Barua ya Petiro ya kavili 3:16 - MMA SHIYYA

¹⁶ Mfo kuro eekee itisiṛa oarueń tamwi toose eereraa findo fo. Kake kari ka barua ito fiifo firero fikee fuumu imanya misendie. Mfo vandu vatakee valoshe ana vatakee vakaarise vafifulua, sheeli vafuluaa na mitisiṛie ingi na ikureta veni.

Barua ya Petiro ya kavili 3:16 ပူးပေါင်းရင်းမြစ်များ

Matayo 15:6

Nkuro mundeteveta kirero kya Iṛuva kiimba kya wishiviṛi lwa vakuuku vanu.

Barua ya Vaebrania 5:11

Kyamwi ye fiifo firero fiingi fa irera, kake nkyumu yongoya, fulya mwawa varoko va iita.

Barua ya Petiro ya kavili 2:14

Ili vakee ilya shoonga neeni, vawore miso eeshule waaisi vataimuya itana mareko. Varetaa mirima ya vatanyaṛi, vawore ngoo tiishivisio ilanga, vakee vana vadenge.

Barua ya Yakobo 1:8

Amu ulya awore mirwe ivili aseṛeesaa shia tamwi ndi.

Barua ya Vafilipi 3:19

Mmando wawo ni ureti, ndewu yyo Iṛuva wawo, tikisi yawo iveendee usutu, wo kita findo fa isanga vakee ikusaṛia.

Barua ya Petiro ya mbele 2:8

Lingi ni ”iwe lya ikusiika na usuṛumate lwa ikwinyamiṛa“. Nawo vakee ikukaba kiimba kya ilea ikusura kirero, nafo mfo kuro vankirwaywa.

Matayo 22:29

Yesu kaaṛua kavaia: Mwanrekwa, fulya muteeshi mitisiṛie ana nta finya ya Iṛuva.

Barua ya Yuda 1:4

Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Petiro ya kavili 2:1

Kake vandekwimboo-fo vaauya fisuku va wongo kari ka vandu va Isiraeli, sheeli na ifo kwanu valosha va wongo vashaa nafo veeataa-fo miloshie irie mitambwe ya ireta vandu. Vakanaa na akwaa ni Nndumi ulya andevataua na ikwendie ureti lwa ree wo veni. Na veengi valatiaa ngyukasha tawo. Na kiimba kyawo shia ya udede irumwaa.

Matayo 15:3

Nae kavaaṛua kavaia: Nki ili ini mukee vaburua ivavaso lya Iṛuva kiimba kya miloshie yo yanu?

Barua ya Petiro ya mbele 1:1

Niń Petiro nkee nrumi wa Yesu Kristo. Namwisana ini mukee vasaue mulele ifo Ponto na Galatia na Kapadokia na Asia na Bitinia mukee vanyanyate mwikaa-fo winiń.

Barua ya Petiro ya kavili 3:2

mukumbue firero filya farerwa mbele vvaauya fisuku valya vasongori na ivavaso lia lya Nndumi na Nkiṛa lindenndwa vvarumi vanu.

Barua ya Petiro ya kavili 3:14

Kwa ikyo, vakunde, ili mukee iverea ifi, kuumiseń amu mukooywa unambweń mutaare ilomi ana usutu mbele yamwi.