Barua ya Vakorinto ya kavili 6:10 - MMA SHIYYA

¹⁰ Tikee sha vanarise, kake nkonu woose toore ifura. Tikee sha vakiva vatawore kindo, kake toore foose.

Barua ya Vakorinto ya kavili 6:10 ပူးပေါင်းရင်းမြစ်များ

Yohane 16:22

Neeni alli moore unaari. Kake mmuloliaa lingi na ngoo tanu tikyesaa na ifura lyanu eefo nta nndu amusokaa ndi.

Barua ya Vakorinto ya kavili 8:9

Amu mwammanya ililia lya Nndumi weru Yesu Kristo sheeli andeva nkiva kiimba kyeru, lla kasa eekee isimba, naamu ini mumakii iva masimba kiimba kya ukiva lwamwi.

Urambuyo lwa Yohane 2:9

Niishi mavaviso afo na ukiva lwafo, kake kukee muni usimba. Niishi sheeli kukee irumwarumwa ni iwo vakee ikuvaanga Vayuda, nawo vatakee Vayuda, kake vakee siṛi ya Satana.

Barua ya Vaebrania 10:34

Amu valya vandefingwa mundelya ukiva andu emwi. Neeli mundesokwa filya mukee nafo, mukairikia na ifura mwimanyaa sheeli moore fuvavikilie kilya kikee kinuru, fulya itataṛaakuu.

Barua ya Timoteo ya mbele 4:8

Amu wishiviṛi lwa wili lwelekaa kinnya da. Kake ikusura Iṛuva lyelekaa findoń foose, lingi liwore na kirekio kya muu wa alli na kya ulya uvaa numa.

Barua ya Vafilipi 4:4

Fureń kyeeri kyoose, fulya mukee va Nndumi! Lingi namuia: Fureń!

Barua ya Vatesalonike ya mbele 1:6

Mukava vatilatia na va Nndumi ili mundemaa iwaria kirero kilya na ifura lyukie kwa Mumuyo Nsongori, lla kasa ngatara tanu tiikee shiingi.

Barua ya Vakolosai 3:16

Kirero kya Kristo kiwore uṛango loose kiishue kari kanu bele! Mukuloshe na ikufunda mu veni na mu veni na fiimbo mukee iniingwa mMumuyo Nsongori, mwimbie Iṛuva ngooń tanu mwimwaanaa.

Barua ya Vafilipi 2:17

Kake na kwakooya kyashiwara iniingia muu wakwa kiimba kya iṛundia ikusura lyanu uve sha kindo kya irasa, noore ifura, ni ifura lishilungie neeni mu woose.

Barua ya Varome 11:12

Kyasia kwakooya irekio̱ lyawo lyammaa iva usimba lwa isanga na yanguywa lyawo lyawa mboṛa ya vayavaṛumu, a le nkya mmwasi se isongova lyawo?

Barua ya Petiro ya mbele 4:13

Fureń! Amu mukantaṅaṛia matuṛulo na Kristo mufuraa kya mmwasi na ikaba mindoṛo, ili unini lwamwi lulolikaa.

Barua ya Vakorinto ya kavili 4:7

Kake tirie masaa wo fiyeń fikee sha fa uteri, amu finya ii iṅini kuri imanyike sheeli yya Iṛuva, yyeru ndi.

Barua ya Vakorinto ya kavili 2:4

Amu nndemutisiṛia na ivaviswa iingi na ngatara ta ngooń niidonisaa masoru meengi, nta naamu munarie ndi, kake naamu mumanye ikunda lyakwa nkee nalyo kwanu kasa likee inini.

Barua ya Varome 15:13

Nae Iṛuva uu muweree amwishuṛie ifura ini mu woose na unambwe fuukie ikusureń, na iverea lyanu lyengeṛio̱ finya mMumuyo Nsongori.

Barua ya Varome 12:15

Fureń andu emwi na valya vawore ifura! Iyeń andu emwi na valya vakee iiya!

Mitanie ya varumi 5:41

Nawo vakasomuka kikweniń kilya na ifura, fulya vallolika sheeli vandesisiria isutwa kiimba kya irina lyo.

Luka 6:21

Mukee va ngoma ini muworwa nsoto alli, amu muwuuruswaa. Mukee va ngoma ini mukee iiya alli, amu musekaa.

Matayo 5:4

Ngoma valya vawore unaari, amu wwo vakaa vawiiṛyo muu.

Barua ya Timoteo ya mbele 6:18

Vaikimbe vave vatana finuru, vave vasaṅiṛia masaa a mitanie misha, vave na maako na iva veelekana na vengi kwa kia kya nrima.

Barua ya Vatesalonike ya mbele 5:16

Fureń mikonu yoose.

Mitanie ya varumi 3:6

Petiro kanumba: Niń noore fesa ana nta saabu ndi. Kake kilya wwore nkyo nkuniingaa. Kwa irina lya Yesu Kristo wa Nasareti salala kuṛue!

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Barua ya Vaefeso 3:16

Amu amuniinge finya kwa kiṛengo kya usimba lwa unini lwamwi mukuumise ifo mirimiń yanu mwielekio̱o̱ mMumuyo wamwi.

Barua ya Vaefeso 3:8

Niń nkee munnya wa vasangori woose nndeniingwa ililia li lya ikwanisia vayavaṛumu usimba lwa Kristo lutawore mmando

Barua ya Vakorinto ya kavili 4:15

Amu ifi foose nkwa kiimba kyanu, amu ililio̱ lyo likameengeṛio̱ nnu kwa iwo vakee veengi liingifise yaana na Iṛuva eetikiswa.

Barua ya Vakorinto ya mbele 1:5

Fulya kari ka kindo kyoose mundeva masimba mukuwore nae kya firero foose na kya uṛango loose,

Barua ya Varome 9:2

sheeli noore unari wiingi na mavaviso atakee imanda ngooń yakwa.

Barua ya Varome 8:32

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Mitanie ya varumi 16:25

Kake kyeeri kya kio masomukoń Paulo na Sila vakatereva Iṛuva na imwimbia fiimbo fa imwitikisa, na vafinge vengi veekee Vaaranya.

Matayo 5:12

Fureń kyeseń! Amu maṛe anu mmeengi iṛuvewu. Mfo kuro vaumbuta na vaauya fisuku valya veemwiryee mbele.

Urambuyo lwa Yohane 21:7

Ulya avvinga arwaa ifi five dińu yamwi. Nań vvaa Iṛuva wamwi, nae avaa mwana wakwa.