Barua ya Vakorinto ya kavili 6:8 - MMA SHIYYA

⁸ Tikee ikworusa sheeli tikee maketi a Iṛuva, na tikaṅiniswa na tikabiṛwa na tikarerwa kikasha na tikarerwa kinuru. Tikee ivaangwa valembi, kake tikee va dede.

Barua ya Vakorinto ya kavili 6:8 ပူးပေါင်းရင်းမြစ်များ

Matayo 27:63

Vakanumbua: Nndumi, tankumbua sheeli llembi ulya lia akee na muu anumbua: Numa ya mikonu iraru ndukaa.

Barua ya Petiro ya mbele 4:14

Muvaa va ngoma, kwakooya mwarumwa kiimba kya irina lya Kristo, fulya Mumuyo wa unini nto wa Iṛuva amukaye.

Urambuyo lwa Yohane 3:9

Manya kilya ntanaa: Iwo vakee va siṛi ya Satana iva vanumbuaa sheeli vVayuda, nawo vatakee Vayuda, kake vareraa wongo, waaṛuaa vashe vakuwoye marendeń afo na imanya sheeli nkukundie.

Barua ya Timoteo ya mbele 4:10

Kiimba kya iki tikee yatarikia kirero iki na tikarumwa, fulya tikusurie Iṛuva muni muu akee nkiṛa wa vandu woose na kilanya wa iwo vamwirikie.

Mitanie ya varumi 28:22

Kake tifurie iita kwafo kilya kulolie iwe. Amu kari ka mboni ta siṛi iyo yammanyika sheeli ikee irerwa kikasha andu woose.

Mitanie ya varumi 24:5

Amu tallolia nndu uu wwa myaandu kava mubooka ikuria myaandu kari ka Vayuda woose isangeń. Lingi ni nrwe wa kyama kya Vanasareti.

Barua ya Yohane ya kararu 1:12

Demetirio ni nrambue wandu woose andu emwi na udede lua weni. Na akwaa ni ise tinrambuye, nawe kwishi sheeli irambua lyeru llya dede.

Barua ya Vaebrania 13:13

Kiimba kya iki ise tisomuke muṛiń ulya tilungane nae wooṛo tiikurikaa na usutu lua andeluekeṛio̱.

Barua ya Varome 3:8

Naamu ki ili titareraa, sheeli tindefingio̱ na vengi vakakaarisia irera sheeli ise tarera kuro: Ndefo titane fikasha, amu finuru fishe? Vandu va mikae ii vatuṛaa uumisio lwawo lwa yumisio̱ ni Iṛuva lusumani nawo ndi.

Mitanie ya varumi 22:12

Kyasia kulya eeifoo nndu umwi irina lyamwi ni Anania eekee mwindia mavavaso woose kisha, eeishiwaa kinuru vVayuda woose veekee ifo.

Mitanie ya varumi 16:39

Vakasha ivalembalemba vakavasomuta wooṛo vakavatereva vauke muṛiń ulya.

Mitanie ya varumi 10:22

Vakanumbua: nKorinelio nshili akee nndu nsumani akusurie Iṛuva, awore nsendo nnuru vanduń woose va Vayuda, andevavaswa mmalaika nsongori iruma vandu kwafo, amu kwende kwamwi aaranye firero fafo.

Mitanie ya varumi 6:3

Kyasia vanavama, saueń vandu mfungare kari kanu vawore nsendo veeshule Mumuyo na uṛango, amu tivarwaa vaṛunde ishoṛa li.

Mitanie ya varumi 5:13

Na kari ka vengi woose eefo nta umwi andekaṛia ilungana nawo ndi, fulya vandu vandevaitikisa nnu.

Yohane 7:12

Likava inunua iingi kari ka isyamu lia kiimba kyamwi. Kiindi vakunumbua: Ye ni nndu nsha. Kiindi vakanumbua: Wode, ye aretaa vandu.

Mariko 12:14

Vakasha na-wo vakamwia: Llosha, tiishi sheeli iwe kukee nndu wa dede. Ana nta kullaa tikisi ya nndu ndi. Ana kwafo kuwore wa mungo ana wa kivari ndi. Kake kuloshaa shia ya Iṛuva na udede. Tiień kisumani iniinga mangi kyaalo ana wode? Tikanniinga ana tikamwima?

Matayo 22:16

Vakarumya Yesu vandu vawo andu emwi na vandu va Herode vakamwia: Llosha nnini, tikwishi sheeli kukee nndu awore firero fa dede na shia ya Iṛuva kwaiorusa kisumani. Nawe kwafo kuwore wa mungo ana wa kivari ndi.

Matayo 10:25

Kifilaa mwanalosho iińańana na llosha wamwi. Mfo kuro na iketi kifilaa iińańana na nndumi wamwi. Kwakooya vavaanga muni numba mumuyo nkasha, naare nkya mmwasi se valya vakee numba kwamwi?

Barua ya Timoteo ya mbele 3:7

Na lingi kyawara ave nndu akundio̱ wandu, na kitaare wa siṛi, amu atarerwa kikasha ana irey wa nSatana.

Barua ya Vakorinto ya kavili 1:18

Kake Iṛuva akee nrambua wakwa, sheeli kirero kyeru tindemwendee kiwore ee nkimwi na wode ndi.

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Vakorinto ya kavili 11:21

Iki nkee irera nkya usutu sheeli tiikee vatanyari. Kake kwakooya nndu awore utomari lwa mikae yoose — narera kiriṅani — nań noore utomari.

Barua ya Vakorinto ya kavili 12:16

Kyasia niń nammutuṛua ndi, kake veefo vakee inumbua, ni uṛango lwakwa ukasha nndemuwara nalo kwa ntambwe.

Barua ya Vatesalonike ya mbele 2:3

Amu wikimbi lweru llwa ureti ana llwa ulembi ana llwa ntambwe ndi.