Barua ya Vatesalonike ya kavili 2:16 - MMA SHIYYA

¹⁶ Na Nndumi weru Yesu Kristo muni na Iṛuva Nde yeru uu andetikunda katiniinga ifura lya miṛeṛe na iverea isha kwa uwoo lwamwi

Barua ya Vatesalonike ya kavili 2:16 ပူးပေါင်းရင်းမြစ်များ

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Barua ya Tito 1:2

Narawa nkuwore na iverea lya iverea muu wa miṛeṛe nto Iṛuva uu atamakii irera wongo arekia kuuka mbooko.

Barua ya Vatesalonike ya mbele 3:11

Kyasia Iṛuva muni akee Nde yeru na Nndumi weru Yesu atiniinge shia yeru ya imufikia.

Urambuyo lwa Yohane 1:5

Fuukie na kwa Yesu Kristo akee nrambua ulya nsongori, ni ulya andebooka iwara muu eeukaa vafuń, akee nnini wa mamangi a isanga. Ito afikundie na itikiṛa mareko eru na usao lwamwi.

Barua ya Vakolosai 1:23

kwakooya mukaa na inkusura na iwara tabu iverea lia nrumi shisha indemwendee. Nrumi ii mwamiita, nayo yankwanisio̱ fitani foose fikee kwa si ya iṛuvewu. Nań Paulo nawa ndundi wayo.

Barua ya Vaefeso 5:25

Neeni womi, kundeń vaka vanu sheeli na Kristo andekunda siṛi kakuniingia kiimba kyayo,

Barua ya Vaefeso 5:2

Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.

Barua ya Varome 5:8

Kake ikunda lya Iṛuva sheeli fikai lya itikunda ise lyalolika na baa lia Kristo atifiya ise tiikee varekwa.

Barua ya Varome 4:16

Kwa ikyo kirekio kilya kifingie ikusura kive kwa shia ya uwoo, naamu kirekio kilya kive na finya kwa fishuku foose, nta nkwa valya va mavavaso da ndi na akwaa nkwa valya va ikusura lya Abraamu ulya akee nde yeru ise ti woose.

Barua ya Varome 4:4

Kake nndu akee iṛunda mashoṛa, maṛe amwi akee itaalwa sheeli ni illilia ndi, kake nsile.

Mitanie ya varumi 18:27

Neeli eefuriee iṛuka nruva aende urukeń lwa Akaya, vanavamae vakankaarisa vakatisiṛia vanalosho valya va ifo Korinto barua, amu vawwarie. Nae ili andefika-fo kaelekia nnu iwo veemmaa ikusura na uwoo akee nalo.

Mitanie ya varumi 15:11

Kake tikusurie sheeli ni uwoo lwa Nndumi Yesu lo weni lutikiṛaa neese shawo.

Yohane 16:22

Neeni alli moore unaari. Kake mmuloliaa lingi na ngoo tanu tikyesaa na ifura lyanu eefo nta nndu amusokaa ndi.

Yohane 15:13

Nta eefo nndu awore ikunda inini kita ito aniingiaa muu wamwi kiimba kya ndoo tamwi ndi.

Yohane 15:9

Sheeli Nde andeshikunda niń, nkuro nań nammukunda ini. Kaań na ikunda lyakwa!

Yohane 13:1

Kyasia ili kitaare kisuku kya Pasaka kyeemfikaa, Yesu eemmanyaa sheeli kyeeri kyamwi kyamfika akwimboo kunu isangeń aende kwa Nde. Nae sheeli andekunda iva vamwi kunu isangeń, nkuro andevakunda kumande ifurumia.

Yohane 4:14

Kake nndu kanwa mura uu ninniingaa niń, akiwarwaa nnyura lingi ndi na kumande miṛeṛe. Kake mura uu niń ninniingaa kari kamwi ushevaa-fo iriso lya mura, nalyo lyeekaa lifike muuń ulungani.

Luka 16:25

Abraamu kamwia: Mwanakwa, kumbua sheeli kwawaria fa usha lwafo lia kukee na muu. Na Lasaro ye kalya ukiva. Kake alli ye akee iwiiṛio̱ muu kunu, nawe kukee iliswa ukiva.

Urambuyo lwa Yohane 22:5

Ana kikivaa-fo kio ndi, ana vatińwaa ntaa ana langa ya saa ndi, amu Nndumi Iṛuva avamulikiaa, nawo veetoṛoo kumande miṛeṛe na miṛeṛe.

Urambuyo lwa Yohane 3:9

Manya kilya ntanaa: Iwo vakee va siṛi ya Satana iva vanumbuaa sheeli vVayuda, nawo vatakee Vayuda, kake vareraa wongo, waaṛuaa vashe vakuwoye marendeń afo na imanya sheeli nkukundie.

Barua ya Yohane ya mbele 3:16

Yesu antirekia muu wamwi tikamanya yyo mikae ya ikunda lya dede. Neese kyatiwara ireka muu kiimba kya vanavamae veru.

Barua ya Vaebrania 7:19

Andu ayo likaatwa-fo iverea likee inuru mmwasi, fulya timakii iserikia nalyo Iṛuva.

Barua ya Tito 2:13

kumande ashaa na unini, amu yye Iṛuva weru na nkiṛa weru nnini.

Barua ya Vakolosai 1:5

Tikamwaana kiimba kya filya mufiveree mundefisio̱ ifo iṛuvewu. Nafo mweemiitaa kwa kirero kya udede kirie nrumi shisha ya ikiṛwa ilya indefika kwanu.

Barua ya Varome 1:7

Namwisana ini mu woose mukee ifo Rome, mukee vakunde va Iṛuva mundevaangwa muve vasongori. Uwoo lukaa kwanu na unambwe luukie kwa Iṛuva Nde yeru na kwa Nndumi Yesu Kristo!

Barua ya Vatesalonike ya kavili 2:13

Kake kyantiwara ise yaana Iṛuva mikonu yoose kiimba kyanu, vanavama vakunde va Nndumi, fulya Iṛuva andemusaua kuuka mbooko mukooye ikiṛwa mwiiliswaa mMumuyo na ikusura udede.

Barua ya Vatesalonike ya mbele 1:3

Amu tilemwaa ikumbua mbele ya Iṛuva Nde yeru mashoṛa anu a ikusura ndi na ngatara tanu ta ikunda na isisiria lyanu lya iverea isha lya Nndumi weru Yesu Kristo.