Barua ya Vakorinto ya kavili 8:9 - MMA SHIYYA

⁹ Amu mwammanya ililia lya Nndumi weru Yesu Kristo sheeli andeva nkiva kiimba kyeru, lla kasa eekee isimba, naamu ini mumakii iva masimba kiimba kya ukiva lwamwi.

Barua ya Vakorinto ya kavili 8:9 ပူးပေါင်းရင်းမြစ်များ

Barua ya Varome 8:32

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Matayo 20:28

Sheeli na Mwana wa nndu atashe, amu aṛundyo, kake ashe aṛundye vengi na iniingya muu wamwi, amu uve kirasyo kya veengi.

Barua ya Varome 5:8

Kake ikunda lya Iṛuva sheeli fikai lya itikunda ise lyalolika na baa lia Kristo atifiya ise tiikee varekwa.

Barua ya Vakorinto ya kavili 6:10

Tikee sha vanarise, kake nkonu woose toore ifura. Tikee sha vakiva vatawore kindo, kake toore foose.

Barua ya Vaefeso 2:7

Katana kuro, amu mikonu yo ishaa aoruse ililia lyamwi sheeli likee iingi litavaa yelelia ili atililia nalyo ise tilungani na Kristo Yesu.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Barua ya Vaefeso 3:8

Niń nkee munnya wa vasangori woose nndeniingwa ililia li lya ikwanisia vayavaṛumu usimba lwa Kristo lutawore mmando

Barua ya Timoteo ya mbele 6:18

Vaikimbe vave vatana finuru, vave vasaṅiṛia masaa a mitanie misha, vave na maako na iva veelekana na vengi kwa kia kya nrima.

Luka 16:11

Kyasiań kwakooya mutava na usuro lwa masaa va a ulembi, ni i amuniingiaa masaa a dede?

Barua ya Vaebrania 1:2

Ifurumia lya mikonu ii karera neese na kana ka Mwana uu andenrwaa ave muyadiṅu ya foose. Lingi yye andetana nae isanga lyoose.

Luka 9:58

Yesu kamwia: Mabaaṛwe awore marina ayo na ndee tiwore fifuri fayo, kake Mwana wa nndu awore andu a yekeṛia nrwe wamwi ndi.

Urambuyo lwa Yohane 3:18

Nkee ikwia: Uṛa saabu kwakwa shisangye na muro, amu kuve isimba. Uṛa na masaṛa meelwa, amu usutu lwafo lwa ikaa kya ruu lutalolike. Uṛa na nri wa miso wa yaamba miso afo, amu kulolie.

Barua ya Vaefeso 3:19

na imanya ikunda lya Kristo likilie uṛango loose, amu musongovike kumande mwamaa iishuṛwa mboṛa yoose ya Iṛuva,

Barua ya Vakorinto ya mbele 1:4

Nkee yaana Iṛuva wakwa mikonu yoose kiimba kyanu na kiimba kya mboṛa mwanniingwa ni Iṛuva mukuvavie na Yesu Kristo.

Luka 2:7

Kaira mwana wamwi vvele kamwiṛina na firami kamwaṛa mundiń wa numbe, fulya vandetuṛa andu a ilala ifo numba ya veeni.

Yohane 16:15

Na kilya kyoose Nde awore nkyakwa. Nkyo kiteveto namuia: Mboni ashemoongoyaa nkunu kwakwa ashetuutaa.

Yohane 1:17

Amu mavavaso andeniinga mMose, kake uwoo lwa Iṛuva na udede lwamwi fikanndwa ni Yesu Kristo.

Yohane 1:10

Iikee isangeń na isanga lindetanwa yye na isanga lyo nta immanya.

Matayo 8:20

Yesu kamwia: Mabaaṛwe awore mbanga na ndee ta iṛuvewu toore fifuri, kake Mwana wa nndu awore andu a yaṛa nrwe wamwi ndi.

Urambuyo lwa Yohane 21:7

Ulya avvinga arwaa ifi five dińu yamwi. Nań vvaa Iṛuva wamwi, nae avaa mwana wakwa.

Barua ya Vakorinto ya mbele 15:47

Nndu wa mbele auka uteriń, nae ni uteri. Nndu ulya wa kavili aukie iṛuvewu.

Barua ya Varome 11:12

Kyasia kwakooya irekio̱ lyawo lyammaa iva usimba lwa isanga na yanguywa lyawo lyawa mboṛa ya vayavaṛumu, a le nkya mmwasi se isongova lyawo?

Yohane 17:19

Na kiimba kyawo nakwilisa, naamu nawo vailiswa.

Yohane 12:30

Yesu kaaṛua kanumbua: Ununga lu lwarera kiimba kyakwa ndi, nkiimba kyanu.

Mariko 6:3

A uu ni ulya se eevashaa firi, nae mmwana wa Maria na mwanamae wa Yakobo na Yese na Yuda na Simon? Na vefuvamae wwo iva se vakee kweru? Vakava na ilomi kwamwi.

Matayo 17:27

Kake ise manya titavakangye vaute nsindaṛa kweru. Kyasia kwimboo enda kulya nruveń kwaolota-fo kiminya kya iwara makunga. Na ikunga lyo kubookaa ifiwara kuliimboo kulitaṛambue kana kayo, llyo kukooyaa-fo fesa imwi ya uuru. Iwara kuvaniingye ive kyaalo kyakwa na kyafo.

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Luka 8:3

na Yohana akee nka wa Kusa ulya akee mulla findo fa Herode, na Susana na vengi veengi. Nawo veekee indundia na masaa awo.

Barua ya Varome 15:3

Amu na Kristo akushiisa ye muni ndi, kake nsheeli kyatisiṛwa: ”Irera lyawo vandekurera iwe nniń lindeshishea“.

Urambuyo lwa Yohane 2:9

Niishi mavaviso afo na ukiva lwafo, kake kukee muni usimba. Niishi sheeli kukee irumwarumwa ni iwo vakee ikuvaanga Vayuda, nawo vatakee Vayuda, kake vakee siṛi ya Satana.