Barua ya Petiro ya kavili 1:10 - MMA SHIYYA

¹⁰ Kiimba kya ikyo vanavama, kutomariseń kya mmwasi iseṛeesa kyumu ivaangwa lyanu na isaulwa lyanu, amu itana kuro nta mubaaywaa kutu ndi.

Barua ya Petiro ya kavili 1:10 ပူးပေါင်းရင်းမြစ်များ

Barua ya Petiro ya kavili 3:17

Kyasia ini vakunde mukambooka imanya ifo kulleń neeni, amu mutaomuywa shia ta ureti lwa iwo vatakee iikimbika na ikasheesa finya ya ikusura lyanu.

Barua ya Vaebrania 6:11

Kake tifurie nnu, oo umwi wanu akutomarise kuro da, amu amakii iwara iverea lyeru lyoose kumande ifurumia.

Barua ya Petiro ya kavili 1:5

Na kuro nkyo kiimba ikyo mundekwatara na finya yanu yoose, amu ikusura lyanu linnde usha lwa nrima na usha lo lwanu lunnde imanya.

Barua ya Timoteo ya kavili 2:19

Kake mfulo wa Iṛuva uselele, nato uwore kiringisio ki: ”Nndumi eeshi valya vakee vamwi“. Na lingi: ”Ulya woose asendaa irina lya Nndumi atie-wo ukasha“.

Urambuyo lwa Yohane 22:14

Vva ngoma valya vawaraa mavavaso amwi, amu vakooye fuva yawo ya nri ulya unnde muu na muumu wa iira mbengeń tilya vafike muṛiń ulya.

Barua ya Petiro ya mbele 1:5

Lingi mukankaa na ikusura muringwaa mfinya ya Iṛuva mukooye ikiṛwa lyo lyandeeṛio̱ lya ilolika na baa nkonu ulya wa ifurumia.

Barua ya Petiro ya mbele 1:2

Fulya mwandengio̱ ni Iṛuva Nde mwiliswa mMumuyo Nsongori, amu mukooye ikusura Yesu Kristo na ifwalio̱ usao lwamwi. Uwoo na unambwe feengeṛio̱ kwanu!

Barua ya Vaebrania 6:19

Iverea lyo tikee ifiwara live kindo kitiwore nrimiń kitatuṛie finya. Ikyo nkyo kikee yaaka ifo kari kakee numa ya isulia lia inini.

Matayo 22:14

Amu vveengi vakee vavaange, kake waangu tubu vasaulwaa.

Barua ya Varome 11:29

Amu wavi lwa Iṛuva loore numa ndi ana ivaanga lyamwi ndi.

Barua ya Yakobo 2:10

Amu kwakooya nndu aindia mavavaso woose kakasheesa-wo limwi tubu, ammaa ikasheesa woose.

Barua ya Petiro ya kavili 1:3

Imakii lyamwi lya ki-Iṛuva lyantiniinga filya foose fawara iva na muu wa dede na usha lwa dede liitimanyisaa ulya andetivaanga na unini lwamwi na usha lwamwi ye muni.

Barua ya Petiro ya kavili 3:14

Kwa ikyo, vakunde, ili mukee iverea ifi, kuumiseń amu mukooywa unambweń mutaare ilomi ana usutu mbele yamwi.

Barua ya Yuda 1:24

Kake ito awore imakii lya imuringa mutakubaaye na imusumanisa musalale mbele ya unini lwamwi na inkabia mindoṛo ateefo malomi: