Barua ya Vakorinto ya kavili 9:8 - MMA SHIYYA

⁸ Na Iṛuva amakii imwavia mboṛa yoose kwa wiingi, amu mukooye foose fimutinye fa imufila mikonu yoose. Lingi na isaa fisaa fa iṛunda mashoṛa woose manuru.

Barua ya Vakorinto ya kavili 9:8 ပူးပေါင်းရင်းမြစ်များ

Barua ya Vaefeso 3:20

Ito akee imakii itana fa mmwasi fikilie ifo foose tikee ifitereva ana tikee ifikusaṛa kwa kiṛengo kya finya ilya ikee iṛunda mashoṛa kari keru

Barua ya Tito 3:14

Vandu veru nawo vakwishivise ikaa na mitanie minuru ya yelekia vengi na findo fawara, amu vatave vandu vatuṛa nunda ta ikusura lyawo.

Barua ya Vakorinto ya kavili 8:7

Na sheeli muwore wiingi lwa findo foose kive kya ikusura kive kya mirerie kive kya uṛango kive kya utomari loose kive kya ikunda lyanu kweru ise mfo kuro kooyeń ufumbutu lwa nsimbika uu nato da.

Barua ya Vakorinto ya mbele 15:58

Kiimba kya ikyo vanavama vakunde, mukuumise koṛoń, manya mutasingesinge! Tanień utomari iṛunda mashoṛa a Nndumi kundo koose, fulya mwammanya yatarika lyanu mukee yatarika kiimba kya Nndumi llya ruu ndi.

Barua ya Vakorinto ya kavili 9:11

Kuro muvaa vayamasaa findoń foose muve vandu va mirima iwore kirero kimwi tubu. Ii yyo iṛundiaa Iṛuva mashoṛa na itiniinga maakoń miniingie ya imwitikisa.

Barua ya Vakorinto ya kavili 8:2

Amu lla kasa veeworee matuṛulo meengi na masaa awo mmaangu nnu, veeshule ifura matika woose, nalyo likaveengeṛia utomari lwa iniingia nsimbika wawo wa yelekia vengi.

Barua ya Tito 3:8

Nkirero kya ikusurwa. Na mboni to mfurie kurere na finya, amu valya vakusurie Iṛuva vakumbue uṛundi lwa iṛundia mitanie minuru. Ifi mfinuru fikaendee vandu mbusha.

Barua ya Vaefeso 2:10

Fulya ise tindetanwa yye tikatanio̱ Kristo Yesu, amu tiṛunde mitanie yeru misha, ni ilya Iṛuva andetisongosia kuuka mbele tiilatie.

Barua ya Petiro ya mbele 4:10

Rundianiń ini mu veni na mu veni nndu woose eeṛundaa na kilya amaavio̱. Kuro llyo muvaa valla va illa ngyuavi ta uwoo lwa Iṛuva tikee ta mikae miingi.

Barua ya Tito 2:14

Na nkiṛa uu yye akuniingia kiimba kyeru. Na kiteveto katana kuro, naamu atitaue ukasheń loose na itisangya atisangye mirima, neese tive vandu vamwi vatomari vawore mitanie minuru.

Barua ya Vakorinto ya kavili 8:19

Ana nta nkuro da ndi, kake andesaulwa nsiṛi to aende andu emwi neese na itielekia irwaa miniingie ilya ikee isaṅiṛio̱ ni ise, amu Nndumi aṅiniswa, neese timanyike sheeli tinsenye.

Barua ya Vakolosai 1:10

na yenda mwende weendo lusumani neeni mukee va Nndumi, amu asenywa deń ni ini, mwivikaa nunda ta mashoṛa woose manuru sha nri uvikaa nunda na yengeṛio̱ uṛango lwa imanya Iṛuva.

Mitanie ya varumi 9:36

Na kulya Yope eeifoo mwanalosho umwi wa kika irina lyamwi nTabita — misendie yayo nsarra. Nka uu eeishulee mitanie minuru eeutaa na misimbika ya yelekia vakiva.

Barua ya Vatesalonike ya kavili 2:17

ye amuwiiṛie mirima yanu muu na imutomarisa fireroń foose na mitanień misha.

Barua ya Timoteo ya kavili 3:17

Nkuro nndu wa Iṛuva asumaniswaa na itomariswa mitanień yoose ikee minuru.

Barua ya Vakorinto ya kavili 13:3

Fulya mukee iṛuya myorusie ya finya ya Kristo uu alungani nań eereraa kari kakwa. Nae amuvia nta ntanyari ndi, kake awore imakii kwanu.

Barua ya Vafilipi 4:11

Nta niikai narera kuro sha ntaare kindo ndi. Amu nankufunda ifilwa mfilya nkee nafo.

Barua ya Timoteo ya kavili 2:21

Kyasia kwakooya nndu eewukana na vandu iwo, avva sha kiya kiniinge tikisi. Kyammaa iiliswa kisenye Nndumi, kyansongosio̱ kya ishoṛa loose inuru.