Barua ya Vakorinto ya kavili 3:6 - MMA SHIYYA

⁶ Nae yye andetikaarisa tikava vaṛundi vasenye va mma shiiya, nta yyo ya mitisiṛie ndi, kake yya Mumuyo. Amu mitisiṛie innde ufu, kake Mumuyo annde muu.

Barua ya Vakorinto ya kavili 3:6 ပူးပေါင်းရင်းမြစ်များ

Yohane 6:63

Mumuyo nto aniingiaa muu, vvili ufile kindo ndi. Na firero fo namuia mfo fa mikae ya Mumuyo, lingi mfa muu.

Barua ya Varome 7:6

Kake alli tikee vaboṛomue ivavaso, fulya tamfiya mikae ilya, iitiimiee, amu ise tikooye iṛunda na mikae miya ya kimumuyo, nta nna mikae ya mbele ya mitisiṛie ndi.

Barua ya Varome 8:2

Fulya ivavaso li lya Mumuyo munnde muu uukie kwa Kristo Yesu llyo lyantilakanisa na ivavaso lia linnde ireko na ufu.

Barua ya Vaebrania 12:24

mukaserikia na Yesu munnde mma ilya shiiya na usao lua lwa ifwalia lureraa kisumani kita lua lwa Abeli.

Barua ya Vaebrania 7:22

Kyasia kwa kiṛengo ki Yesu andeva nsalaba wa mma ikee shinuru kita ilya ingi.

Barua ya Vakorinto ya kavili 3:14

Kake makusaṛo awo akee yemeriswa. Amu na kumande nkonu wa nnu ili vakee isomio̱ mma ilya shikuu kirami ikyo kiiyo kisikie, nta iruukio̱, fulya ulya akiutaa-wo nKristo ye muni.

Barua ya Vakorinto ya mbele 15:45

Amu nkuro kyatisiṛwa: ”Adamu nndu ulya wa mbele akooya nrima uwore muu“. Na Adamu ulya wa ifurumia kava wa mumuyo annde muu.

Barua ya Varome 3:20

Amu eefo nta nndu ataalio̱o̱ usumani kiimba kya mavavaso kisanguń kya Iṛuva ndi. Amu kindo mavavaso aendee nndu ni imanya mareko tubu.

Barua ya Vaebrania 13:20

Iṛuva muni unambwe andeṛuta Nndumi weru Yesu akee mwisi nnini wa maanri ifo kwa vafu kwa usao lwa mma ya miṛeṛe,

Luka 22:20

Na umbata lua lwiniwaa numa ya shoonga, katana kuro da eevaiaa: Umbata lu ni mma shiiya yaliwa na usao lwakwa, nalo lwiritwaa kiimba kyanu.

Barua ya Vakorinto ya mbele 11:25

Mfo kuro kaimboo na umbata lua ili vandemaa ilya eenumbuaa: Umbata lu ni mma shiya ivikwa na usao lwakwa. Taniń kuro kyeeri mukee inwa, amu mushikumbue niń.

Matayo 13:52

Nae kavaia: Kiimba kya ikyo ulya woose akee mwaṛia wa mitisiṛie ya umangi lwa iṛuvewu avakani na muni numba afisye masaa amwi kava muuta-fo findo fiya na fikuu.

Barua ya Petiro ya mbele 3:18

Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.

Barua ya Timoteo ya mbele 4:6

Kwallosha vanavamae mboni iti kuvaa ndundi nnuru wa Yesu Kristo na ilisa nrima wafo firero fa ikusura na fa miloshie ilya minuru kwisoṛie.

Barua ya Vaefeso 3:7

Nrumi yo yyo nndeaṛuywa ndundi wayo kwa kiṛengo kya wavi lwa ililia lya Iṛuva nndeniingwa kwa finya ya imakii lyamwi.

Barua ya Vagalatia 3:21

Kyasia a le mavavaso akee ikabana na kirekio kya Iṛuva? Wode nkuro ndi! Amu kifo mavavaso aniingio̱ annde muu kyeewwaraa usumani lulolike kiimba kya mavavaso.

