Barua ya Vatesalonike ya kavili 3:14 - MMA SHIYYA

¹⁴ Na akwaa ni nndu woose na kava i ateerikiaa kirero kya barua ii yeru kusembekeń nndu ito ana manya mutalye nae usaṛe, amu aṛiike na isiika.

Barua ya Vatesalonike ya kavili 3:14 ပူးပေါင်းရင်းမြစ်များ

Barua ya Tito 3:10

Nndu annde iraua kwammaa imwikimba limwi na lya kavili lleye

Barua ya Vakorinto ya mbele 5:11

Kake mboni to sheeli tikai nndemutisiṛia sheeli mutasangesange na nndu akee ivaangwa mwanamae, nae mmwaaisi ana llembi ana murasia vaṛumu ana nruma ana nnangwa ana musoka. Nndu wa mikae ii mutakunde nta iliana nae.

Barua ya Vatesalonike ya kavili 3:6

Vanavama, tamuvavasa na irina lya Nndumi Yesu Kristo: Kwaveń na mwanamae woose atawore walio na ilea ufundo lua munderambikio̱ ni ise.

Barua ya Vatesalonike ya mbele 4:8

Kyasia ulya abiṛie mifundie ii, abiṛie nndu ndi, kake abiṛie Iṛuva muni ammuniinga Mumuyo wamwi Nsongori.

Barua ya Filemon 1:21

Nakutisiṛia niikusuraa windi lwafo. Niishi namanya sheeli kutanaa fa mmwasi kita ifi nkee irera.

Barua ya Vakorinto ya kavili 10:6

Lingi tikee kya umbuura yumisia ilea lyoose kumande mumaa yawutia windi lwanu.

Barua ya Vakorinto ya kavili 2:9

Amu nkiimba kya ikyo namutisiṛia, amu nkooye irambua kari kanu, sheeli mwirikie findo foose.

Barua ya Vakorinto ya mbele 5:9

Nndemutisiṛia ifo barueń ilya yakwa sheeli manya mutasangesange na vaaisi.

Barua ya Varome 16:17

Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo!

Matayo 18:17

Kallea iirikya iwo, enda andeongoya siṛi. Kallea iirikya na siṛi deń, akuvie sha muyavaṛumu ana nsańiṛya kyaalo.

Barua ya Vaebrania 13:17

Irikień iwo vamwirie mbele na ivakunyiisia, fulya iwo valalaa rembo veekusaṛiaa mirima yanu, amu wwo vakaa vauṛwa kiimba kyayo. Kutomariseń itana kuro, amu vatane mashoṛa awo na ifura kitaare vakee idia, amu iki kimwelekaa ndi.

Barua ya Vafilipi 2:12

Vakunde vakwa, sheeli mundeshiirikia mikonu yoose nta nkyeeri niń niikee kwanu da ndi, kake alli nkya mmwasi ili nteefo kwanu, awutień ikiṛwa lyanu mu veni mwieṛeaa na irerema.

Barua ya Vakorinto ya kavili 7:15

Na ikunda lyamwi akuwore nalyo neeni lyava inini mmwasi likailanya, ili akee ikumbua windi lwanu ini mu woose, sheeli mundewwaria na weṛei na irerema.

Barua ya Vakorinto ya mbele 4:14

Namutisiṛia ifi, amu mmusute ndi, kake ni imwikimba nafo mukee vana vakwa wakundie.

Barua ya Vakolosai 4:16

Barua ii ikammaa isomio̱ kwanu songosień isomio̱ kuro ifo siṛiń ya Valaodikia, na ilya ya Laodikia musomio̱ neeni.

Barua ya Tito 2:8

Kwanisa kirero kya itiniinga ikia kitairio̱ ngani, amu ulya wa ngani asuke atamakii irera nta kirero kimwi kya itisuta.

Barua ya Yohane ya kavili 1:10

Kwakooya nndu asha kwanu atarie ufundo lo manya mutawwarie numbeń kwanu ana nta mutamwisane.