Barua ya Vatesalonike ya kavili 1:4 - MMA SHIYYA

⁴ Na akwaa ni ise ti veni takuṅinisa kiimba kyanu siṛiń ta Iṛuva kya isisiria lyanu na ikusura mukee nalyo kari ka matuṛulo anu woose na mavaviso mukee iliswa.

Barua ya Vatesalonike ya kavili 1:4 ပူးပေါင်းရင်းမြစ်များ

Barua ya Vaebrania 10:36

Kake kyamuwara muve vandu va ulalamboo, amu mutane mifurie ilya Iṛuva akundie na iwaria wavi lua mwee-Ilurekio̱o̱.

Barua ya Vatesalonike ya mbele 2:14

Amu ini, vanavama, mwawakana na siṛi ta Iṛuva tikee ta Kristo Yesu ifo urukeń lwa Yudaya, fulya ini mwalliswa ngyukiva tilya sheni wandu va uruka lwanu sha lia wwo vandeliswa vVayuda.

Barua ya Vatesalonike ya mbele 2:19

Amu ni i akee iverea lyeru ana ifura lyeru ana nduma weru? A le ni ini se mbele ya Nndumi weru Yesu kyeeri ashaa?

Barua ya Vatesalonike ya mbele 1:3

Amu tilemwaa ikumbua mbele ya Iṛuva Nde yeru mashoṛa anu a ikusura ndi na ngatara tanu ta ikunda na isisiria lyanu lya iverea isha lya Nndumi weru Yesu Kristo.

Barua ya Vakorinto ya kavili 7:14

Amu kwakooya nakuṅinisa mbele yamwi keengi kiimba kyanu, nta nndesutwa ndi, kake sheeli nndemuia findo foose na udede, mfo kuro likai na ikwitikisa lyakwa lya kwa Tito lindeva lya dede.

Urambuyo lwa Yohane 14:12

Io wwo lulolikiaa utirishi lwa vasongori iwo vawore mavavaso a Iṛuva na ikusura Yesu.

Barua ya Vakorinto ya mbele 7:17

Kake sheeli Nndumi andeavia nndu woose kyamwi na sheeli Iṛuva andevaanga nndu woose, aende kuro da. Nkyo ikyo nkee ivavasa siṛi toose.

Barua ya Petiro ya kavili 1:6

Na imanya lyanu linnde kiṛengo na kiṛengo kyanu kinnde isisiria na isisiria lyanu linnde usongovisi.

Barua ya Yakobo 5:11

Lleń te tikee illa valya vasisiria sheeli wo wa ngoma. Mwamiita kya isisiria lya Yobu na sheeli Nndumi andeliinutia. Kumanyiseń nakyo sheeli Nndumi akee na wooṛoo na ililia iingi.

Barua ya Vaebrania 6:15

Neeli Abraamu andesisiria, kalolia kirekio kilya kyaawukia.

Barua ya Vatesalonike ya kavili 3:5

Nndumi aoruse ngoo tanu mukooye ikunda lya Iṛuva na isisiria lya Kristo.

Barua ya Vakorinto ya kavili 9:4

Amu ili nshaa nriani na Vamakedonia na imukooya kitaare mwankudeeṛia titashe isuka ise — manya ntarere neeni — mikaeń iyo teemmaa ikusura.

Barua ya Vakorinto ya kavili 9:2

Amu niishi ikudeeṛia lyanu nkee ilikwitikisia kiimba kyanu kwa Vamakedonia: Sheeli kulya Akaya veemmaa ikudeeṛia wansia mwaka umwi. Na utomari lwanu lundeniinga veengi vawo finya.

Barua ya Varome 12:12

Fureń nnu, fulya mwishi kilya muveree! Sisirień ngatareń! Engeṛień itereva Iṛuva!

Barua ya Varome 8:25

Kake tikankusura kindo titakilolie, tikivereaa na ulalamboo.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Barua ya Vakorinto ya kavili 7:4

Ili nkee irera neeni, nkee irera neeni na baa deń. Llolie tikisi nini kiimba kyanu na iishua ilembwalembwa. Namiishua ifura likilie ngyukiva takwa toose mmwasi.

Barua ya Vakorinto ya kavili 12:10

Nań nkuumisaań koṛoń kyeeri kya utanyari ana kya usutu lwa vandu ana kya ngyukiva ana kya matuṛulo ana kya weṛei nkee iliswa kiimba kya Kristo. Amu kyeeri nkee ntanyari llyo noore finya ya nrima.

Barua ya Vaebrania 6:12

Manya mutave varoko, kake latień valya vakee vayadiṅu ya firekio fo vafikusurie na isisiria.