Barua ya Vakorinto ya kavili 6:16 - MMA SHIYYA

¹⁶ Lingi lwifo witanu ki kari ka numba ya Iṛuva na ya firasio? Amu ise tikee numba ya Iṛuva akee na muu, sheeli Iṛuva anderera: ”Nkaa kari kawo, lingi nruaruaa kari kawo, nań vvaa Iṛuva wawo, nawo vavaa vandu vakwa“.

Barua ya Vakorinto ya kavili 6:16 ပူးပေါင်းရင်းမြစ်များ

Urambuyo lwa Yohane 21:3

Naita ununga unini luuka kifumbiń kilya kya kimangi lwinumbuaa: ”A ki kirembo kya Iṛuva kikee andu emwi na vandu. Nae aruaa kwawo, nawo vavaa vandu vamwi. Na Iṛuva muni avaa andu emwi nawo.

Barua ya Vaebrania 8:10

”Na ii yyo mma nnderekiana na numba ya Isiraeli mikonu ilya ikansia: Vveekyaa mavavaso akwa makusaṛoń awo na yatisiṛa ifo mirimiń yawo. Nań vvaa Iṛuva wawo, nawo vavaa vandu vakwa.

Barua ya Vakorinto ya mbele 6:19

Ana mwishi se sheeli mivili yanu yawa numba ya Mumuyo Nsongori akee kari kanu uu mwanniingio̱ ni Iṛuva? Ana nta ini mukee masaa anu mu veni ndi.

Barua ya Varome 8:11

Kake kwakooya Mumuyo wa ito andeṛuta Yesu kwa vafu akee kari kanu, ito andeṛuta Kristo kwa vafu aṛutaa na mivili yanu ikee mikaeń ya ufu kwa finya ya Mumuyo wamwi akee kari kanu.

Urambuyo lwa Yohane 21:7

Ulya avvinga arwaa ifi five dińu yamwi. Nań vvaa Iṛuva wamwi, nae avaa mwana wakwa.

Barua ya Yohane ya mbele 4:15

Ulya woose arambuaa sheeli Yesu mMwana wa Iṛuva, Ilyo Iṛuva akaa na ito, nae akaa na Iṛuva.

Barua ya Vaefeso 3:17

Na Kristo amu akukaarise ngooń tanu kwa inkusura, neeni muve vandu vakuwore tabu na inkunda na ikundana mu veni na mu veni.

Yohane 6:56

Na ulya alyaa vvili wakwa na inwa usao lwakwa akaa akuvavie nań, nań nkaa nkuvavie nae.

Barua ya Vaebrania 3:6

Kake Kristo mMwana eetoṛio numba ii yamwi. Amu numba ii yamwi ni ise, kwakooya tikuwaraa na finya ya nrima na iṅinisa iverea lyeru kumande ifurumia.

Barua ya Petiro ya mbele 2:5

Mfo kuro neeni mukee sha mawe awore muu musongosio̱ muve numba ya Mumuyo na iva muve varasia vasongori va iniingia Iṛuva misimbika ya kimumuyo ya insenya kiimba kya Yesu Kristo.

Barua ya Timoteo ya kavili 1:14

Ringa wavi lua usha kundeniingwa kwa finya ya Mumuyo Nsongori akee neese.

Barua ya Yohane ya mbele 4:12

Nta eefo nndu allolia Iṛuva ndi. Kake kwakooya tikundanaa ti veni na ti veni, Iṛuva akaa kweru na ikunda 'yamwi lisumanikaa kari keru.

Barua ya Varome 9:26

Lingi: ”Kiviaa andu alya vandeio̱: Ini mukee vandu vakwa ndi, wwo vavaangwaa vana va Iṛuva eefo na muu“.

Barua ya Varome 8:9

Kake ini mukikee va mikae ilya ya nndu meni ndi, mwawa va mikae ya kwa Iṛuva, kwakooya Mumuyo wa Iṛuva akee kari kanu. Amu ulya atawore Mumuyo wa Kristo, a wa nndu wamwi ndi.

Barua ya Vaefeso 2:20

Fulya mwa-ntanio̱ kwa ule ya mfulo wa numba nto varumi na vaauya fisuku, na Yesu Kristo muni ni iwe inini lya numba.

Matayo 6:24

Eefo nndu amakii iṛundya womi vavili ndi. Fulya asuaa ulya umwi akunde ulya ungi. Ana akusuranaa na ulya umwi abiṛe ulya ungi. Nta mumakii iṛundya Iṛuva andu emwi na iṛundya masaa ndi.

Urambuyo lwa Yohane 2:1

Mwisi ulya wa siṛi ikee Efeso ntisiṛie: A fi firero anrera ito awore nyinyiri mfungare ukoń lwamwi usha, ni ulya akee iṛua kari ka taa tilya mfungare ta saabu. Nafo mfo ifi:

Matayo 16:16

Simon Petiro kaaṛua kanumbua: Iwe ni iwe Kristo Mwana wa Iṛuva muni muu.

Yohane 14:23

Yesu kaaṛua kamwia: Nndu kashikunda awaraa kirero kyakwa, na Nde yakwa ankundaa, neese tishaa kwamwi na isongosia kirembo kwamwi.

Barua ya Vakorinto ya mbele 10:21

Nta mumakii inuiyana umbata lwa Nndumi na lwa masatana ndi. Nta mumakii ilyana kiraań kya Nndumi na kya masatana ndi.

Barua ya Vaefeso 2:22

Neeni mutanio̱o̱ yye ifo muve kirembo kya Iṛuva mwikuwaraa na Mumuyo.

Barua ya Timoteo ya mbele 3:15

Kake nansinda, kumanye weendo kasa kyawara vandu veende ifo numba ya Iṛuva, nayo ikee siṛi ya Iṛuva muni muu, ikee ngo na mfulo wa udede.

Barua ya Yakobo 4:5

Ana mwishi sheeli mitisiṛie yarera kya ruu? Mumuyo ito akukaarisa kari keru alangie nnu ivingana na iira iriso.

Luka 5:36

Kavakabia na sumu: Eefo nndu aminyaa kirami kya nseto mwiya kakifumia nseto nkuu ndi. Kakifumia-wo aranduaa na ulya mwiya, na kirami kilya kya nseto mwiya kiviaa nsetoń ito nkuu ndi.