Barua ya Vakorinto ya kavili 5:13 - MMA SHIYYA

¹³ Amu kwakooya ngyuṛango teru tava ”sha uketo“, nkwa kiimba kya Iṛuva, ana kwakooya ”ngyuṛango teru tiishule“, nkwa kiimba kyanu amu mukooye mboṛa.

Barua ya Vakorinto ya kavili 5:13 ပူးပေါင်းရင်းမြစ်များ

Barua ya Vakorinto ya kavili 12:11

Nawa nriṅani. Ni ini mwashikabiṛia. Amu kyeenshiwaraa niirikie ni ini, fulya kiteefo kyashirwaa numa ya valya vakulolie vakee varumi va dede, lla kasa ntakee kindo.

Barua ya Vakorinto ya kavili 12:6

Na kikooye nafura ikuṅinisa, niivaa nantana kindo kya utondo ndi, amu iki niireraa kiivaa kya dede. Kake nkusembekaa kaaṛa nndu atashiitikise kilanya ya filya akee ilolia kwakwa na iita.

Barua ya Vakorinto ya kavili 11:1

Kisenye musisirie kinnya nrere kya uriṅani! Niishi sheeli mushisisiriaa.

Barua ya Varome 12:3

Kiimba kya wavi lwakwa nndeniingwa nkee yongoya nndu woose wanu, kaaṛa atakusaṛe kinini kikilie ikyo kyawara ikusaṛa, aware kyamwi kiiṅaṅani nae, na nndu woose nsheeli Iṛuva amwavie kya mwina wamwi wa ikusura Iṛuva.

Barua ya Timoteo ya kavili 2:10

Nkyo kiimba nasisiria findo foose kiimba kya vasaue valya, amu nawo vakooye ikiṛwa lia likee kari ka Kristo Yesu andu emwi na unini lwa miṛeṛe.

Barua ya Vatesalonike ya mbele 1:5

Fulya nrumi ii yeru ya ifura nta yamufikia kwa firero fo feni da ndi, kake ikaira finya na yavio̱ Mumuyo Nsongori na irambuka iingi. Neeni mwishi sha lia tikee na mikae yeru kwanu kiimba kyanu.

Barua ya Vakolosai 1:24

Alli noore ifura kiimba kya matuṛulo nndeakooya kiimba kyanu. Na lingi nkee yawutia alya aseere a matuṛulo a Kristo na wili wakwa kiimba kya wili wamwi, nto siṛi yamwi.

Barua ya Vakorinto ya kavili 7:12

Kyasia lla kasa nndemutisiṛia, nndetisiṛa kiimba kya ulya akee mbaai ana nta nkiimba kya ulya anderetwa ndi, kake naamu itomaa lyanu kiimba kyeru likooye ilolika kwanu mbele ya Iṛuva.

Mariko 3:21

Ifi valya va kyeń kwamwi vandeita mboni tamwi, vakaenda indewwara. Amu vandenumbua: Ankilyo̱ ni uṛango.