Barua ya Petiro ya kavili 2:20 - MMA SHIYYA

²⁰ Amu valya vammaa irisha kiṛinda kya isanga kiimba kya imanya Nndumi na Nkiṛa Yesu Kristo kwakooya vareywa nkyo lingi na ivingwa, mikae yawo ya ifurumia yawa mikasha kita ya mbele.

Barua ya Petiro ya kavili 2:20 ပူးပေါင်းရင်းမြစ်များ

Barua ya Vafilipi 3:19

Mmando wawo ni ureti, ndewu yyo Iṛuva wawo, tikisi yawo iveendee usutu, wo kita findo fa isanga vakee ikusaṛia.

Barua ya Petiro ya kavili 1:4

Kwa shia ii antiavia firekio filya finini fa uuru, amu mukooye itańaṛia mikae ya ki-Iṛuva mwikiṛwaa na ureti lukee isangeń likee ishilio ni milangie.

Barua ya Petiro ya kavili 2:18

Amu wo vareraa firero finini fitawore misendie veekangiaa na milangie yawo itawore kiṛengo vandu valya vandebooka iiwukana na valya vakee iṛua ukasheń.

Barua ya Petiro ya kavili 1:2

Uwoo lumwengeṛio̱ na unambwe mwammaa imanya Iṛuva na Nndumi weru Yesu.

Barua ya Timoteo ya kavili 2:4

Eefo nkabana fira akwatariaa findo fa iluya muu ndi, amu asenye ito anrwaa mashoṛeń a nseṛo wa fira.

Barua ya Yakobo 1:27

Uṛundi lusenye lutawore ilomi kisanguń kya Iṛuva Nde llo ilu: Ni isengera vana va ngwera vandefiywa wasuṛi vawo na isengera vaka misiketi ngyukiveń tawo na ikuringa findo fa isanga fikee iṛindisa nrima.

Barua ya Petiro ya kavili 1:3

Imakii lyamwi lya ki-Iṛuva lyantiniinga filya foose fawara iva na muu wa dede na usha lwa dede liitimanyisaa ulya andetivaanga na unini lwamwi na usha lwamwi ye muni.

Barua ya Petiro ya kavili 1:8

Amu kwakooya findo ifo fikee kwanu na ifumbuka, fimwelekaa ini mutave varoko ana mutatuṛe nunda ta imanya Nndumi weru Yesu Kristo.

Barua ya Petiro ya kavili 1:11

Amu kuro muniingwaa mboṛa ya miniingie ya yaka umangiń lwa miṛeṛe lwa Nndumi weru na nkiṛa weru Yesu Kristo.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!