Barua ya Timoteo ya kavili 1:10 - MMA SHIYYA

¹⁰ Lukamanyika alli, ifi nkiṛa weru Yesu Kristo andelolika uu andefukya finya ta ufu kannde muu na mikae itakisiaa kwa shia ya nrumi shisha.

Barua ya Timoteo ya kavili 1:10 ပူးပေါင်းရင်းမြစ်များ

Barua ya Yohane ya mbele 1:2

Na muu uu undelolika, neese tikaulolia. Nto tikee yurambua na imukwanisia tikee imukwanisia ini sheeli muu uu wwa miṛeṛe wikee kwa Nde ukalolika na kweru.

Barua ya Varome 16:26

Kake kyeeri kya alli ikarambulwa kikamanyiswa kwa vandu va ngyuruka toose na mitisiṛie ya vaauya, sheeli Iṛuva wa miṛeṛe andevavasa, amu vakooye inkusura na imwirikia.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Barua ya Tito 2:11

Amu ililia lya Iṛuva lyallolika lya ikiṛa vandu woose.

Barua ya Vakorinto ya mbele 15:26

Kituva kya ifurumia kiretwaa ni ufu.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Barua ya Timoteo ya kavili 1:1

Niń Paulo nkee nrumi wa Kristo Yesu kwa mifurie ya Iṛuva isumani na kirekio kya muu ukee na Kristo Yesu.

Barua ya Vaefeso 1:9

Kikansenya itirambuya kiṛisi kya makusaṛo amwi.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Urambuyo lwa Yohane 22:17

Na Mumuyo na sambuṛa ilya ya wali vakee inumbua: Oṛesho! Na ulya aitaa iki anumbue: Oṛesho! Na ulya aworwa nnyura ashe. Na alangie awarie mura wa muu kya ruu.

Urambuyo lwa Yohane 22:14

Vva ngoma valya vawaraa mavavaso amwi, amu vakooye fuva yawo ya nri ulya unnde muu na muumu wa iira mbengeń tilya vafike muṛiń ulya.

Urambuyo lwa Yohane 18:1

Numa ya ifo nalolia malaika ungi eeolokaa iṛuvewu awore ushili unini, na isanga likavaramiswa llanga yamwi.

Urambuyo lwa Yohane 2:7

Ulya awore marwi aaranye kilya Mumuyo akee iia siṛi ti: Ulya avingaa, ninniingaa nunda ta nri wa muu ukee ifo Paradiso ya Iṛuva.

Barua ya Petiro ya kavili 3:2

mukumbue firero filya farerwa mbele vvaauya fisuku valya vasongori na ivavaso lia lya Nndumi na Nkiṛa lindenndwa vvarumi vanu.

Barua ya Petiro ya kavili 2:20

Amu valya vammaa irisha kiṛinda kya isanga kiimba kya imanya Nndumi na Nkiṛa Yesu Kristo kwakooya vareywa nkyo lingi na ivingwa, mikae yawo ya ifurumia yawa mikasha kita ya mbele.

Barua ya Petiro ya kavili 1:11

Amu kuro muniingwaa mboṛa ya miniingie ya yaka umangiń lwa miṛeṛe lwa Nndumi weru na nkiṛa weru Yesu Kristo.

Barua ya Petiro ya kavili 1:3

Imakii lyamwi lya ki-Iṛuva lyantiniinga filya foose fawara iva na muu wa dede na usha lwa dede liitimanyisaa ulya andetivaanga na unini lwamwi na usha lwamwi ye muni.

Barua ya Vaebrania 10:32

Kumbueń mikonu ilya ya mbele lia mundemulikwa mukasisiria ivingana inini lya mavaviso.

Barua ya Tito 3:4

Kake lia uwoo lwa Iṛuva nkiṛa weru lulolika na ikunda lyamwi, llyo atikiṛa

Barua ya Tito 2:13

kumande ashaa na unini, amu yye Iṛuva weru na nkiṛa weru nnini.

Barua ya Vatesalonike ya kavili 2:8

Io llyo muni urekwa ulya alolikaa. Nae Nndumi Yesu antuulaa na mumuyo wa kana kamwi na inreta kyeeri kyamwi kya isha kikamfika.

