Barua ya Petiro ya kavili 3:7 - MMA SHIYYA

⁷ Kake iṛuvewu lya alli na isanga li fifisio̱ muro kwa kirero kilya kya Iṛuva fiiringwaa kumande nkonu wa uumisio wa ireta vandu valya vandelea Iṛuva.

Barua ya Petiro ya kavili 3:7 ပူးပေါင်းရင်းမြစ်များ

Barua ya Petiro ya kavili 3:10

Kake nkonu wa Nndumi ushaa kibashuka sha inini likee isha na kio. Llyo iṛuvewu liveṛukaa na ibaṛangaka inini, na findo filya fikee fa kimia fimuṛusoo firongore, na isanga limuṛusoo andu emwi na filya foose findetanwa wandu.

Barua ya Petiro ya kavili 3:12

Lingi muveree nkonu wa Nndumi umushee, amu mumakii inrishia. Amu nkyo kiimba iṛuvewu liveṛukaa liimuṛusoo mmuro na filya fiifo kuuka mbooko feetwaa mmuro.

Urambuyo lwa Yohane 21:1

Numa nalolia iṛuvewu iiya na isanga iiya. Amu iṛuvewu lia lya mbele na isanga lia lya mbele fammaa iira, na nruva nayo ikiifo lingi ndi.

Matayo 24:35

Iṛuvewu limandaa na isanga, kake firero fakwa fo fimandaa kutu ndi.

Barua ya Petiro ya kavili 2:9

Nndumi eeshi ikiṛa vasumani nreyoń na iwo vatasumani eeshi ivafisia nkonu wa uumisio vakabwa.

Matayo 25:41

Llyo mangi aiaa valya va uko lwamwi umbuyo: Ukeń ia kwakwa, ini vadenge! Mwende muroń utakisiaa undefisyo Satana na vamalaika vamwi!

Urambuyo lwa Yohane 20:11

Nalolia kifumbi kinini kya kimangi kikee kyeelwa. Na ito akikaaye kisangu kyamwi isanga li na iṛuvewu li fikakirisha, na andu ayo andekilolio ndi.

Matayo 12:36

Kake namuia: Kirero kyoose kya dua vandu vakireraa vakyuṛwaa nkonu ulya wa mwaandu.

Barua ya Yuda 1:7

Sha lia vandu va Sodomo na va Gomora na va miṛi ilya ikee miyanuń yawo vandelatia waaisi sha iwo vakasoṛa mikae ya kivvili kitaare yya kimia, na kilya vandetawa nakyo ni iretwa na muro utarunyikaa.

Barua ya Timoteo ya mbele 6:9

Kake valya vafurie ifumbisa masaa awo vawaa nreyoń ana mfwaanriń na ilangeń iingi litawore misendie lya ikasheesa vandu na ivakunia uretiń.

Barua ya Vafilipi 1:28

Ana manya mutae-ṛeeswa mfituva fanu nta kwa kindo kimwi. Kwawo iwo kyavavia iki myorusie ya ireka, kake kwanu ini kyamuvia myorusie ya ikiṛwa lyanu, nakyo nkya mifurie ya Iṛuva.

Barua ya Yohane ya mbele 4:17

Ikunda lya dede lisumanikie kweru, kwakooya tikee iverea nkonu wa uumisio na ifura. Fulya tikee kimwi na Yesu akee ifo iṛuvewu neese tikee kunu isangeń.

Barua ya Vatesalonike ya kavili 2:3

Manya mutalembwa ni nndu na kava i na mikae yoose. Amu kyawara lishe mbele yuka siṛiń lia inini, na nndu ulya muni urekwa alolike, yye mwana wa ureti.

Barua ya Varome 2:5

Kake iwe kuwore uumu na ngoo shuumu kwalea iilashika, kukee ikwengeṛia ituṛuka ku muni likushee nkonu ulya wa uumisio na irambuka lya uumisio lwa usumani lwa Iṛuva.

Mariko 6:11

Na kundo koose vatamuwariaa ana vatamuaranyaa, ili muukaa-fo vaangatyeń funga ya marende anu, ive mirambuye kwawo.

Matayo 11:24

Kake namuia: Uruka lwa Sodomu lulilyoo nkonu ulya wa uumisyo kita iwe.

Matayo 11:22

Kake namuia: Miṛi ilya ya Tiro na Sidon ililyoo nkonu ulya wa uumisyo kita ini.

Matayo 10:15

Nkue namuia: Llyo ńwana uruka lwa Sodomo na Gomora lulilyoo nkonu ulya wa uumisyo kita muṛi ulya.

Urambuyo lwa Yohane 17:11

Na ifisi lyo liifoo mbele litakiifo alli nalyo llyo lya nyaanyi, nalyo llimwi lya valya mfungare, nalyo likaenda uretiń.

Urambuyo lwa Yohane 17:8

Ifisi li kwalilolia liifoo ilyo mbooko, kake alli likiifo ndi, nalyo lyankusongosia irwa lingi lyuka kyolokioń kilya kya kundo kwa si lyende uretiń. Na valya vakee isangeń vatakee vatisiṛe marina awo kitabuń kya muu kuuka isanga litandevevio wo vaṛiikaa ili valoliaa ifisi li liifoo mbele liteefo alli, nalyo likaa-fo lingi.

Yohane 12:48

Ulya ashileaa niń kalea na firero fakwa, ankooya mumwumisia. Kirero kilya nankirera nkyo kimwumisiaa nkonu ulya wa ifurumia.

Barua ya Vakorinto ya mbele 3:13

kyasia mashoṛa a nndu woose amanyikaa na baa. Nkonu ulya wa uumisio wavanisaa, fulya ukumanyisaa urie muro. Na muro ulya weleliaa ishoṛa lya nndu woose llya mikae ki.

Barua ya Vaebrania 12:29

Amu Iṛuva weru mmuro ulyaa na imaa.