Barua ya Vakorinto ya kavili 3:2 - MMA SHIYYA

² Barua yeru yyo ini, nayo yantisiṛwa ngooń teru ilolikie na isomwa vvandu woose,

Barua ya Vakorinto ya kavili 3:2 ပူးပေါင်းရင်းမြစ်များ

Barua ya Vatesalonike ya mbele 1:8

Amu kuuka kwanu kirero kya Iṛuva kyamuuka kikaitiwa ifo Makedonia na Akaya da ndi, kake na akwaa nkundo koose mboni ya ikusura lyanu lya ikusura Iṛuva ikamanyika. Ana nta tiwore kiteveto kya irera kindo ndi.

Barua ya Vafilipi 1:7

Kwa ikyo kishisumani mmukusaṛie ifi ini mu woose, fulya mukee ngooń yakwa. Amu mukee itaṅaṛia andu emwi nań uwoo ilo nndeavio̱ ni Iṛuva, kwakooya nkee kifingioń ana kwakooya nkee mashoṛeń a ikabania nrumi shisha na iirambua.

Barua ya Varome 1:8

Lya mbele nkee yaana Iṛuva wakwa nkuvavie na Yesu Kristo kiimba kyanu mu woose, amu ikusura lyanu liwore nsendo isangeń lyoose.

Barua ya Vakorinto ya kavili 12:15

Kake niń kilya kishisenyaa nnu ni iniingia kilya kikee kyakwa, nkya dede na akwaa nniń shi muni nniingio̱o̱ kiimba kya mirima yanu. A le sheeli neengeṛia imukunda nnu, naanguywaa ikundwa?

Barua ya Vakorinto ya kavili 11:11

Nkiimba ki? Naare niikai ntamukundie ini? Iṛuva afiishi.

Barua ya Vakorinto ya kavili 7:3

Narera ikyo amu mmuumisie ndi, amu neemmaa irera mbele, sheeli ini mukee mirimiń yeru, na akwaa ni ifwa andu emwi neeni na ikaa na muu andu emwi neeni.

Barua ya Vakorinto ya mbele 3:10

Na kwa uwoo nndeavio̱ ni Iṛuva niń nnderema mfulo kwanu sha mwaṛia awore uṛango lwa itana numba na nndu ungi kashetania kwa ule yayo. Kake nndu woose alle kasa ataniaa kwa ule yayo.

Barua ya Vakorinto ya kavili 3:1

Naare? Tambooka lingi ikwitikisa ti veni? Ana tilangie sha vengi barua toore tikisi yeru tishe kwanu ana tuuke kwanu?