Barua ya Vatesalonike ya kavili 2:9 - MMA SHIYYA

⁹ Na ili muni urekwa ulya akworusaa aṛundaa eetikwaa nSatana, na iṛunda aṛundaa na imakii lyoose na myorusie na maṛiikiso a wongo,

Barua ya Vatesalonike ya kavili 2:9 ပူးပေါင်းရင်းမြစ်များ

Matayo 24:24

Amu vakwimboo Makristo a wongo na vaauya va wongo, nawo vaorusyaa myorusye minini na maṛiikiso, amu varete na akwaa vvalya vakee vasaue, kwakooya kivaa.

Urambuyo lwa Yohane 19:20

Na ifisi lia likawarwa andu emwi na mwauya ulya wa wongo ulya andetana maṛiikiso alya kisanguń kyayo, amu wwo andekaba nawo vandu nrwe valya vandewaria kiringisio kya ifisi lia na iindia fwana yayo. Iwo vali vavili vakakumbwa veefo na muu iruveń lia lya muro ukee yaka wa kibalabala.

Barua ya Vaefeso 2:2

akee wwo mwalatia kuuka mbele mwisoṛaa mifurie ya isanga li na iitikwa mmuyafinya ulya wa ringewu. Yye mumuyo ulya akee iṛunda mashoṛa kwa vandu valea Iṛuva.

Barua ya Vakorinto ya kavili 11:3

Kake sheeli shoka ilya indelemba Eva na mitambwe yayo, noore weṛei kundo neeni murwaa makusaṛo anu mbaai mutamakii lingi ivandama Kristo ye muni da na ikaa nae.

Yohane 4:48

Yesu kamwia: Kitaare mwaoruswa findo finini fa maṛiikiso mukusuranaa nań ndi.

Mariko 13:22

Amu vakwimboo Makristo a wongo na vaauya fisuku va wongo, nawo vaorusaa myorusie minini na fa iṛiikisa itandelolyo̱ lingi, amu vakooye mwaanya wa ireta na valya vakee vasaue, kifo kiivaa.

Urambuyo lwa Yohane 20:10

Na ndiingi ulya andevalemba kaeeṛwa iruveń lia lya muro wa kibalabala kulya ifisi lia likai na mwauya ulya wa wongo. Mfo valisio̱o̱ ukiva kio na nsanyiń kumande miṛeṛe na miṛeṛe.

Urambuyo lwa Yohane 18:23

Ana langa ya taa ikimulikaa lingi kwafo kutu ndi. Ana mindoṛo ya nndumi wa wali na nka wa wali ikiitiwaa lingi kari kafo kutu ndi. Amu vakaba mbusha wo vafo veekee vanini va uruka, fulya kiimba kya usavi lwafo vandu va masanga woose vandelembwa.

Urambuyo lwa Yohane 12:9

Na ishoka lyo inini likakumbwa isangeń, ni ishoka lia ikuu livaangwaa nretai na Satana. Llyo llembi wa isanga lyoose. Kakumbwa isangeń, na vamalaika vamwi vakakumbwa andu emwi nae.

Barua ya Timoteo ya kavili 3:8

Na sha lia Yane na Yambire valemana na Mose, mfo kuro na iva valemanie na udede lua. Vvandu vankashaa ngyuṛango tawo vataare veelelio̱ findoń fa ikusura.

Barua ya Vakorinto ya kavili 11:14

Nakyo nkindo kya iṛiikisa ndi. Amu Satana nae akwaṛuaa sha mmalaika awore langa.

Mitanie ya varumi 13:10

Iwe kwishue ntambwe na ukasha loose kukee mwana wa Satana, kukee nkituva wa udede loose, kutiaa-wo se yotuaotua shia ta Nndumi tiseṛeekie?

Yohane 8:44

Ini mukee va nde yanu, nae nSatana. Na filya nde yanu alangie mfo musenywa ifitana. Ye eekee wwaa vandu kuuka mbele, ana nta akuwore na udede ndi, fulya ye atawore udede nrimiń wamwi. Karera wongo, areraa ikyo kikee kyamwi muni. Amu ye wwa wongo kava na ndee wa wongo.

Yohane 8:41

Vakamwia: Ise teeriwa waaisiń ndi. Ise toore Vaava umwi, nae ni Iṛuva.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Urambuyo lwa Yohane 12:17

Shoka ikatuṛukia nka ulya ikaenda iimboo fira ya ikaba vafwari vamwi veesaiyee valya vaindia mavavaso a Iṛuva na irambua Yesu. Numa nasalala mbaai ya nruva.

Urambuyo lwa Yohane 9:11

Tiwore mangi yayo, nae mmalaika wa kundo kulya kwa si. Irina lyamwi kiebrania ni Abadon na kigiriki ni Apolion.

Matayo 4:10

Yesu kamwia: Shuuka Satana! Amu nkitisiṛe: Kuńinise Nndumi Iṛuva wafo na inkusura ye muni.

Matayo 12:22

Llyo aendewa nndu eeworwaa mmumuyo nkasha, akee na mfu miso na ateeshi irera. Nae kankiṛa. Na nndu ulya ateeshi irera karera na ilolya.

Barua ya Yakobo 3:15

Amu uṛango lo llo lua lushee luuka iṛuvewu ndi, kake llwa isanga na lwa mikae ya kinndu na lwa Satana.

Luka 11:25

Ili umaa yuya, ukakooya numba yamaangatwa na isongosio̱