Barua ya Vakorinto ya kavili 6:4 - MMA SHIYYA

⁴ Kake findoń foose tikee ikworusa sheeli tikee maketi a Iṛuva. Nafo mfa utele wiingi na fa ngyukiva na fa ngatara.

Barua ya Vakorinto ya kavili 6:4 ပူးပေါင်းရင်းမြစ်များ

Barua ya Vakorinto ya kavili 12:10

Nań nkuumisaań koṛoń kyeeri kya utanyari ana kya usutu lwa vandu ana kya ngyukiva ana kya matuṛulo ana kya weṛei nkee iliswa kiimba kya Kristo. Amu kyeeri nkee ntanyari llyo noore finya ya nrima.

Barua ya Vakorinto ya kavili 4:8

Taari toose tikee ituṛulwa, kake tikee ilemwa ndi, tikee iliswa ukiva, kake titaṛaakaa ndi, tikee yumbutwa, kake titio̱o̱ ti veni ndi.

Barua ya Vakorinto ya kavili 11:27

Nameemio̱ nngatara na maaraa niilalaa rembo keengi. Nawarwa nsoto na nyura, niiworee iila keengi naliwa mmbioo natuṛa kya iṛaa.

Barua ya Vakorinto ya kavili 12:12

Kilya kyorusaa nndu sheeli ni nrumi kyantanika kwanu kwa isisiria na kwa firingisio na myorusie na finya.

Barua ya Vakorinto ya kavili 3:6

Nae yye andetikaarisa tikava vaṛundi vasenye va mma shiiya, nta yyo ya mitisiṛie ndi, kake yya Mumuyo. Amu mitisiṛie innde ufu, kake Mumuyo annde muu.

Barua ya Vakorinto ya mbele 3:5

A Apolo wwa ki? Na Paulo wwa ki? Vvaṛundi vandemulosha ikusura Nndumi, na nndu woose weru akee iṛunda sheeli andeavio̱ ni Nndumi.

Urambuyo lwa Yohane 3:10

Amu iwe kwawwara kirero kyakwa kya isisiria, nań nkuringaa na ikuuta kiṛengoń kya yelelio kyammaa ideeṛio ifikia isanga lyoose yelelia iwo vakee isangeń.

Urambuyo lwa Yohane 1:9

Niń Yohane nkee mwanamae wanu na mutańaṛia mavaviso na umangi lwa Iṛuva andu emwi neeni na ulalamboo lwa iverea Yesu Kristo. Nnderawa kyurukeń kilya kikee kari ka nruva kiivaangwaa Patimo, fulya nndekwanisa kirero kya Iṛuva na irambua Nndumi Yesu.

Barua ya Vakorinto ya mbele 4:1

Ise vakwanisa kirero kya Iṛuva tifurie ilolio̱ ni nndu woose sheeli tikee vaṛundi va Kristo na varingi va fiṛisi fa Iṛuva.

Barua ya Vaebrania 12:1

Kyasia kiimba kya ili tilengetio̱ warambua mamwiingi kikava sheeli iṛumbe litilengetiaa, tiburue-wo foose fiteemie tiikulakanisaa na malomi iva atiwore. Na iimboo tiimboo fira yeru tikee iivavasio̱ tisisiriaa.

Barua ya Timoteo ya kavili 4:5

Kake iwe ṛangua findoń foose. Sisiria ngatara. Kwanisa mboni shinuru ya ikia. Awutia uṛundi lwafo.

Barua ya Timoteo ya kavili 2:24

Lingi ndundi wa Nndumi atave wa myaandu, kake avie vandu woose na uwoo, ave llosha wa dede na nsisiria vakasha,

Barua ya Timoteo ya kavili 1:8

Kyasia manya kutaire sonu ya irambua Nndumi weru ana manya kutashiirie sonu niń nkee mfinge kiimba kyamwi. Kake sisiria mavavio andu emwi nań kiimba kya nrumi shisha kwa kiṛengo kya finya ya Iṛuva.

Barua ya Timoteo ya mbele 6:11

Kake iwe kukee nndu wa Iṛuva iwukana na fikasha ifi! Latia usumani na unuru na ikusura na ikunda na isisiria na ulalamboo!

