Barua ya Petiro ya kavili 2:3 - MMA SHIYYA

³ Ili vawarwa ni ilanga masaa, vakukooiyaa mbusha kwanu na firero fa imulemba. Kake uumisio lwawo lukee udeeṛie kuuka mbele ana ivareta lyawo lisindaa ndi.

Barua ya Petiro ya kavili 2:3 ပူးပေါင်းရင်းမြစ်များ

Barua ya Vakorinto ya kavili 2:17

Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Barua ya Vatesalonike ya mbele 2:5

Amu tindeva na firero fa ikushiisa nta kyeeri kimwi sheeli mwishi ndi ana na firero fa dua fa ifisa unyuku, Iṛuva ni nrambua.

Barua ya Varome 16:18

Amu iwo vakee kuro vaṛundiaa Nndumi weru Kristo ndi, kake vaṛundiaa ndewu tawo wo veni vakalemba ngoo ta vandu vasaari kyumu na firero fooṛoṛo na fa ikushiisa.

Barua ya Yuda 1:15

amu aumisie vandu woose na ireta woose vawore beṛebeṛe kya mitanie yawo yoose ilya vayamareko wo vandelea nayo Iṛuva na kya firero fawo fa kirumu vandenrera nafo“.

Barua ya Tito 1:11

Wwo vandu vakee ifuluta vandu va numba yoose veeloshaa filya kitaare favawara kiimba kya mbusha ya usutu.

Barua ya Timoteo ya mbele 6:5

na isuyana litawore mmando lya vandu vavakani sha vaworwa ni uketo vakwavie na udede. Wo vakee ikusaṛa sheeli iindia Iṛuva ni ikooya mbusha. Iwo va mikae yo lakana nawo.

Barua ya Petiro ya kavili 2:9

Nndumi eeshi ikiṛa vasumani nreyoń na iwo vatasumani eeshi ivafisia nkonu wa uumisio vakabwa.

Barua ya Petiro ya kavili 2:1

Kake vandekwimboo-fo vaauya fisuku va wongo kari ka vandu va Isiraeli, sheeli na ifo kwanu valosha va wongo vashaa nafo veeataa-fo miloshie irie mitambwe ya ireta vandu. Vakanaa na akwaa ni Nndumi ulya andevataua na ikwendie ureti lwa ree wo veni. Na veengi valatiaa ngyukasha tawo. Na kiimba kyawo shia ya udede irumwaa.

Barua ya Petiro ya kavili 1:16

Amu tallatia mboni ta uṛango lwa vandu ili tindemukwanisia mboni ta finya ya Nndumi weru Yesu Kristo na mboni ta isha lyamwi lya kavili ndi, kake talolia unini lwamwi na miso eru meni.

Barua ya Petiro ya mbele 5:2

Iseń shoo ya Iṛuva ikee kwanu na iiringa, nta nsha vandu vakabiṛie ndi, kake nsha vandu vakunda Iṛuva. Ana manya mutaṛuye-wo mbusha, kake salalień shoo na mirima yoore utomari.

Barua ya Tito 1:7

Amu kyawara mulla siṛi ave nndu ataṛiingwa nkindo, amu ni nringi wa Iṛuva. Manya atave nndu wa ikushiisa ye muni, manya atave mwaangu wa ituṛuka, manya atave nnangwa ana muyamyaandu, manya atave mukunda mbusha ya usutu.

Barua ya Yuda 1:11

Ushi wo, fulya vandeenda shień ya Kain veesoṛaa urekwa lwa Bileamu kiimba kya maṛe a ulembi, nawo vakarekia uretiń sha Kora.

Barua ya Yuda 1:7

Sha lia vandu va Sodomo na va Gomora na va miṛi ilya ikee miyanuń yawo vandelatia waaisi sha iwo vakasoṛa mikae ya kivvili kitaare yya kimia, na kilya vandetawa nakyo ni iretwa na muro utarunyikaa.

Barua ya Yuda 1:4

Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Petiro ya mbele 2:8

Lingi ni ”iwe lya ikusiika na usuṛumate lwa ikwinyamiṛa“. Nawo vakee ikukaba kiimba kya ilea ikusura kirero, nafo mfo kuro vankirwaywa.

Barua ya Timoteo ya mbele 3:8

Mfo kuro na veelekia siṛi vave vandu va usuro vatawore ukavili, vatave vandu vanwa wari nnu, vatawore ilanga mbesa ta usutu.

Barua ya Timoteo ya mbele 3:3

Manya atave nndu aṛemie na wari ana nndu wa nkuru. Kake ave nndu wwoo atawore myaandu ana unyuku.

Barua ya Vatesalonike ya mbele 5:3

Ili vanumbuaa: lwifo unambwe na kibua, llyo ureti luvawoyaa kwa tiń sha kivawwo kiwoyaa nka ili eeiraa, nta vatamakii irisha.

Yohane 2:16

Kaia valya veekee ikumba mbuku: Imbooń findo fi ia ree! Manya mutaaṛue numba ya Vaava wakwa ive numba ya ikabia mbusha!

Luka 22:47

Kyasia ili eereraa kuro, lia eni mamwiingi wa vandu vakasha na-wo. Na umwi wa valya ikumi na vavili, irina lyamwi yYuda, eevairiee mbele. Kaserikia Yesu amu amwonge mimo.

Luka 20:20

Vakallaya si vakanrumia vandu va imwaala, nawo vakakwaṛua sha vandu vasumani, amu vawware na firero famwi, naamu varambikie maakoń a nshili nnini wa uruka.

Luka 18:8

Namuia: Avafukiaa kisumani ree. Kake ili Mwana wa nndu ashaa, akooyaa vandu vankusurie kunu isangeń naań?

Barua ya Yuda 1:16

Vandu va wańuńura na vaiyaiya na ilatia malanga awo. Na kana kawo karera firero finini fa ukushombi veekundiaa vandu kiimba kya mbusha valya vawore tikisi.

Matayo 23:14

Ushi ini vaaṛia va mitisine na Vafarisayo, mukee vamakavili! Fulya mwawa vamiṛa numba ta misikeeti na kwa ukavili mukatereva fiterewo faasha. Kwa ikyo mukooyaa uumisyo lukee unini kya mmwasi.