Barua ya Petiro ya kavili 1:16 - MMA SHIYYA

¹⁶ Amu tallatia mboni ta uṛango lwa vandu ili tindemukwanisia mboni ta finya ya Nndumi weru Yesu Kristo na mboni ta isha lyamwi lya kavili ndi, kake talolia unini lwamwi na miso eru meni.

Barua ya Petiro ya kavili 1:16 ပူးပေါင်းရင်းမြစ်များ

Barua ya Yohane ya mbele 4:14

Neese tallolia na miso eru na irambua sheeli Nde anderuma Mwana ave nkiṛa wa isanga.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Barua ya Timoteo ya mbele 1:4

ana nta vatakuware na sumu titakee ta dede ana mboni ta fimia fa ngyufwari ta mbele titamandaa. Findo sha ifi finnde ivingana, fitannde mashoṛa a iṛundia Iṛuva aukie ikusureń.

Barua ya Timoteo ya mbele 4:7

Kake sumu ta vasuṛi titasumani na miloshie tilee. Kake kukuloshe ku muni kuve muni windi.

Barua ya Vakorinto ya mbele 2:4

Na kirero kyakwa na mikwanisie yakwa nnderera nta kwa firero fa waṛia lwa ikangia ngyuṛango ta vandu ndi, kake nkwa finya ya Mumuyo,

Barua ya Vaefeso 4:14

Amu titakikaa lingi sha vana vannya tikurikwaa ifo na ifo sha mavia a nruva mmiloshie yoose ya vandu ikee yaṛukaṛuka sha mburaato, fulya ikee ya wongo na ya ulembi lwa vandu vafurie itireta na mitambwe yawo.

Barua ya Vakorinto ya mbele 1:17

Amu Kristo ashiruma amu mbatise ndi, kake naamu nkwanise mboni ya ifura ya ikiṛwa. Nakyo kitave na firero fa imanya lya uṛango, amu nsalaba wa Kristo utabiṛwa.

Urambuyo lwa Yohane 1:7

Lleń te akee isha ariwa mmaṛumbe. Na miso woose alloliaa na a valya vandensimba. Na ngyufwari toose ta isanga vaishiṛaa kiimba kyamwi. Ee nkya dede. Amen.

Barua ya Tito 1:14

vataaranye sumu ta kiyuda ana mavavaso a vandu vakulakanisie na filya likee fa dede.

Barua ya Yuda 1:14

Na Enoki nkuuku ulya wa mfungare kuuka Adamu aringisia kyawo eereraa: ”Lla Nndumi ansha ariani na vasongori vamwi mafiku na mafiku,

Barua ya Vatesalonike ya kavili 2:9

Na ili muni urekwa ulya akworusaa aṛundaa eetikwaa nSatana, na iṛunda aṛundaa na imakii lyoose na myorusie na maṛiikiso a wongo,

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Vakorinto ya kavili 2:17

Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Matayo 28:18

Yesu kavashea karera nawo. Kavaia: Niń nanniingwa finya yoose ya ishilia kulya iṛuvewu na kunu isangeń.

Barua ya Vatesalonike ya mbele 2:19

Amu ni i akee iverea lyeru ana ifura lyeru ana nduma weru? A le ni ini se mbele ya Nndumi weru Yesu kyeeri ashaa?

Barua ya Vafilipi 3:21

Ye eelashaa mivili yeru ya utanyari, amu ivakani na wili wamwi wa unini kisumani na imakii lia akee nalyo, llyo imakii lirwaa findo foose five kwa si yamwi.

Barua ya Vakorinto ya mbele 5:4

Na irina lya Nndumi Yesu Kristo tikusaandi nrima wakwa neeni andu emwi na finya ya Nndumi weru Yesu,

Barua ya Vakorinto ya mbele 2:1

Kyasia vanavama lia niń nndesha kwanu, nta nndesha mmukwanisie Iṛuva na unini lwa firero ana nta lwa uṛango ndi.

Barua ya Vakorinto ya mbele 1:23

Kake ise tikwanisaa Kristo sheeli akabio̱ kiriń, na mikwanisie ii Vayuda vakaila na Vagiriki vakaiaṛua ya utondo.

Barua ya Vakorinto ya mbele 1:7

Kiimba kya iki nta wavi lumwi mwantuṛa ili mwivereaa ilolika lya Nndumi weru Yesu Kristo.

Barua ya Varome 1:4

Kalolika na baa sheeli mMwana wa Iṛuva muni finya kwa mikae ya kiMumuyo Nsongori eeṛutwaa kwa vafu, yye Yesu Kristo Nndumi weru.

Yohane 17:2

Ni iwe kunniingie finya ya ishilia vandu woose, amu woose kwammuniingia avaniinge muu wa miṛere.

Matayo 24:27

Amu sheeli kimuli kiveṛukaa kuuka taari ya ngama kikalolika kumande taari ya ukwawuń, mfo kuro kivaa kya isha lya Mwana wa nndu.

Matayo 24:3

Numa ili andekaa rembo alya uroń lwa misenifu, vaseṛo vamwi vakasha alya akai vakee kyaanya kyawo vakamwia: Tiie kyeeri ifi fikaa five. Neese timanyamanyaań are kyeeri kuuyaa nakyo na kyeeri isanga lisiaa?

Matayo 16:28

Nkue namuia: Kari ka iva vaselele ia vayo vatalolyaa ufu, nkumande valolyaa Mwana wa nndu eeshaa akee na unini lwamwi lwa umangi.

Matayo 16:27

Ili Mwana wa nndu akaa ashe aṛee unini lwa Ndee andu emwi na vamalaika vamwi, llyo asheavyaa nndu woose kiińańani na mitanye yamwi.

Matayo 17:1

Ili indesia mikonu irindaru, llyo Yesu akurika Petiro na Yakobo na Yohane mwanawo kavarosa na uroń waasha vakakaa-fo kyaanya kyawo wo veni.

Mariko 13:26

Io llyo valoliaa Mwana wa nndu eeshaa ariwa mmaṛumbe awore finya nini na tikisi.

Mariko 14:62

Yesu kanumbua: Nniń ye. Neeni muloliaa Mwana wa nndu akee rembo uko usha lwa muni finya, ashaa ariwa mmaṛumbe a iṛuvewu.

Luka 1:2

sheeli tindefitio warambua valya vandelolia Kirero kilya na miso awo wo veni na ikiṛundia.

Luka 9:43

Vandu woose vakaṛiika koṛoń kiimba kya ilolia unini lwa Iṛuva. Neeli veeṛiikaa woose kiimba kya filya andetana, kaia vanalosho vamwi:

Barua ya Petiro ya kavili 2:3

Ili vawarwa ni ilanga masaa, vakukooiyaa mbusha kwanu na firero fa imulemba. Kake uumisio lwawo lukee udeeṛie kuuka mbele ana ivareta lyawo lisindaa ndi.