Barua ya Vakorinto ya kavili 3:7

Kyasia kwakooya uṛundi lurie ufu lua lwantisiṛwa na irawa maweń lwikee na unini na unini lua lukaima vana va Isiraeli veeimboo miso valle kisangu kya Mose kiimba kya ivarama lya kisangu kyamwi lindesia lingi,

Barua ya Vakorinto ya mbele 12:28

Veefo Iṛuva avarwaa ifo siṛiń: Va mbele warumi, va kavili waauya, va kararu vvalosha, lingi watana fa maṛiikiso, lingi waavie finya ta ikiṛa valole, lingi weeleki, lingi wairia mbele, lingi mmakanika a mirerie.

Barua ya Vakorinto ya mbele 3:5

A Apolo wwa ki? Na Paulo wwa ki? Vvaṛundi vandemulosha ikusura Nndumi, na nndu woose weru akee iṛunda sheeli andeavio̱ ni Nndumi.

Barua ya Varome 4:15

Amu ivavaso llyo linnde uvaave, kake liteefo ivavaso irekio liifo ndi.

Yohane 5:21

Amu sheeli Nde aṛutaa valya vafu na ivawiiṛia muu, mfo kuro da na Mwana aaṛuaa va muu valya ankunda.

Mariko 14:24

Kavaia: Ilu ni usao lwakwa luvaa mma shiiya lwiritwaa kiimba kya veengi.

Matayo 26:28

Amu ilu llo usao lwakwa luvaa mma shiiya ya imwitanisa na Iṛuva. Lwiritwaa kiimba kya veengi vakooye itio mareko awo.

Barua ya Vakorinto ya kavili 3:9

Amu kwakooya uṛundi lu lwakooiya vandu ireka lukee na unini, na mmwasi uṛundi lu lwendee vandu usumani luvaa na unini, lukee unini lukilie lua deń.

Barua ya Varome 4:17

Nakyo kisumani na kilya kyatisiṛwa: ”Nankwaṛua kuve nde wa va isanga veengi“. Kasalala kisanguń kya Iṛuva uu andenkusura sheeli yye muṛuta vafu na isenda filya fiteefo sheeli fiifo.

Barua ya Varome 1:5

Nae yye andeshililia na ishaavia imakii vve nrumi wa ilosha vayavaṛumu woose vankusure na iindia irina lyamwi.

Barua ya Yohane ya mbele 1:1

Kilya kiifoo kuuka mbooko, kilya ise tindekiita tikakilolia na miso eru tikakilla na ikiwarawara na maako eru, kyo nKirero kilya kikee muu (yYesu).

Barua ya Timoteo ya kavili 1:11

Kyayo niń nanrawa-fo vve nkwanisa na nrumi na llosha.

Barua ya Vaefeso 2:5

na akwaa nkyeeri ikyo tiikee vafu kiimba kya mareko eru. Katiwiiṛa muuń andu emwi na Kristo — amu kindo kindemukiṛa ni uwoo lwa Iṛuva.

Barua ya Vakorinto ya mbele 3:10

Na kwa uwoo nndeavio̱ ni Iṛuva niń nnderema mfulo kwanu sha mwaṛia awore uṛango lwa itana numba na nndu ungi kashetania kwa ule yayo. Kake nndu woose alle kasa ataniaa kwa ule yayo.

Barua ya Vaefeso 2:1

Kusaṛeń kyanu ini mwikee ufuń kiimba kya makasha anu na mareko anu,

Barua ya Vakorinto ya kavili 3:3

mumanyike na baa sheeli mukee barua ya Kristo yansongosio̱ ni ise, ili tindemuṛundia. Nta indetisiṛwa na winu ndi, kake nkwa Mumuyo wa Iṛuva akee na muu. Lingi nta indetisiṛwa maweń ndi, kake mmaweń akee ifo mirimiń yeru.

Barua ya Vakorinto ya kavili 11:23

Wo waṛundia Kristo? — narera kya uketo — nniń kya mmwasi. Kari ka ngatara wakilie deń. Fifingioń wakilie deń. Fa ikabwa wakilie nnu kutu. Fitaniń fa ifwa nkeengi.

Barua ya Vaebrania 8:13

Ili anderera mma shiiya, andeaṛua ilya ya mbele ikava shikuu. Kake kindo kya mbooko kikawa kikuu na ikua nkufui na ireka.