Barua ya Petiro ya kavili 2:10 - MMA SHIYYA

¹⁰ Na mmwasi vvalya valatiaa mifurie ya wili veekuwaraa na milangie ya waaisi vakaila ushili lwa Iṛuva.

Barua ya Petiro ya kavili 2:10 ပူးပေါင်းရင်းမြစ်များ

Barua ya Yuda 1:16

Vandu va wańuńura na vaiyaiya na ilatia malanga awo. Na kana kawo karera firero finini fa ukushombi veekundiaa vandu kiimba kya mbusha valya vawore tikisi.

Barua ya Yuda 1:10

Kake vandu sha iwo varumaa filya vatafiishi, na filya vafiishi kwa kimia sha mafisi atawore uṛango vakukasheesaa nafo wo veni.

Barua ya Yuda 1:18

Amu vandemuia sheeli: Kyeeri kya ifurumia vavaafo vandu va iteenda veesoṛaa ilanga lyawo veni lya ureti.

Barua ya Petiro ya kavili 3:3

Lya mbele manyiń kirero ki: Mikonu ya ifurumia vakwimboo vateenda vawore fiteendo fikasha veengeṛiaa isoṛa milangie yawo veni

Barua ya Yuda 1:4

Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Vaefeso 5:5

Amu iki mumanyaa, sheeli nndu mwaaisi ana nndu awore ukwe ana nndu nnyuku akee sha nndu akee iṛundia iṛuva lya wongo arwaa diṅu ifo umangiń lwa Iṛuva na lwa Kristo ndi.

Luka 19:14

Kake vandu va uruka lwamwi vansua. Vakaruma varumi numa yamwi vandenumbua: Tikundie nndu to atishilie ndi.

Barua ya Vaebrania 13:4

Ihingana lya vandu vaalikie liirio̱ sonu vvandu woose, na kiraa kyawo manya kitasutwa, amu Iṛuva aumisiaa vaya ukwe na vaaisi.

Barua ya Tito 1:7

Amu kyawara mulla siṛi ave nndu ataṛiingwa nkindo, amu ni nringi wa Iṛuva. Manya atave nndu wa ikushiisa ye muni, manya atave mwaangu wa ituṛuka, manya atave nnangwa ana muyamyaandu, manya atave mukunda mbusha ya usutu.

Barua ya Vakolosai 3:5

Kyasia waań milangie ilya ya mivili yanu ikee ya kiisanga sha waaisi na ukwe na ilanga ikasha na makusaṛo a ruu andu emwi na unyuku lukee windi lwa maṛuva a wongo.

Barua ya Vakorinto ya mbele 6:9

Ana mwishi se sheeli varekwa sha iva vatakooyaa diṅu ya umangi lwa Iṛuva? Manya mutalembike: Vaaisi nta vakooyaa diṅu ya umangi lwa Iṛuva ndi ana varasia firasio ndi ana vaaika ndi ana valya vakee isuta uka ana uumi ndi ana varoko ndi

Mitanie ya varumi 23:5

Paulo kanumbua: Nammanya sheeli ni nkohani nnini ndi, vanavama. Amu nkitisiṛe: Manya kutarere nnini wa vandu vafo kikasha.

Barua ya Vatesalonike ya mbele 4:7

Amu Iṛuva antivaangia ukwe ndi, kake antivaanga tive vailise.

Barua ya Vakorinto ya kavili 10:3

Na kwakooya tikee yenda kwa kivvili, nta tikee ikabana fira kwa kivvili ndi.

Barua ya Varome 8:1

Kyasia alli lukiifo uumisio kwa valya vakee va Kristo Yesu ndi.

Barua ya Vaefeso 4:19

Nawo ili vakee sha vafu ngoo tawo vakakwata findoń fa waaisi, amu vatane kindo kyoose kikasha andu emwi na unyuku.

Barua ya Timoteo ya kavili 3:2

Amu vandu vakukundaa wo veni vakava vakunda mbesa vakava vakuṅinisi na vakufumbisi na varuma na vateendia vasuṛi vawo vatawore waanu, vataaṛie Iṛuva sonu.

Luka 11:25

Ili umaa yuya, ukakooya numba yamaangatwa na isongosio̱