Barua ya Petiro ya kavili 3:9 - MMA SHIYYA

⁹ Nndumi asindaa yawutia kirero kilya kirekie ndi, sheeli vengi vakee ikusaṛa sheeli ansinda. Kake kiimba kyanu asisiriaa, fulya afurie nta nndu areke ndi, kake woose vailashike vakurre.

Barua ya Petiro ya kavili 3:9 ပူးပေါင်းရင်းမြစ်များ

Barua ya Timoteo ya mbele 2:4

Amu Iṛuva afurie vandu woose vakiṛwa na ikooya imanya filya fikee fa dede.

Barua ya Varome 2:4

Ana kukee iila wiingi lwa usha lwamwi na isisiria lyamwi na ulalamboo lwamwi, iwe kutakee imanya sheeli usha lwa Iṛuva lukee ikwomua kukooye ikurra?

Urambuyo lwa Yohane 2:21

Nammuniinga mwaanya wa iilashika, kake afurie iilashika na itia waaisi ndi.

Barua ya Petiro ya kavili 3:15

Neeni taaleń isisiria lya Nndumi weru sheeli ni ikiṛwa, sheeli na mwanamae weru Paulo andemutisiṛia kwa uṛango lo andeniingwa.

Barua ya Timoteo ya mbele 1:16

Kake nalilio̱, amu Kristo ye aoruse lya mbele kwakwa isisiria lyoose vve myorusie kwa valya vankusuraa vakooye muu wa miṛeṛe.

Barua ya Vaebrania 10:37

Amu ”Kiseere kinnya nnu Ilyo ulya akee isha ashaa ana nta asindaa ndi.

Barua ya Varome 9:22

Mfo kuro Iṛuva lla kasa arie imanyisa ituṛuka lyamwi na yorusa imakii lyamwi andelilia ”fiya filya fa ituṛuka“ feemmaa isongosio̱ fireke na isisiria iingi.

Barua ya Petiro ya mbele 3:20

Nawo vvalya vandelea ikusura lia Iṛuva andesisiria na ulalamboo feeri fa Noe, lia isanduku lia lisongosio̱. Na kari kayo wandu vaangu da vandekia iwaleń lia, wandu nyaanyi.

Barua ya Varome 13:11

Mavavaso va woose irikień, fulya mwishi kyeeri kya alli: Kyeeri kyantishea kya yokia ruoń, amu ikiṛwa lyeru likee kufui kita lia tibooka ikusura Iṛuva.

Barua ya Varome 13:12

Kio kikee isia, nkufui kukye. Kyasia tiiwukane na mitanie ya llema na iwara fiya fa ivinga llema.

Barua ya Petiro ya kavili 1:4

Kwa shia ii antiavia firekio filya finini fa uuru, amu mukooye itańaṛia mikae ya ki-Iṛuva mwikiṛwaa na ureti lukee isangeń likee ishilio ni milangie.