Barua ya Petiro ya kavili 2:1 - MMA SHIYYA

¹ Kake vandekwimboo-fo vaauya fisuku va wongo kari ka vandu va Isiraeli, sheeli na ifo kwanu valosha va wongo vashaa nafo veeataa-fo miloshie irie mitambwe ya ireta vandu. Vakanaa na akwaa ni Nndumi ulya andevataua na ikwendie ureti lwa ree wo veni. Na veengi valatiaa ngyukasha tawo. Na kiimba kyawo shia ya udede irumwaa.

Barua ya Petiro ya kavili 2:1 ပူးပေါင်းရင်းမြစ်များ

Matayo 7:15

Kusembekeń valosha va wongo vamusheaa vakee vawoo sha maanri, kake kari kawo vafisye ushaa sha ngwe.

Barua ya Yuda 1:4

Amu veefo vandu vandekwata siṛiń kwa kiṛisi, nawo wandu vantisiṛio kuuka mbele uumisio ilu. Vvalea Iṛuva veekasheesaa uwoo lwa Iṛuva weru na waaisi Iwawo. Nawo vakee ikana ito akee nnini weru ye muni, yye Nndumi weru Yesu Kristo.

Barua ya Petiro ya kavili 2:3

Ili vawarwa ni ilanga masaa, vakukooiyaa mbusha kwanu na firero fa imulemba. Kake uumisio lwawo lukee udeeṛie kuuka mbele ana ivareta lyawo lisindaa ndi.

Barua ya Timoteo ya kavili 4:3

Amu kishaa kyeeri valeaa miloshie ya ikiṛa mirima, kake vairikiaa ilanga lyawo veni, vakuṛuiyaa valosha vawo mbumbu, fulya marwi a wo afurie.

Matayo 24:11

Na vaauya fisuku veengi va wongo vakwimboo na iteveta veengi.

Barua ya Vagalatia 2:4

Kake na vanavamae va wongo veeifoo vandekwata iwo vandeaka kwa kiṛisi, amu vaovie yotoṛwa lyeru tikee nalyo kari ka Kristo Yesu, amu vatiwiiṛe uketiń lwa uvavaso.

Barua ya Vakorinto ya mbele 11:19

Amu kyawara ikuraua live-fo kwanu, amu valya vakee va dede kwanu valolike na baa.

Barua ya Yohane ya mbele 4:1

Muṛe vakunde, manya mutairikie mumuyo woose, kake elelień mbele mimuyo akwaa imilie kwa Iṛuva. Amu vaauya veengi va wongo vansha isangeń.

Barua ya Vakolosai 2:8

Kulleń amu nndu atamuware uketi na miloshie ya ruu na ulembi lwa mboni ta ruu tiriani na sewu ta kivandu ana na ngyufundo ta kiisanga titariani na Kristo.

Barua ya Tito 3:10

Nndu annde iraua kwammaa imwikimba limwi na lya kavili lleye

Barua ya Tito 1:11

Wwo vandu vakee ifuluta vandu va numba yoose veeloshaa filya kitaare favawara kiimba kya mbusha ya usutu.

Barua ya Vafilipi 3:19

Mmando wawo ni ureti, ndewu yyo Iṛuva wawo, tikisi yawo iveendee usutu, wo kita findo fa isanga vakee ikusaṛia.

Barua ya Vakorinto ya mbele 6:20

Amu mwauṛwa na uuru uumu. Kyasia alli itikiseń Iṛuva ifo miviliń yanu, amu yya Iṛuva.

Mariko 13:22

Amu vakwimboo Makristo a wongo na vaauya fisuku va wongo, nawo vaorusaa myorusie minini na fa iṛiikisa itandelolyo̱ lingi, amu vakooye mwaanya wa ireta na valya vakee vasaue, kifo kiivaa.

Urambuyo lwa Yohane 5:9

Nawo veekee iimba kiimbo kiiya veenumbuaa: Kusumani iwe iwaria kitabu ki na ifukya firingisio fayo, fulya kwansikywa kwauṛia Iṛuva vandu va ngyuṛiti toose na usao lwafo ńa ngyufwari na makanika.

Urambuyo lwa Yohane 2:9

Niishi mavaviso afo na ukiva lwafo, kake kukee muni usimba. Niishi sheeli kukee irumwarumwa ni iwo vakee ikuvaanga Vayuda, nawo vatakee Vayuda, kake vakee siṛi ya Satana.

Barua ya Vaebrania 10:29

Mukusaṛie are? Kyawara se nndu to anruma Mwana wa Iṛuva akooye uumisio lwa mmwasi na itaalio̱ usao lua lwa mma andeiliswa nalo sheeli kitakee kindo na itavania Mumuyo munnde uwoo?

