Barua ya Vakorinto ya kavili 5:17 - MMA SHIYYA

¹⁷ Kiimba kya iki nndu kankaa na Kristo avva nndu mwiya. Famwi fa mbele famiira, lla te foose favva fiiya.

Barua ya Vakorinto ya kavili 5:17 ပူးပေါင်းရင်းမြစ်များ

Yohane 3:3

Yesu kamwaṛua kamwia: Nkue nakuia kya dede: Kwakooya nndu atairiwaa lya kavili, amakii ilolia umangi lwa Iṛuva ndi.

Barua ya Vagalatia 6:15

Kake kwavva na Kristo irinwa nkindo ndi ana ilea irinwa nkindo ndi kita yaṛuka mikae miya.

Barua ya Varome 8:1

Kyasia alli lukiifo uumisio kwa valya vakee va Kristo Yesu ndi.

Barua ya Vaefeso 2:10

Fulya ise tindetanwa yye tikatanio̱ Kristo Yesu, amu tiṛunde mitanie yeru misha, ni ilya Iṛuva andetisongosia kuuka mbele tiilatie.

Barua ya Vakorinto ya mbele 1:30

Kwamwi ye mfo mundeuka ini mukee va Kristo Yesu. Uu yye antitanio̱ ni Iṛuva ave mutiṛangusa na mutisumanisa na mutisongovisa na mutikiṛa.

Yohane 15:5

Niń nkee kiri kya mfinyo, neeni mukee maṛamba. Ulya akaa akulungie nań, nań nkaa nkulungie nae, ito avikaa nunda shiingi. Amu kwakooya mukurauaa nań nta kindo mumakii itana.

Barua ya Vakorinto ya kavili 5:21

Amaaṛua uu ateeishii ireko kava nrekwa kiimba kyeru, amu ise tive veni usumani lwa Iṛuva tikuwore nae.

Barua ya Varome 7:6

Kake alli tikee vaboṛomue ivavaso, fulya tamfiya mikae ilya, iitiimiee, amu ise tikooye iṛunda na mikae miya ya kimumuyo, nta nna mikae ya mbele ya mitisiṛie ndi.

Barua ya Vakorinto ya kavili 5:16

Kiimba kya iki kuuka alli ise nta nndu tikimwishi kwa mikae ya kiwili ndi. Na akwaa tammanya Kristo kwa mikae ya kiwili, kake alli tikimwishi kwa mikae ya kivvili lingi kuri ndi.

Yohane 3:5

Yesu kamwaṛua: Nkue nakuia kya dede: Kwakooya nndu atairiwaa auka na mura na Mumuyo wa Iṛuva, amakii ifika umangiń lwa Iṛuva ndi.

Barua ya Vaefeso 2:15

Kaniingia vvili wamwi ufuń aute nato uvavaso lua luwore milimu na miṛuumwa. Kikava kuro, amu asande iwo va feenga fi fivili na ivaaṛua vave vvili umwi, nto wamwi ye muni eevaniingaa unambwe. Nawo vali vavili vakuware na mikae miiya ya muu wawo.

Barua ya Vagalatia 3:28

Amu kwamwi ye akiifo nndu Muyuda ana nndu Ngiriki ndi ana iketi ana muyakyeń ndi ana nndumi ana nka ndi. Fulya ini mu woose mukee kimwi kiimba kya ili mukee va Kristo Yesu.

Yohane 15:2

Na iṛamba lyoose likulungie nań likara litavika nunda alyutaa-fo. Na lia likee ivika nunda alyarambuyaa, amu lyengeṛie ivika.

Yohane 17:23

Niń vve andu emwi nawo, nawe kuve andu emwi nań, nawo vave vandu va imarisia iva kimwi. Na va isanga vautie-wo imanya sheeli ni iwe kushirumie niń, lingi kwavvakunda sheeli kundeshikunda niń.

Yohane 14:20

Na nkonu to muni mumanyaa sheeli Tikulungie na Nde, neeni mukulungie nań, nań nkulungie neeni.

Barua ya Vagalatia 5:6

Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.

Matayo 12:33

Mukavveekya nri nnuru, to uvikaa nunda shinuru. Ana mukaweekya nri nkasha, nato uvikaa nunda shikasha. Amu nri urambulwaa nnunda tayo.

Matayo 24:35

Iṛuvewu limandaa na isanga, kake firero fakwa fo fimandaa kutu ndi.

Barua ya Vakorinto ya mbele 13:11

Ili niikee mwana munnya, nnderera sha mwana na iṛanguaṛangua sha mwana na ikusaṛa sha mwana. Kake kuuka nndeva nndu nnini, nnderea-wo mboni ta kiwani.

Barua ya Vakorinto ya kavili 5:19

Fulya Iṛuva eekee na Kristo kaitanisa va isangeń nae ye muni, nta ivataalia mareko awo. Nae karwaa kirero kya witanu kari keru.

Barua ya Vakorinto ya kavili 12:2

Niń niishi nndu umwi wa Yesu — kuuka kyeeri kyo yansia myaka ikumi na iini. Akwaa nndu to eembolo akee na vvili wamwi niishi ndi, ni Iṛuva eeshi. Akwaa ni nrima muni wakurikwa niishi ndi, ni Iṛuva muni eeshi. Nndu to afitwa ule kumande iṛuvewu lya kararu.

Barua ya Vafilipi 4:21

Shiisanień nsongori woose awarani na Kristo Yesu. Vanavamae valya vakee kimwi nań yamwisana.

Barua ya Varome 16:7

Shiisanień Andironiko na Yunia vafwari vakwa vandefingwa andu emwi nań, vakee vandu va nrwe kari ka varumi. Nawo wwo vabooka iva va Kristo kita niń.

Barua ya Varome 16:11

Shiisanień Erodion mfwari wakwa. Shiisanień vandu va numba ya Narikiso vakee va Nndumi.

Barua ya Varome 16:3

Shiisanień Pirisika na Akwila vakee vaṛundi andu emwi nań vakusandie na Kristo Yesu.

Barua ya Varome 16:9

Shiisanień Urubano ndundi wa mashoṛa andu emwi nań kari ka Kristo na Sitakisi nkunde wakwa.

Barua ya Varome 16:10

Shiisanień na Apele akee nndu nkristo nsaari. Shiisanień valya va kyeń kwa Aristobulo.

Luka 5:38

Kake mfinyo mwiya kyawara urawa mbolokoń shiiya.