Barua ya Vatesalonike ya kavili 2:10 - MMA SHIYYA

¹⁰ na milembie yoose ya ukavili eelembaa nayo iwo vakee vareti, fulya iwo vandelea ikunda udede, amu vakiṛwa.

Barua ya Vatesalonike ya kavili 2:10 ပူးပေါင်းရင်းမြစ်များ

Barua ya Vakorinto ya mbele 1:18

Amu kirero kya nsalaba kwa valya vakee yenda ireka ni utondo, kake kweru ise tikee ikiṛwa mfinya ya Iṛuva.

Barua ya Petiro ya kavili 2:12

Kake iwo vavakie mafisi atawore uṛango arawa-fo, amu awarwa na iretwa. Varumaa ifi vatafiishi, wo vakuretiaa wo veni ifo uretiń lwawo.

Barua ya Vakorinto ya mbele 16:22

Nndu na kava i atakundie Nndumi ave ndenge! Nndumi akee isha (Maranata)!

Barua ya Varome 16:18

Amu iwo vakee kuro vaṛundiaa Nndumi weru Kristo ndi, kake vaṛundiaa ndewu tawo wo veni vakalemba ngoo ta vandu vasaari kyumu na firero fooṛoṛo na fa ikushiisa.

Barua ya Vakorinto ya kavili 11:15

Kwa ikyo nta nkirero kinini ndi, vaṛundi wamwi nawo vakwaṛuaa sha maketi masongori, kake ifurumia lyawo tivakanaa na mashoṛa awo.

Barua ya Timoteo ya mbele 2:4

Amu Iṛuva afurie vandu woose vakiṛwa na ikooya imanya filya fikee fa dede.

Barua ya Vaefeso 4:14

Amu titakikaa lingi sha vana vannya tikurikwaa ifo na ifo sha mavia a nruva mmiloshie yoose ya vandu ikee yaṛukaṛuka sha mburaato, fulya ikee ya wongo na ya ulembi lwa vandu vafurie itireta na mitambwe yawo.

Barua ya Vakorinto ya kavili 2:17

Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Barua ya Vakorinto ya kavili 2:15

Amu ise tavia Iṛuva kisaamu kya Kristo kwa valya vakee ikiṛwa na kwa valya vakee ireka.

Barua ya Varome 10:1

Vanavama, nrima wakwa kilya ulangie nnu ni ivaterevia kwa Iṛuva vakiṛwa.

Barua ya Varome 6:17

Kake Iṛuva aanwa, ili mwikee mbele maketi a mareko da, kake alli mukee iindia na ngoo tanu mifundie ilya mwamfundwa ikee iyo munderawa kwa si yayo ni Iṛuva.

Yohane 5:34

Kake niń nkee iwaria irambua limilie kwa vandu ndi. Kake nkee irera ifi, amu ini mukooye ikia.

Yohane 3:17

Fulya Iṛuva aruma Mwana wamwi isangeń, amu aumisie isanga ndi, kake naamu isanga likiṛwa yye.

Barua ya Petiro ya kavili 2:18

Amu wo vareraa firero finini fitawore misendie veekangiaa na milangie yawo itawore kiṛengo vandu valya vandebooka iiwukana na valya vakee iṛua ukasheń.

Barua ya Vaebrania 3:13

Kake kwikimbeń muveni na muveni oo nkonu — uu ukee ivaangwa ”wa nuu“ —, kaaṛa kwanu nndu ataumiswa ngoo eelembwaa ni ireko.

Barua ya Vatesalonike ya mbele 2:16

Lingi vakatiima ise fiireraa na vayavaṛumu kirero kya ikiṛwa lyawo. Kuro Ilyo yawutia mareko awo kyeeri kyoose. Kake uvave lwa Iṛuva lwavafikia kumande ifurumia.

Barua ya Vakorinto ya kavili 11:13

Amu iwo wwo varumi va wongo, vakee ikwaṛua sheeli vvaṛundi va Kristo.

Matayo 13:11

Nae kaaṛua kanumbua: Ini mwanniingwa imanya lya imanya kiṛisi kya umangi lwa iṛuvewu. Kake iwo wo vvaniinge ndi.

Barua ya Vatesalonike ya kavili 2:12

amu vaumisio̱ woose, fulya vatandekusura fa udede, kake vandesenywa mfilya fikee fa ureti.

Barua ya Vatesalonike ya kavili 2:13

Kake kyantiwara ise yaana Iṛuva mikonu yoose kiimba kyanu, vanavama vakunde va Nndumi, fulya Iṛuva andemusaua kuuka mbooko mukooye ikiṛwa mwiiliswaa mMumuyo na ikusura udede.