Barua ya Vakorinto ya kavili 5:1 - MMA SHIYYA

¹ Amu tiishi ili numba ii yeru ikai kunu isangeń — yyo mivili yeru — iburulwaa, tikooyaa kirembo kisongosie ni Iṛuva, nkirembo kitaare kyasongosio̱ mmaako a vandu. Kikaa miṛeṛe na miṛeṛe ifo iṛuvewu.

Barua ya Vakorinto ya kavili 5:1 ပူးပေါင်းရင်းမြစ်များ

Barua ya Yohane ya mbele 3:2

Muṛe vakunde vakwa, alli tikee vana va Iṛuva, kake kilya kitiviaa numa kyallolika ndi. Kake kimwi tiishi: Ili Kristo alolikaa, tivakanaa nae, fulya tiloliaa mikae yamwi sheeli akee.

Barua ya Vaebrania 9:24

Amu Kristo andeaka andu asongori andetanwa na maako ndi, wwo fwana ya andu asongori a dede. Kake andeaka iṛuvewu kweni alolike alli kisanguń kya Iṛuva eetisalaliaa-wo ise.

Barua ya Vakorinto ya kavili 4:7

Kake tirie masaa wo fiyeń fikee sha fa uteri, amu finya ii iṅini kuri imanyike sheeli yya Iṛuva, yyeru ndi.

Barua ya Vaebrania 9:11

Kake Kristo ansha ave nrasia nnini wa fisha filya fishaa, kaira na yema lia inini fikee isongovisi likilie lia lindetanwa mmaako a vandu, amu findesongosio̱ vvandu va kunu isangeń ndi.

Barua ya Petiro ya mbele 1:4

Llyo atiniinga diṅu itakisiaa ana itakashaa ana yuma. Ii mufisio̱ ini kulya iṛuvewu.

Barua ya Vakorinto ya kavili 5:4

Amu ise ili tikee kunu numba ii ya wili, tikee idia kiimba kya yeemio̱, fulya titafurie yutwa isaṛa, kake tifurie ivikwa, amu kilya kya mikae ya ifwa kimiṛwa nkya mikae ya muu.

Mariko 14:58

Ise tammwita eenumbaa: Niń mburuaa numba ii ya Iṛuva indetanwa na maako, lingi ntanaa ingi kari ka mikonu iraru kitaare yatanwa na maako.

Barua ya Petiro ya kavili 3:11

Kyasiań findo fo fimamiaa foose, a weendo lwanu naare mulutanaa, amu luve usongori mwikusuraa Iṛuva?

Barua ya Vakolosai 2:11

Na irinwa mukarinwa andu emwi nae urini lutakee lwa maako, lwalakana na mikae ya kiwili iwore mareko, kuro llyo irinwa andu emwi na Kristo.

Barua ya Yohane ya mbele 3:19

Io timanyaa sheeli ise tikee va dede, lingi kuro tiwolisaa mirima yeru mbele yamwi ye.

Barua ya Yohane ya mbele 3:14

Ise tiishi sheeli tamuuka ufuń tikasamia muuń, fulya tikundie vanavamae. Ulya atawore ikunda akaa ufuń.

Barua ya Vaebrania 11:10

Amu eekee iverea muṛi utavaa iburua, amu ntana wayo ni Iṛuva.

Barua ya Vakorinto ya mbele 3:9

Amu ise tiṛundaa mashoṛa andu emwi na Iṛuva, ini mukee nrema ya Iṛuva, lingi mukee numba ya Iṛuva.

Barua ya Timoteo ya kavili 1:12

Nkyo kiteveto naliswa ngyukiva ti. Kake nta niilashaa ndi, fulya niishi ulya ninkusurie na imanya sheeli awore finya ya iringa kilya nndeavio̱ kumande nkonu ulya ufikaa.

Mitanie ya varumi 7:48

Kake ito akee ule ya foose akaa numba tantanwa na maako a vandu ndi, sheeli mwauya arerie: