Barua ya Vakorinto ya kavili 4:16 - MMA SHIYYA

¹⁶ Kiimba kya iki tilemwaa ndi, amu kwakooya mivili yeru ikashaa, mirima yeru yo yaṛulwaa miiya nkonu woose.

Barua ya Vakorinto ya kavili 4:16 ပူးပေါင်းရင်းမြစ်များ

Barua ya Vakolosai 3:10

mukakuvikia mikae ya nndu mwiya aaṛulwa kisumani na fwana ya ito andentana, amu ammanye kisha.

Barua ya Varome 12:2

Manya mutakuvakanise na mikae ya isanga li, kake mwilashike muniingwa ngoo shiiya, amu mumanye kilya kikundio̱ ni Iṛuva, nkilya kikee kinuru na kilya kisenyaa na ikyo kisongori.

Barua ya Vakorinto ya kavili 4:1

Kiimba kya iki ili tanningwa uṛundi ilu kwa ililia lya Iṛuva, taaraa ndi.

Barua ya Vaefeso 3:16

Amu amuniinge finya kwa kiṛengo kya usimba lwa unini lwamwi mukuumise ifo mirimiń yanu mwielekio̱o̱ mMumuyo wamwi.

Barua ya Varome 7:22

Amu niirikie mavavaso a Iṛuva na yaaniṛia kunu nrimiń.

Barua ya Tito 3:5

nta nkiimba kya mitanie yeru ikee minuru yyo yakangia katitania kuro ndi, kake nkiimba kya ililia lyamwi muni. Nkyo atikiṛia eetisangyaa mirima tikava vandu vamiiriwa lya kavili vawore mikae miiya,

Barua ya Petiro ya mbele 3:4

Kake ikwambika lyanu live lya usha lwa nrimiń lukee ikuwara tabu na uwoo na useli. Llyo ikwambika litasiaa, nalyo liwore uuru unini kisanguń kya Iṛuva.

Barua ya Vaefeso 4:23

Muvaue mirima yanu mukuware na mikae miiya yukie kwa Iṛuva

Barua ya Vakorinto ya mbele 15:58

Kiimba kya ikyo vanavama vakunde, mukuumise koṛoń, manya mutasingesinge! Tanień utomari iṛunda mashoṛa a Nndumi kundo koose, fulya mwammanya yatarika lyanu mukee yatarika kiimba kya Nndumi llya ruu ndi.

Barua ya Vakorinto ya kavili 12:15

Kake niń kilya kishisenyaa nnu ni iniingia kilya kikee kyakwa, nkya dede na akwaa nniń shi muni nniingio̱o̱ kiimba kya mirima yanu. A le sheeli neengeṛia imukunda nnu, naanguywaa ikundwa?

Luka 11:3

Kutiniinge nnu shoonga teru ta itisindisa.

Barua ya Petiro ya mbele 4:14

Muvaa va ngoma, kwakooya mwarumwa kiimba kya irina lya Kristo, fulya Mumuyo wa unini nto wa Iṛuva amukaye.