Barua ya Vakorinto ya kavili 5:18 - MMA SHIYYA

¹⁸ Kake ifi foose fuukie kwa Iṛuva uu andetiitanisa nae ye muni, ili Kristo antivia ntaua, katiniingia uṛundi lwa ikwanisa witanu lu.

Barua ya Vakorinto ya kavili 5:18 ပူးပေါင်းရင်းမြစ်များ

Barua ya Yohane ya mbele 4:10

Mikae ya ikunda yyo ii: Nta ni ise tankunda Iṛuva ndi, kake yye antikunda ise karuma Mwana wamwi ave kirasio kya mareko eru.

Barua ya Varome 5:1

Kyasia ili tansumaniswa kiimba kya ikusura Iṛuva, toore witanu na Iṛuva. Na ulya atiitanisa na Iṛuva ni Nndumi weru Yesu Kristo.

Barua ya Varome 11:36

Fulya findo foose fuukie kwamwi fikakaariswa yye fikauya kwamwi. Aṅiniswa miṛeṛe na miṛeṛe! Amen.

Barua ya Yohane ya mbele 2:2

Nae yye kirasio kya mareko eru, ana nta nkya mareko eru da ndi, kake na kya mareko a va isangeń lyoose.

Barua ya Vakorinto ya mbele 8:6

kake kweru ise Iṛuva ni umwi tubu akee Nde yeru. Yye findo foose fuukie kwamwi neese tiuyaa kwamwi. Eefo na Nndumi umwi ni Yesu Kristo. Yye findo foose findeva kwa finya yamwi neese tikee kari kamwi“.

Yohane 3:16

Nkuro Iṛuva akunda vandu kaotoṛa Mwana wamwi ngitani, amu woose vankusuraa vatareke, kake vaniingwa muu utakisiaa.

Luka 24:47

Nawo vandu valya vateeshi Iṛuva vakwanisio̱ mboni ya ikurra na ya itio̱ mareko veekuvavaa nae, nakyo kibookaa kunu Yerusalemu.

Barua ya Yakobo 1:17

Kindo kyoose kikee kinuru na kindo kyoose kikee kisongori tubu nkyo kyukaa ule kwa Nde wa langa atawore miilashie ya langa na ya llema.

Barua ya Vaebrania 2:17

Kwa ikyo kindewara avakaniswa na vanavamae vamwi findoń foose, amu akooye ivavio̱ mmuu kiimba kyawo na ivia Iṛuva nkohani nnini awore usuro wa yuta vandu marekoń.

Barua ya Vakorinto ya mbele 12:6

Kiifo kiilasha kya vaṛundi, kake Iṛuva ni ulya muni da aṛundaa mashoṛa kari ka woose.

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Mitanie ya varumi 10:36

Kirero kyamwi Iṛuva ankirumia vana va Isiraeli karika Yesu Kristo akwanisie vandu mboni shinuru ta unambwe. Uu akee Nndumi wa woose.

Yohane 3:27

Yohane kaaṛua kanumbua: Eefo nta nndu amakii ikooya kindo kitaare ankiniingwa kyuka iṛuvewu ndi.

Luka 10:5

Kake mukaira na numba kwa nndu bookeń inumbua: Kaań-fo na unambwe kunu numba ii.

Barua ya Vakorinto ya mbele 3:5

A Apolo wwa ki? Na Paulo wwa ki? Vvaṛundi vandemulosha ikusura Nndumi, na nndu woose weru akee iṛunda sheeli andeavio̱ ni Nndumi.

Barua ya Vakorinto ya mbele 11:12

Amu sheeli nka auka kwa nndumi, mfo kuro na nndumi airiwa ni nka. Na findo fi foose mbooko yayo fuukie kwa Iṛuva.

Barua ya Vakolosai 1:22

alli amuwiiṛa kwa Iṛuva eeniingiaa wili wamwi ufuń, amu amuseṛeese kisanguń kyamwi mukee vasongori vataare malomi ana ukavili,