Barua ya Vakorinto ya kavili 8:7 - MMA SHIYYA

⁷ Na sheeli muwore wiingi lwa findo foose kive kya ikusura kive kya mirerie kive kya uṛango kive kya utomari loose kive kya ikunda lyanu kweru ise mfo kuro kooyeń ufumbutu lwa nsimbika uu nato da.

Barua ya Vakorinto ya kavili 8:7 ပူးပေါင်းရင်းမြစ်များ

Barua ya Vatesalonike ya kavili 1:3

Vanavama, kyatiwara yaana Iṛuva kyeeri kyoose kiimba kyanu. Kisumani kuro, fulya ikusura lyanu likee iṅina nnu na ikunda lia mukundani nalyo lyankwengeṛia kwa nndu woose wanu.

Barua ya Vakorinto ya kavili 9:8

Na Iṛuva amakii imwavia mboṛa yoose kwa wiingi, amu mukooye foose fimutinye fa imufila mikonu yoose. Lingi na isaa fisaa fa iṛunda mashoṛa woose manuru.

Barua ya Vafilipi 1:9

Nakyo nkyo nkee itereva Iṛuva mwengeṛio̱ ikunda na uṛango na imanya lyoose

Barua ya Vakorinto ya kavili 8:6

Llyo tikavavasa Tito aawutie nsimbika ulya ifo kwanu sha lia ye andemubookia.

Barua ya Vakorinto ya mbele 13:2

Na kwakooya niishi iringisia filya fivaa numa ana noore mboni ta fiṛisi foose ana noore iirikia lyoose lya kwa Iṛuva nserise nalyo ngyuro, ntawore ikunda nkee kindo ndi.

Barua ya Vakorinto ya mbele 4:7

Amu ni i akee ikwavanisa na ungi? A iwe nkiki kitaare kwankiwaria? Kake kwakooya kwankiwaria kukwitikisiaań ki sheeli kutandekiwaria?

Barua ya Vakorinto ya mbele 1:5

Fulya kari ka kindo kyoose mundeva masimba mukuwore nae kya firero foose na kya uṛango loose,

Barua ya Vakorinto ya mbele 13:8

Ikunda liiraa mmando nta kyeeri kimwi ndi. Yauya fisuku lisiaa na mirerie imandaa na imanya fiilashikaa.

Barua ya Vakorinto ya mbele 12:13

Amu ise ti woose tindebatisio̱ vvili umwi mMumuyo umwi, kwakooya tikee Vayuda ana kwakooya tikee Vagiriki ana kwakooya tikee masinga ana tikee vabo-ṛomue. Neese toose tindeavio̱ Mumyo uu umwi.

Barua ya Petiro ya kavili 3:18

Kake engeṛień ińina mwiavioo uwoo, lingi mwimanyaa Nndumi weru na Nkiṛa weru Yesu Kristo. Unini llwamwi alli na kumande nkonu wa miṛeṛe!

Barua ya Petiro ya mbele 1:22

Mukammaa iilisa mirima yanu na iirikia filya fikee fa dede kumande mwafikia ikundana na vanavamae fitawore ukavili, kyasia engeṛień ikundana na nrima mu veni na mu veni.

Barua ya Timoteo ya kavili 2:1

Kyasia iwe, mwanakwa, kukukaarisie uwooń lwa Kristo Yesu.

Barua ya Vaefeso 4:29

Kirero kyoose kikasha kitasomuke kaniń kanu, kake kilya kikee kisha kya yelekia ulya mutiṅwa, amu kisenye vaaranya.

Barua ya Vakorinto ya kavili 9:14

Nawo veni vamutereviaa veevaa na umuye kya uwoo lwa Iṛuva lufumbukie kwanu.

Barua ya Vakorinto ya kavili 7:7

Ana ni ishalyamwi dandi, kake ni ilembwalembwa lia andelembwalembwa nalyo kwanu eetoongoyaa mboni ta milangie yanu na fiiyo fanu na utomari lwanu kiimba kyakwa, kumande neengeṛia nnu ifura.

Barua ya Vakorinto ya mbele 14:12

Mfo kuro neeni, fulya mulangie nnu iva vandu vawore wavi lwa Mumuyo, ṛuyeń filya feni fisongosiaa siṛi.

Barua ya Varome 15:14

Vanavamae vakwa, nkusurie deń sheeli ini neeni mwamiishuṛwa usha mukaishuṛwa uṛango loose, lingi mumakii ikwikimba mu veni.

Urambuyo lwa Yohane 3:17

Fulya kukee irera: Niń nkee isimba, noore masaa mbilya ana nta kindo kishitinye. Nawe nta kwishi sheeli kukee nkiva na mutińwa na ndoń na nndu akee kya ruu ndi.

Barua ya Vaebrania 12:28

Kyasia ili tikee iwaria umangi lutavaa ireremiswa, taane Iṛuva tiindundiaa mashoṛa ansenye tiworwa ni ukunyiisi na windi.

Barua ya Vafilipi 1:11

na iishuṛwa usha lua lukee yuka kwa Yesu Kristo na iṅinisa nalo Iṛuva.

Barua ya Vakorinto ya mbele 12:8

Fulya nndu umwi akee iniingwa kirero kya uṛango mMumuyo, na ungi kirero kya waṛia, kake Mumuyo ni ulya muni da.

Matayo 25:22

Na ulya andewaria feenga filya fivili kasha na-wo. Kanumbua: Nndumi, kundeshiniingya feenga fivili. A fi feenga fingi fivili nndekooya ifo mbusheń yayo.