Barua ya Vaefeso 1:18

Na ngooń tanu amurwaye-fo miso maantu, amu mumanye kilya mukee iverea mukee vavaange yye na imanya unini lwa diṅu iyo aifisie vasongori vamwi.

Barua ya Vagalatia 5:4

Ini mufurie yaṛulwa vasumani mmavavaso mwallakaniswa na Kristo, mwawa na ireta uwoo lwa Iṛuva.

Barua ya Vakorinto ya kavili 5:4

Amu ise ili tikee kunu numba ii ya wili, tikee idia kiimba kya yeemio̱, fulya titafurie yutwa isaṛa, kake tifurie ivikwa, amu kilya kya mikae ya ifwa kimiṛwa nkya mikae ya muu.

Barua ya Vakorinto ya mbele 4:5

Kyasia manya mutafukye alli kya mashoṛa eru kitaare Nndumi ansha, amu yye asherambuaa uṛikio loose lurikio̱ vvandu na imanyisa ashemanyisaa na baa makusaṛo a vandu afisio̱ ngooń. Llyo na nndu woose aavio̱o̱ maṛe amwi ni Iṛuva alya asumani na mashoṛa amwi.

Barua ya Varome 6:6

tiimanyaa sheeli unndu lweru lwa mbele lwakabio̱ nsalabeń andu emwi nae, amu vvili uwore mareko ukasheeswa utakiṛundie fingi mareko.

Barua ya Varome 3:31

Kyasia naare? Tamfukya mavavaso kiimba kya ikusura? Wode! Andu a ikyo tikee ikaarisa mavavaso.

Mitanie ya varumi 13:23

Ifo uṛitiń lwa nndu to Iṛuva andeendee vandu va Isiraeli nkiṛa, yye Yesu sheeli arekia.

Mitanie ya varumi 5:31

Nndu to Iṛuva andeṅṅinisa na uko lwamwi usha ave nnini na nkiṛa vandu, aniinge Vaisiraeli iilashika na itio̱ lya mareko.

Yohane 20:31

Kake ii yantisiṛwa, amu mukusure sheeli Yesu nKristo Mwana wa Iṛuva, na kiimba kya ikusura li mulolie muu mukuvavie na irina lyamwi.

Yohane 5:40

Neni nta mufurie isha na kwakwa mukooye muu ndi.

Yohane 4:42

Vakaia nka ulya: Alli tankusura nta nkiimba kya filya kwarera ndi, fulya tamiita ti veni tikamanya sheeli uu yye nkiṛa wa isanga dede.

Yohane 1:9

Langa ya dede ilya imulikiaa nndu woose yo iikee isha kunu isangeń.

Luka 13:7

Kaia nremia nnda: Lla te mwaka uu wwa kararu niishaa niiṛuyaa nunda nriń uu nta ilolia.

Luka 11:36

Kyasia kwakooya wili wafo uwore langa, lingi utawore andu a llema, wili wafo uvaa na langa kutu, sheeli na taa ikee ikumulikia na langa yayo.

Luka 2:11

Fulya nkonu wa nnu mwamiirio̱ Nkiṛa kulya muṛiń wa Davidi, uu akee Kristo Nndumi.

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Barua ya Petiro ya kavili 1:1

Niń Simon Petiro nkee iketi lya Yesu Kristo na nrumi wamwi. Neesana valya vawore ikusura limwi neese likee na uuru llia tindeniingwa ni Iṛuva weru muni usumani na nkiṛa Yesu Kristo.

Urambuyo lwa Yohane 20:14

Na ufu na kundo kulya kwa vafu fikakumbwa iruveń lia lya muro. Ilu llo ufu lwa kavili, ni iniva lia lya muro.

Barua ya Timoteo ya kavili 1:8

Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Timoteo ya kavili 4:1

Narambua mbele ya Iṛuva na mbele ya Kristo Yesu ulya asheumisiaa veefo na muu na vamfwe niirambuaa sheeli ashaa lingi aseṛeese umangi lwamwi.

Barua ya Timoteo ya kavili 4:8

Kiseere ni uvingo lwa usumani mfisie lua Nndumi mwumisia nsumani ashiniingaa nkonu ulya, ana nniń shi muni ndi, kake wandu woose valya vaveree isha lyamwi.