Barua ya Yohane ya kavili 1:9 - MMA SHIYYA

⁹ Ulya woose ateveta vandu atakaa na ufundo lwa Kristo ito awore Iṛuva ndi. Ulya akaa na ufundo ilo awore Nde alungani na Mwana.

Barua ya Yohane ya kavili 1:9 ပူးပေါင်းရင်းမြစ်များ

Barua ya Vakolosai 3:16

Kirero kya Kristo kiwore uṛango loose kiishue kari kanu bele! Mukuloshe na ikufunda mu veni na mu veni na fiimbo mukee iniingwa mMumuyo Nsongori, mwimbie Iṛuva ngooń tanu mwimwaanaa.

Barua ya Yohane ya mbele 1:3

Kyasia kilya tindekilolia na ikiita nkyo tikee imwongoya neeni, amu neeni mulungane neese. Na ilungana lyeru likee andu emwi na Nde na Mwana wamwi Yesu Kristo.

Mitanie ya varumi 2:42

Vakakaa na iwara miloshie ya varumi. Vakasongosia siṛi na ikufukiya nkate na ikuterevia kwa Iṛuva.

Barua ya Tito 2:10

Manya vatave vaiva, kake vaoruse usongovisi usha loose, amu vaambike ufundo lwa Iṛuva nkiṛa weru findoń foose.

Yohane 15:6

Kwakooya nndu atakaa akulungie nań, akumbwaa wooṛo sha iṛamba, ifi lyauma. Na vandu vakaasaṅiṛia andu emwi vakaeeṛa muroń arongore.

Yohane 14:6

Yesu kamwia: Nniń shia yo na dede nniń na muu nniń. Eefo nndu afikaa kwa Nde kitaare ashiwore niń ndi.

Yohane 5:23

naamu woose vaindie Mwana, sheeli vaindiaa Ndee. Na nndu atakee iindia Mwana amakii iindia na Nde ito anrumie ndi.

Luka 10:22

Kanumbua: Nanrambikio̱ findo foose vVaava wakwa. Ana eefo eeshi Mwana kitaare nNde ndi, ana eefo eeshi Nde kitaare mMwana na ulya Mwana anrambuyaa ndi.

Barua ya Vaebrania 6:1

Kiimba kya ikyo nkyo kiteveto tikatia ilosha miloshie ya Kristo ya mbele, teengeṛie imulosha filya fa yawutia. Manya titakirwaa-fo lingi mfulo wa kavili tiimuloshaa sheeli: Ilashikeń mutie-wo mitanie ilya innde ufu na ya iva na ikusura Iṛuva

Barua ya Vaebrania 3:14

Amu tavva va kyama kimwi na Kristo, kwakooya tikuwaraa na ikusura kumande ifurumia lia lindebooka kweru.

Matayo 11:27

Nanrambikyo findo foose nNde yakwa. Nta eefo nndu eeshi Mwana kitaare nNde ndi. Ana nta eefo nndu eeshi Nde kitaare mMwana na ulya Mwana afurie inrambuya ndi.

Yohane 8:31

Kyasia Yesu kaia Vayuda valya veekusuriee: Mukakuwara na firero fakwa llyo muvaa vanalosho vakwa va dede.

Barua ya Yohane ya kararu 1:9

Nndetisiṛia siṛi barua, kake Diotirefe alangie iva wa mbele kari kawo atiwaria ndi.