Barua ya Vakorinto ya kavili 6:5 - MMA SHIYYA

⁵ Na fa kitani na fa ikabwa na ifingwa na fa myaandu na fa mashoṛa na fa ilala rembo na ikwima shoonga.

Barua ya Vakorinto ya kavili 6:5 ပူးပေါင်းရင်းမြစ်များ

Barua ya Vakorinto ya kavili 11:27

Nameemio̱ nngatara na maaraa niilalaa rembo keengi. Nawarwa nsoto na nyura, niiworee iila keengi naliwa mmbioo natuṛa kya iṛaa.

Mitanie ya varumi 17:5

Na Vayuda valya vakaira iriso vakakurika vandu kiindi kari ka vandu va dua vataare nsendo nnuru. Nawo vakasandia syamu vakaanta kitari muṛiń. Vakalengetia numba ya Yason veeṛuuyaa-wo Paulo na Sila vavarwaa mbele ya vandu va muṛi.

Urambuyo lwa Yohane 2:10

Manya kuteeṛee matuṛulo alya akaa andekukooya. Lla ndiingi ulya arwaa kiindi kyanu kifingioń, amu mwelelio, neeni muvaa na matuṛulo mikonu ikumi. Va na ikusura kumande kufwaa, nań nkuniingaa uṛeto lwa muu.

Barua ya Vaebrania 13:23

Manyiń sheeli mwanamae weru Timoteo ammaa iboṛomulwa. Kansha ree tikwaniaa neeni andu emwi nae.

Barua ya Vaebrania 13:17

Irikień iwo vamwirie mbele na ivakunyiisia, fulya iwo valalaa rembo veekusaṛiaa mirima yanu, amu wwo vakaa vauṛwa kiimba kyayo. Kutomariseń itana kuro, amu vatane mashoṛa awo na ifura kitaare vakee idia, amu iki kimwelekaa ndi.

Barua ya Vaebrania 11:36

Vengi vakaelelio̱ na iteendwa na ikabwa. Vengi vakaavikwa na mise na irawa kifingioń.

Barua ya Timoteo ya kavili 4:5

Kake iwe ṛangua findoń foose. Sisiria ngatara. Kwanisa mboni shinuru ya ikia. Awutia uṛundi lwafo.

Barua ya Timoteo ya kavili 2:9

Kiimba kyayo naliswa ukiva andu a ifingwa sha mutana fikasha. Kake kirero kya Iṛuva kivaa ifinga ndi.

Barua ya Timoteo ya kavili 1:8

Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Timoteo ya mbele 4:10

Kiimba kya iki tikee yatarikia kirero iki na tikarumwa, fulya tikusurie Iṛuva muni muu akee nkiṛa wa vandu woose na kilanya wa iwo vamwirikie.

Barua ya Vatesalonike ya mbele 2:9

Amu, vanavama, mukumbue ngatara teru na yatarika lyeru, fulya tindeṛunda mashoṛa kio na nsanyiń, kaaṛa titasisiṛe nta nndu umwi wanu, ili tindemukwanisia nrumi ya Iṛuva kuro.

Barua ya Vafilipi 1:13

Amu kyammanyika kwa varingi valya va Kaisari woose na kwa valya vengi woose sheeli nkee mfinge kiimba kya Kristo dede.

Barua ya Vaefeso 3:1

Kiimba kya ikyo niń Paulo nkee mfinge wa Kristo Yesu kiimba kyanu ini vayavaṛumu.

Barua ya Vakorinto ya mbele 15:10

Kake kwa ililia lya Iṛuva nava sheeli nkai, na ililia lyamwi likee kwakwa lindeva lya ruu ndi. Kake nndeengeṛia nnu iṛunda mashoṛa kilanya ya woose, ana nta niń ndi, kake ni ililia lya Iṛuva likee nań.

Barua ya Vakorinto ya mbele 7:5

Manya mutakwime kitaare nkwa iirikiana mwaanya, amu mukooye nato kyeeri kya itereva. Numa mukwanie lingi, amu Satana atakooye mwaanya wa imuteveta kiimba kya ituṛa walio kwanu.

Barua ya Vakorinto ya mbele 4:11

Kumande saa ii ya alli ise tikee iliwa nsoto na nyura, tikee kya ruu, tikee ikabwa ṅunde, lingi toore kyeń ndi.

Mitanie ya varumi 28:30

Paulo kakaa kiṛengo kya myaka ivili iishule numba yo yamwi eekaii kawaria vandu woose valya veekee inshea

Mitanie ya varumi 26:29

Paulo kamwaṛua: Nkee itereva Iṛuva sheeli io kyasaa kinnya ana kinini ni iwe da ndi na akwaa ni iwo woose vakee ishaaranya nnu vave shań kitaare nkifingio iki.

Mitanie ya varumi 26:10

Ifo nafiṛunda kulya Yerusalemu. Nafinga veengi va vasongori na ivarwaa fifingioń, ili mmaa iniingwa miimu vvakohani vanini. Neeli veekee ivawaa nań navaelekia.

Mitanie ya varumi 24:27

Ili indesia myaka ivili Porikio Festo kawaria ushili andu a Felikisi. Na Felikisi eekundiee isenya Vayuda karea Paulo kifingioń.

Mitanie ya varumi 23:35

kanumbua: Naaranyaa mwaandu wafo ili na valya vandekuṛiinga vashaa. Kavavasa aringwa akaa ifo numba ya witoṛo lwa Herode.

Mitanie ya varumi 23:10

Neeli mwaandu nnini undekwimboo nshili ulya kaeṛea kundo vasambuasambua Paulo. Kavavasa vasikari vaoloke vamwute maakoń awo na finya vamwate muṛiń.

Mitanie ya varumi 20:31

Kwa ikyo kaań kya umbuura mwikumbuaa sheeli myaka iraru kio na nsanyiń nare ntaikimba nndu woose wanu na masoru ndi.

Mitanie ya varumi 14:23

Vakavasauya vashili siṛiń yoose vakavarambikia Nndumi to vankusurie veetereviaa-wo na ikootoya.

Mitanie ya varumi 14:19

Veeifoo Vayuda vandefika-fo vauka Antiokia na Ikonio vakakuria syamu vakakaba Paulo na mawe vakansuṛuya wooṛo ya muṛi veekusaṛaa ammaa ifwa.

Mitanie ya varumi 13:3

Ili vandemaa ikootoya na itereva vakavaekeṛia maako vakavaotoṛa vaende.

Mitanie ya varumi 5:18

Vakawara varumi vakavarwaa kifingioń.

Matayo 14:10

Karuma nndu kandeminya nrwe wa Yohane kulya kifingyoń.

Matayo 14:3

Amu Herode eemmaa iwara Yohane kanrwaa kifingyoń kiimba kya Herodia eekee nka wa mwanamae Filipo.

Matayo 9:15

Yesu kavaia: Valya vakee vavaange waliń naare vaiyaa kyeeri kyo nndumi wa wali akee andu emwi nawo? Kake mikonu ishaa vasokwa muni wali, llyoń vasindaa kuro.