Barua ya Petiro ya kavili 1:17 - MMA SHIYYA

¹⁷ Fulya anniingwa unini na langa ni Iṛuva Nde, lia ununga lua lunshea lukee lwa Iṛuva muni unini loose lukarera: ”Uu mMwana wakwa ninkundie ashisenye“.

Barua ya Petiro ya kavili 1:17 ပူးပေါင်းရင်းမြစ်များ

Mariko 9:7

Lia eni iṛumbe likasha likavaendie nruve. Na ununga lukauka iṛumbeń lia lwireraa: Uu mMwana wakwa ninkundie, mwaranyiń ye!

Matayo 17:5

Ili eereraa kuro, lia eni iṛumbe likasha liivaramaa likavaendye nruve. Na ununga lukauka iṛumbeń lia lwireraa: Uu mMwama wakwa ninkundye nammusaua. Uu yye mumwaranyaa!

Matayo 3:17

Na ununga lukauka iṛuvewu lwireraa: Uu mMwana wakwa nkunde ashisenye.

Luka 3:22

Na Mumuyo Nsongori kamwolokia kankaya afwanani na mbuku. Na ununga lukauka iṛuvewu lukavaanga: Iwe ni iwe Mwanakwa nkunde, nsenyo̱ ni iwe.

Mariko 1:11

Na ununga lukauka iṛuvewu lwireraa: Iwe ni iwe Mwana wakwa nkunde kushisenye.

Matayo 12:18

A uu ndundi wakwa nammusaua, yye nkunde wakwa ashisenye nrimiń. Nań nrwaa Mumuyo wakwa kwa ule yamwi. Nae aongoyaa vayavaṛumu kya uumisyo.

Yohane 3:35

Nde akundie Mwana kanrambikia foose maakoń amwi.

Yohane 5:26

Amu sheeli Nde akee na muu kari kamwi, mfo kuro da andeniinga na Mwana iva na muu kari kamwi.

Barua ya Yohane ya kavili 1:3

Uwoo na ililia na unambwe fuukie kwa Iṛuva Nde na kwa Yesu Kristo akee Mwana wa Nde fivaa neese kundo udede lukai na ikunda.

Luka 10:22

Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.

Barua ya Vakorinto ya kavili 1:3

Iṛuva eetikiswa akee Nde wa Nndumi weru Yesu Kristo. Yye Nde muni ililia na Iṛuva muwiiṛia muu.

Barua ya Vakorinto ya kavili 11:31

Iṛuva Nde wa Nndumi Yesu awore unini kumande miṛeṛe ye eeshi sheeli nkee irera wongo ndi.

Yohane 17:21

Nawo vave kimwi woose, sheeli iwe Nde kusaangi nań, nań nsaangi nawe, naamu vave kimwi neese na va isanga vautie-wo ikusura sheeli ni iwe kushirumie.

Barua ya Yuda 1:1

Niń Yuda nkee iketi lya Yesu Kristo na mwanamae wa Yakobo. Neesana vavaange valya vakee vakunde ni Iṛuva Nde na iringio Yesu Kristo.

Yohane 6:27

Manya mutakwatarie mashoṛa a shoonga ikashaa, kwatarień shoonga yo ikaa kumande muu wa miṛeṛe. Nayo yyo Mwana wa nndu amuniingaa, amu ito yye anderwaywa kiringisio nNdee yye Iṛuva.

Yohane 6:39

Na kilya kikundio̱ ni ito ashirumie nkyo iki: Nkindo kyoose ankishiniinga, kaaṛa ntarete-wo nta kimwi. Kake nkiṛute nkonu wa ifurumia.

Yohane 20:17

Yesu kamwia: Manya kutashibaane, amu nanrwa kwa Nde yakwa ndi. Enda kwa vanavamae vakwa kundevaia: Nkee irwa na ule kwa Nde yakwa akee na Nde yanu. Nkee irwa kwa Iṛuva wakwa akee na Iṛuva wanu.

Yohane 10:36

a niń nndeiliswa nNde kashiruma isangeń naare mwashiia naruma Iṛuva, ili nanumbua: Nkee Mwana wa Iṛuva?

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Yohane 10:15

sheeli Nde yakwa ashiishi niń, nań namanya Nde. Nań nareka muu wakwa kiimba kya mburu takwa.

Matayo 17:3

Lia eni vakalolya Mose na Elia vashe na-wo veereraa na Yesu.

Yohane 14:11

Nde asaangi nań yye akee iṛunda mashoṛa amwi, ushikusureń sheeli niń nsaangi na Nde na Nde nae kasaanga nań! Na kitaare nkuro shikusureń mwillaa mashoṛa akwa meni amunniinge ikusura.

Yohane 6:37

Woose Nde anshiniinga wwo vashaa kwakwa. Na ulya ashaa na kwakwa mmuumbutaa na wooṛo ndi.

Barua ya Varome 15:6

amu mwitikise Iṛuva Nde wa Nndumi weru Yesu Kristo kwa nrima umwi na kana kemwi.

Matayo 28:19

Kyasia endeń mundeaṛua vandu va masanga woose, amu vave vanalosho vakwa mwivabatisaa vave va Iṛuva Nde na Mwana na Mumuyo Nsongori.

Yohane 5:20

Amu Nde akundie Mwana kamwonga kyoose atana ye muni. Na akwaa mmashoṛa manini kita iwo amworusaa, amu neeni muṛiike.

Barua ya Vaebrania 1:3

Nae mmuni langa ya unini lwa Iṛuva, amu sheeli Iṛuva akai mfo kuro nae akai. Lingi yye awarie foose kwa finya ya kirero kyamwi. Ammaa isangya vandu mareko na usao lwamwi kakaa rembo uko usha lwa muya unini iṛuvewu ule.