Barua ya Vakorinto ya kavili 4:4 - MMA SHIYYA

⁴ Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Barua ya Vakorinto ya kavili 4:4 ပူးပေါင်းရင်းမြစ်များ

Yohane 12:40

”Awariṅanisa miso awo kaa-ṛua ngoo tawo sheemeri, kaaṛa vatalolie na miso awo na imanya mirimiń yawo veelashike, nań wakiṛe.“

Barua ya Vakorinto ya kavili 3:14

Kake makusaṛo awo akee yemeriswa. Amu na kumande nkonu wa nnu ili vakee isomio̱ mma ilya shikuu kirami ikyo kiiyo kisikie, nta iruukio̱, fulya ulya akiutaa-wo nKristo ye muni.

Mitanie ya varumi 26:18

Kuvarue miso awo varie llema vashe langeń, vauke ushiliń lwa Satana vaaṛukie Iṛuva. Kuro vakooye itio̱ lya mareko awo na diṅu kari ka iwo vamiiliswa veeshikusuraa niń.

Barua ya Yohane ya mbele 5:19

Tiishi sheeli ise timilie kwa Iṛuva, na isanga lyoose likee kwa si ya Nkasha ulya.

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Barua ya Vaefeso 2:2

akee wwo mwalatia kuuka mbele mwisoṛaa mifurie ya isanga li na iitikwa mmuyafinya ulya wa ringewu. Yye mumuyo ulya akee iṛunda mashoṛa kwa vandu valea Iṛuva.

Barua ya Vaefeso 6:12

Fulya misa toore a ikabana nawo mmisa awore vvili na usao ndi, kake weetoṛo na va finya, vvanini va isanga ili vashiliaa ifo llemiń, mmimuyo mikasha kwa si ya iṛuvewu.

Yohane 12:31

Alli uumisio lwa isanga li lwaawukia. Alli mwitoṛo wa isanga li aburuswaa aliuke.

Yohane 8:12

Kyasia Yesu karera nawo lingi kanumbua: Niń nkee langa ya isanga. Ulya ashisoṛaa niń akiendaa llemiń kutu ndi, kake avaa na langa innde muu.

Yohane 12:35

Kyasia Yesu kavaia: Langa ikikee andu emwi neeni kyeeri kyaangu. Kuwareń na langa yo ili mukiiwore, amu mutamiṛwa ni llema. Amu ulya akee iṛuaṛua llemiń eeshi kulya aendaa ndi.

Yohane 14:30

Nta nkireraa neeni firero fiingi ndi. Amu Nnini wa isanga li akee isha. Nae nta awore kindo ashimakii nakyo ndi.

Barua ya Vakorinto ya kavili 3:18

Kake ise ti woose tilolie unini lwa Nndumi na kisangu kitaare nkisikie. Na kita ifi tiilashwaa tiivakaniswaa na fwana yamwi na yengeṛio̱ teengeṛio̱o̱ unini. Na ifi foose fuukie kwa Nndumi akee Mumuyo.

Barua ya Vakolosai 1:27

Amu Iṛuva andekunda ivamanyisa usimba na unini lwa kiṛisi ki kari ka vayavaṛumu. Na usimba llo ilu: Kristo akee kari kanu munnde iverea lya unini lwa miṛeṛe.

Barua ya Vakolosai 1:15

Nae avakani na Iṛuva uu atalolio̱, akee mwiriwa wa mbele wa foose fitani.

Barua ya Yohane ya mbele 2:8

Kake lingi namutisiṛia ivavaso iiya, lyo likee lya dede kwa Kristo na kwanu ini sheeli: Llema ukee iira na langa ya dede yammaa imulika.

Barua ya Vafilipi 2:6

Ye lla kasa eekee mbele wa mikae ya Iṛuva, nta akuvakanisa na Iṛuva sheeli nkindo kyawara kiwie ndi.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Barua ya Vaebrania 1:3

Nae mmuni langa ya unini lwa Iṛuva, amu sheeli Iṛuva akai mfo kuro nae akai. Lingi yye awarie foose kwa finya ya kirero kyamwi. Ammaa isangya vandu mareko na usao lwamwi kakaa rembo uko usha lwa muya unini iṛuvewu ule.

Barua ya Tito 2:13

kumande ashaa na unini, amu yye Iṛuva weru na nkiṛa weru nnini.

Yohane 16:11

Na kya uumisio mfulya Nnini wa isanga li ammaa yumisio̱.

Barua ya Petiro ya kavili 1:19

Kiimba kya iki tiwore kirero kya vaauya na finya nnu. Na ini mukankilla mwantana kinuru, amu llanga ya imulikia andu a llema kumande kukyaa na nyinyiri ya ngama ikwimboo ngooń tanu.

Barua ya Vakorinto ya kavili 3:11

Amu kwakooya kilya kisiaa kiikee na unini, na mmwasi nnu kilya kikaa kikee na unini lukilie.

Barua ya Vakorinto ya mbele 10:20

Nkuro ndi. Kake filya vayavaṛumu vakee irasa vakee ifirasia masatana, nta Iṛuva ndi. Kake niń mfurie mukulunganise na masatana ndi.

Yohane 12:45

Na ulya ashilolie niń, alolie na ito andeshiruma.

Yohane 15:24

Kifo kitaare neendundaa mashoṛa kwawo atandeṛundwa ni nndu ungi kuuka, veevaa na mareko ndi. Kake alli valolie na ishisua vakashisua niń na Nde yakwa.

Yohane 1:18

Eefo nta nndu allolia Iṛuva ndi. Mwana to wa Iṛuva ngitani ito akee ṅundeń ya Ndee yye andetoongoya kyoose.

Barua ya Timoteo ya mbele 1:11

Kuro mfo tindeloshwa na nrumi shisha ya unini lwa Iṛuva uu eetikiswa, nań naniingio̱ nkwanise.

Matayo 13:22

Na ito andeeṛwa miingeń ito yye ulya aaranyaa kirero kawarwa ni utaṛawu lwa isanga li na ilembwa mmasaa, nafo fikafwa kirero kyo nta ivika kilimu.

Mitanie ya varumi 26:23

Sheeli kyawara Kristo aliswa ukiva na sheeli ye avaa wa mbele wa iṛutwa kwa vafu ave mukwanisa mboni ta langa kwa vandu vamwi va Isiraeli na kwa vayavaṛumu.

Barua ya Vakorinto ya kavili 2:11

Kive kuro, amu titalembwa nSatana, amu tiishi kisha mitambwe yamwi.

Barua ya Vakorinto ya kavili 2:12

Kyasia ili nndefika Tiroa ikwanisa nrumi ya Kristo, naruywa mwaango mfinya ya Nndumi.

Barua ya Vagalatia 1:4

Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru.

Barua ya Vaebrania 6:4

Amu iwo vammaa iniingwa langa na ikomba miniingie yukie iṛuvewu na yavio̱ Mumuyo Nsongori

Barua ya Yohane ya mbele 2:11

Kake ulya asule mwanamae, ye akee llemiń, nae akee yendaenda ifo llemiń ana eeshi kundo akee yenda ndi, amu llema wammuwaa miso.