Barua ya Vakolosai 2:18

Manya nndu atamusoke isekye lyanu eeṛuaa na ukavili na itereva vamalaika na ikuṅinisa eenumbuaa alolia myorusie na ikufumbuta na makusaṛo amwi a kiwili akee a ruu,

Barua ya Vaefeso 4:14

Amu titakikaa lingi sha vana vannya tikurikwaa ifo na ifo sha mavia a nruva mmiloshie yoose ya vandu ikee yaṛukaṛuka sha mburaato, fulya ikee ya wongo na ya ulembi lwa vandu vafurie itireta na mitambwe yawo.

Matayo 24:24

Amu vakwimboo Makristo a wongo na vaauya va wongo, nawo vaorusyaa myorusye minini na maṛiikiso, amu varete na akwaa vvalya vakee vasaue, kwakooya kivaa.

Matayo 10:33

Na ulya woose ashikanaa mbele ya vandu, nań ninkanaa mbele ya Vaava wakwa wa iṛuvewu.

Urambuyo lwa Yohane 13:14

Nalyo likateveta valya vakee isangeń na maṛiikiso alya nndeniingwa liatane mbele ya ifisi lyo liiaa valya vakee isangeń vasongosie fwana ya ifisi lia liwore kyaasha kya shombo, nalyo likakaa na muu.

Urambuyo lwa Yohane 2:13

Niishi alya kukaa, ni io kifumbi kya Satana kikai. Nawe kukuwore nnu na irina lyakwa ana nta kundekana ikusura lya ishikusura niń ndi na akwaa nkyeeri kilya kya nrambua wakwa nsumani Antipa ulya andewaywa ifo kwanu ifo Satana awore kivasha kyamwi.

Barua ya Yuda 1:18

Amu vandemuia sheeli: Kyeeri kya ifurumia vavaafo vandu va iteenda veesoṛaa ilanga lyawo veni lya ureti.

Barua ya Yohane ya mbele 2:26

Ifi namutisiṛia kiimba kya iwo vafurie imureta.

Barua ya Petiro ya mbele 1:8

Nae munkundie kitaare mullolie mukankusura ateefo kisanguń kyanu. Kwa ikyo mukabaa nndoṛo mwiwarwaa ni ifura litavaa isenda likee iilise.

Barua ya Vaefeso 1:7

Yye uu andetikumbia muu wamwi, amu tikiṛwa na iniinga itio̱ lya mareko liiṅaṅani na wiingi lwa uwoo lwamwi.

Barua ya Vagalatia 5:20

na irasia na findo fa usavi na sua na myaandu na iiria iriso na shuu ya nrima na nkuru na ikuraua na kyama kikasha

Barua ya Vagalatia 4:17

Veefo vakee imukabania, kake nkya usha ndi, kake vafurie imuwiiṛa na wooṛo, amu ini muvakabanie.

Barua ya Varome 16:18

Amu iwo vakee kuro vaṛundiaa Nndumi weru Kristo ndi, kake vaṛundiaa ndewu tawo wo veni vakalemba ngoo ta vandu vasaari kyumu na firero fooṛoṛo na fa ikushiisa.

Luka 21:8

Kanumbua: Kulleń kaaṛa mutalembwa! Amu veengi vashaa na irina lyakwa veenumbuaa: Niń nniń ye! Lingi vanumbuaa: Kyeeri kyansha kufui. Kyasia manya mutavalatie!

Luka 6:26

Ushi ini vandu woose vakee imwaamba ulumi na imurera kinuru kyoose. Amu nkuro vaande yawo vandetania vaauya valya va wongo.

Matayo 24:5

Fulya veengi vashaa veekusendaa na irina lyakwa na inumbua: Nniń Kristo. Nawo vatevetaa veengi.

Barua ya Vagalatia 3:13

Kristo andetitaua kidengoń kya mavavaso eekurwaa kwa si ya kidengo kyo kiimba kyeru. Amu nkitisiṛe: ”Nndu ulya woose avanikwaa kiriń akee ndenge“.

Barua ya Vakorinto ya mbele 7:23

Mundeuṛwa na uuru uumu, manya mutave maketi a vandu.

Urambuyo lwa Yohane 3:8

Lla te nankuniinga mwaango nrue mbele yafo kitaare eefo amakii yuraya. Kuwore finya shaangu, kake kunderinga kirero kyakwa ana nta kundekana irina lyakwa ndi.

Luka 12:9

Kake ulya ashikanaa mbele ya vandu, ito akanwaa mbele ya vamalaika va Iṛuva.

Barua ya Timoteo ya mbele 5:8

Kake nndu woose atakee illa valya va kyeń kwamwi na kilanya va numba yamwi veni, ito ankana ikusura, lingi ni nkasha kita ulya atakusurie.

Urambuyo lwa Yohane 6:10

Vakavaanga na ununga unini veenumbuaa: Ee Iṛuva Nsongori kukee wa udede, naamu ki kutakee yumisia vakee isangeń na itaa usao lweru?