Barua ya Vakorinto ya kavili 9:10 - MMA SHIYYA

¹⁰ Kake uu akee iniinga muveekia mbeu anniingaa na nkate wa ilya, yye amuniingaa neeni mbeu na iifumbuta, nae eengeṛiaa iilula lya usumani lwanu.

Barua ya Vakorinto ya kavili 9:10 ပူးပေါင်းရင်းမြစ်များ

Barua ya Vakorinto ya kavili 9:6

Kake nkee irera kirero ki: Ulya aveekiaa fa unyuku eelulaa fa unyuku. Na ulya aveekiaa fa usha mfo kuro nae eelulaa fa usha.

Barua ya Vafilipi 4:17

Nta niikai llangie ifo five findo fa ishieleka ndi, kake nkee iṛuya nunda timilie ikundeń, nato mutaalio̱o̱ ni Iṛuva.

Barua ya Vatesalonike ya mbele 3:12

Na Nndumi amwengeṛie ikundana ini mu veni na mu veni na ikunda vandu woose, sheeli neese timukundie.

Matayo 6:1

Kulleń kaaṛa mutaniingye misimbika yanu mbele ya vandu, amu mulolyo. Amu mukantana kuro, mumakii ikooya isekye kwa Nde yanu wa iṛuvewu ndi.

Barua ya Vafilipi 1:11

na iishuṛwa usha lua lukee yuka kwa Yesu Kristo na iṅinisa nalo Iṛuva.

Barua ya Vaefeso 5:9

Kilya Mumuyo wa Iṛuva avikaa ni usha na usumani na findo fa dede.

Barua ya Vatesalonike ya mbele 4:10

Neeni mukee itania vanavamae woose kuri vakee urukefi lua lwa Makedonia loose. Kake tamufunda, vanavama, mwengeṛie iitana.

Barua ya Vakorinto ya kavili 9:12

Amu uṛundi lwa mashoṛa va lwawutiaa vasongori valya wavi lwa yanguywa da, kake lukwengeṛiaa nnu iva na mbusha waanuń wiingi lukee iniingio̱ Iṛuva.

Barua ya Vagalatia 3:5

Kyasia ulya amuniinga Mumuyo na imuavia finya innde muu mirimiń yanu a le akee itana kuro kiimba kya mitanie ya mavavaso mwamaatarika nayo, ana ni ikusura kilya mwamoongoywa?