Barua ya Timoteo ya mbele 4:6

Kwallosha vanavamae mboni iti kuvaa ndundi nnuru wa Yesu Kristo na ilisa nrima wafo firero fa ikusura na fa miloshie ilya minuru kwisoṛie.

Barua ya Timoteo ya mbele 2:15

Kake akiṛwaa kwakooya aira vana, nawo vakaa na ikusura na ikunda na usongori andu emwi na mirima ya usaaṛo.

Barua ya Vatesalonike ya mbele 5:14

Tamutereva, vanavama, ikimbeń valya vatakee na useli, kaariseń valya vakee na nrima ntanyari, niingeń valemwa finya, veń na ulalamboo kwa vandu woose.

Barua ya Vatesalonike ya mbele 3:7

Kiimba kya ikyo, vanavama, mirima yeru yawiiṛio̱ muu na mboni ti ta ikusura lyanu, na tikaroywa ni yatarika na mavaviso eru oose.

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Barua ya Vakolosai 1:11

Na yavio̱ mwavio̱ yye finya toose kwa kiṛengo kya unini lwamwi, amu muve na isisiria lya mikae yoose na utele,

Barua ya Vakorinto ya kavili 11:23

Wo waṛundia Kristo? — narera kya uketo — nniń kya mmwasi. Kari ka ngatara wakilie deń. Fifingioń wakilie deń. Fa ikabwa wakilie nnu kutu. Fitaniń fa ifwa nkeengi.

Barua ya Vakorinto ya kavili 11:9

Na ili niikee kwanu nava nantuṛa fa ilela muu wakwa, eefo nta nndemwatara ndi. Amu vanavamae valya vandesha vauka Makedonia vakashiniinga filya fiiyani na wavi lwakwa. Kari ka findo foose nakulla, amu nkaa kwanu kitaare namwatara, na kuro mfo nkullaa.

Barua ya Vakorinto ya kavili 7:11

Amu lleń, inariswa lyo lya kiimba kya Iṛuva ili llyo lindemuniinga finya ini, ee na ikuuta, ee na ituṛuka, ee na weṛei, ee na itiṅwa, ee na itomaa, ee na itaa kimini! Amu kwa shia toose mundekworusa mu veni sheeli mukee vesha mwaanduń ulya.

Barua ya Vakorinto ya kavili 4:17

Amu mavaviso akee neese alli wo asiaa ree, nawo eengeṛiaa itiniinga unini lwa miṛeṛe lutawore mmando.

Barua ya Vakorinto ya kavili 4:2

Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

Barua ya Vakorinto ya mbele 9:11

Kwakooya ise tindemuveekilia mbeu ya Mumuyo, a nkindo kinini, kwakooya tikee iilula fa findo fanu fa wiliń?

Barua ya Varome 16:10

Shiisanień na Apele akee nndu nkristo nsaari. Shiisanień valya va kyeń kwa Aristobulo.

Barua ya Varome 14:18

Amu ulya akee iṛundia Kristo na findo fo akee isenya Iṛuva, lingi airikio̱o̱ vvandu.

Barua ya Varome 5:8

Kake ikunda lya Iṛuva sheeli fikai lya itikunda ise lyalolika na baa lia Kristo atifiya ise tiikee varekwa.

Mitanie ya varumi 20:34

Ini mu veni mwishi sheeli maako va akwa wwo andeshiṛundia kilya kishifile andu emwi na vaaroe vakwa.

Mitanie ya varumi 9:16

Nań mmworusaa matuṛulwa woose alya atuṛulwaa kiimba kya irina lyakwa.

Mitanie ya varumi 2:22

Muṛe womi va Isiraeli, aranyiń firero fi: Yesu uu wa Nasareti ni nndu anderumwa ni Iṛuva ilyo andesha kwanu, kamanyiswa na findo finini na maṛiikiso na myorusie Iṛuva andefitana na uko lwamwi mbele yanu, sheeli mwishi ini mu veni.

Luka 21:19

Kwakooya musisiriaa deń, mukiṛaa mirima yanu.

Barua ya Vakorinto ya kavili 2:17

Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.

Yohane 16:33

Ifi namuia amu mukooye unambwe mukulungie nań. Kunu isangeń mukooyaa ngatara. Kake kuwareń tabu! Niń nawinga isanga li.

Barua ya Varome 3:5

A le Iṛuva arekio̱ atiendee uvaave? (Narera kwa mikae ya kinndu.)