Barua ya Vakorinto ya kavili 4:17 - MMA SHIYYA

¹⁷ Amu mavaviso akee neese alli wo asiaa ree, nawo eengeṛiaa itiniinga unini lwa miṛeṛe lutawore mmando.

Barua ya Vakorinto ya kavili 4:17 ပူးပေါင်းရင်းမြစ်များ

Barua ya Varome 8:18

Amu llolie sheeli matuṛulo a mikonu ii ya alli nkindo ili tia-ṅaṅanisaa na unini lua tiluoruswaa na baa ndi.

Barua ya Petiro ya mbele 5:10

Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń.

Barua ya Yakobo 1:12

Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.

Barua ya Vakorinto ya kavili 3:18

Kake ise ti woose tilolie unini lwa Nndumi na kisangu kitaare nkisikie. Na kita ifi tiilashwaa tiivakaniswaa na fwana yamwi na yengeṛio̱ teengeṛio̱o̱ unini. Na ifi foose fuukie kwa Nndumi akee Mumuyo.

Barua ya Varome 8:37

Kake ngyukiveń iti toose tikee yengeṛia ivinga tielekio̱o̱ ni ito afikundie ise.

Barua ya Petiro ya mbele 4:7

Kake ifurumia lya findo foose lyansha kufui. Kyasia veń na uṛango mukaa kya umbuura, amu mumakii itereva.

Barua ya Vakorinto ya mbele 2:9

Nsheeli kyatisiṛwa: ”Filya kitaare iriso lyamfilolia ana kitaare kuri kwamfiita ana kitaare famaaka ngooń ya nndu, mfo Iṛuva eemmaa ideeṛia valya vankundie“.

Barua ya Yuda 1:24

Kake ito awore imakii lya imuringa mutakubaaye na imusumanisa musalale mbele ya unini lwamwi na inkabia mindoṛo ateefo malomi:

Barua ya Varome 8:34

Ni i avaumisiaa? Kristo Yesu eefo ulya andefwa, na kita ikyo andeṛuka akee uko usha lwa Iṛuva, lingi yye akee ititerevia.

Barua ya Varome 2:7

Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa.

Barua ya Vafilipi 1:19

Amu niishi namanya, kindo kyakwa kasa kikai alli kyaṛukaa kive ikia lyakwa kiimba kya kiterewo kyanu kya ishiterevia na yelekio̱ mMumuyo wa Yesu Kristo.

Mitanie ya varumi 20:23

kita Mumuyo Nsongori akee ishirambuya muṛi kwa muṛi eenumbuaa: Fifingio na ngyukiva fishiveree.

Matayo 5:12

Fureń kyeseń! Amu maṛe anu mmeengi iṛuvewu. Mfo kuro vaumbuta na vaauya fisuku valya veemwiryee mbele.

Barua ya Yohane ya mbele 3:2

Muṛe vakunde vakwa, alli tikee vana va Iṛuva, kake kilya kitiviaa numa kyallolika ndi. Kake kimwi tiishi: Ili Kristo alolikaa, tivakanaa nae, fulya tiloliaa mikae yamwi sheeli akee.

Barua ya Vatesalonike ya kavili 1:6

Fulya kisumani Iṛuva ataa na matuṛulo valya vandemutuṛua ini,

Barua ya Vatesalonike ya kavili 1:4

Na akwaa ni ise ti veni takuṅinisa kiimba kyanu siṛiń ta Iṛuva kya isisiria lyanu na ikusura mukee nalyo kari ka matuṛulo anu woose na mavaviso mukee iliswa.

Luka 6:23

Fureń nnu nkonu ulya na ikiliakilia! Fulya a va maṛe anu avva meengi iṛuvewu. Amu nkuro da vaande yawo vandetania vaauya valya.

Barua ya Timoteo ya kavili 2:10

Nkyo kiimba nasisiria findo foose kiimba kya vasaue valya, amu nawo vakooye ikiṛwa lia likee kari ka Kristo Yesu andu emwi na unini lwa miṛeṛe.