolosai 1:8

Nae andetiongoya kya ikunda lyanu lindemiriswa mMumuyo Nsongori mirimiń yanu.

Mitanie ya varumi 6:8

Stefano nae kava muyafinya shiingi ta ikusura Nndumi katana findo finini fa myorusie ifo vanduń.

Mitanie ya varumi 9:22

Kake Saulo kaengeṛia iva ntomari kataṛaakisa Vayuda valya veekee Damasiko eekaarisaa sheeli uu yye Kristo.

Luka 8:35

Na vandu vakakwimboo indella kilya kyatanika. Vakasha kulya Yesu akai. Vakakooya-fo nndu ulya andeukwa mmimuyo akee rembo marendeń a Yesu aṛee miseto, awore uṛango. Vakaeṛea.

Mitanie ya varumi 26:25

Kake Paulo kanumbua: Noore usukwa ndi, nnini wakwa Festo, kake nkee irera firero fa dede na fa uṛango weni.

Luka 15:17

Kyasia kakwimboo ye muni kanumbua: Mmaketi enga akee kulya kwa vaava wakwa vakee ilya shoonga vakawuura na isaa ikasaa. Nań nkee ifiiya kunu nsoto!

Mitanie ya varumi 26:11

Na keengi ifo numbeń ta iterevia koose navavavisa niivakabiṛiaa vakane Yesu. Navaendea na uvaave sheeli noorwa ni uketo navaumbuta kumande miriń ya veeni.