Barua ya Vakorinto ya kavili 3:18 - MMA SHIYYA

¹⁸ Kake ise ti woose tilolie unini lwa Nndumi na kisangu kitaare nkisikie. Na kita ifi tiilashwaa tiivakaniswaa na fwana yamwi na yengeṛio̱ teengeṛio̱o̱ unini. Na ifi foose fuukie kwa Nndumi akee Mumuyo.

Barua ya Vakorinto ya kavili 3:18 ပူးပေါင်းရင်းမြစ်များ

Barua ya Vakorinto ya kavili 4:6

Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

Barua ya Varome 12:2

Manya mutakuvakanise na mikae ya isanga li, kake mwilashike muniingwa ngoo shiiya, amu mumanye kilya kikundio̱ ni Iṛuva, nkilya kikee kinuru na kilya kisenyaa na ikyo kisongori.

Barua ya Vakorinto ya kavili 4:4

Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

Barua ya Vakorinto ya mbele 13:12

Amu kyeeri kya alli tifilolie sha fwana ya kiloleń titamakii ifimanya kisha. Kake numa tifiloliaa kisangu kwa kisangu. Kyeeri ki kya alli imanya lyakwa llya kyeenga, kake numa mmanyaa foose sheeli nań nammanywa deń.

Barua ya Vakolosai 3:10

mukakuvikia mikae ya nndu mwiya aaṛulwa kisumani na fwana ya ito andentana, amu ammanye kisha.

Barua ya Varome 8:29

Amu valya eeveeshii kuuka ilyo kala avasaua kuuka ilyo kala vavakaniswa na fwana ya Mwana wamwi, amu ye ave vvele kari ka vanavamae veengi.

Barua ya Vakorinto ya mbele 15:49

Na sheeli tankurika fwana ya ulya wa uteri, mfo kuro tikurikaa na fwana ya ito wa iṛuvewu.

Barua ya Vakorinto ya kavili 5:17

Kiimba kya iki nndu kankaa na Kristo avva nndu mwiya. Famwi fa mbele famiira, lla te foose favva fiiya.

Yohane 1:14

Na Kirero kikaaṛuka vvili wa nndu kakaa kweru. Neese tikalolia unini lwamwi, nalo ni unini sha lwa Mwana wa ngitani aukie kwa Ndee, eeshule uwoo na udede.

Barua ya Yakobo 1:23

Amu nndu akee mwita wa kirero atakee na muṛunda nndu wa mikae ii avakani na nndu akulla kisangu kyamwi na kilola.

Yohane 17:24

Wui Nde, mfurie na akwaa ni iwo kundevashiniinga vave andu emwi nań io nkai, amu vamakii ilolia unini lwakwa ilo kushiniingie. Amu kwashikunda ilyo kitaare isanga lyeentanwaa.

Barua ya Tito 3:5

nta nkiimba kya mitanie yeru ikee minuru yyo yakangia katitania kuro ndi, kake nkiimba kya ililia lyamwi muni. Nkyo atikiṛia eetisangyaa mirima tikava vandu vamiiriwa lya kavili vawore mikae miiya,

Barua ya Varome 8:7

Fulya makusaṛo a mikae ya nndu yo meni awore kituva na Iṛuva, fulya atairikie mavavaso a Iṛuva ana amakii iirikia ndi.

Barua ya Varome 8:4

Kikava kuri, amu ivavaso likooye yawutia kari keru kitaare tilatiaa mikae ya vvili, kake tilatiaa mikae ya Mumuyo.

Yohane 12:41

Firero fo Yesaya andefirera, fulya andelolia unini lwa Yesu kasenda mboni tamwi.

Barua ya Varome 13:14

Kake mukulunganise kutu na Nndumi Yesu Kristo, nta mutaishivise mivili yanu milangie mikasha!

Barua ya Vagalatia 6:15

Kake kwavva na Kristo irinwa nkindo ndi ana ilea irinwa nkindo ndi kita yaṛuka mikae miya.

Barua ya Timoteo ya mbele 1:11

Kuro mfo tindeloshwa na nrumi shisha ya unini lwa Iṛuva uu eetikiswa, nań naniingio̱ nkwanise.

Yohane 17:22

Na unini lua kundeshiniinga iwe navvaniinga nawo vave kimwi, sheeli neese tikee kimwi.

Barua ya Vakorinto ya kavili 3:17

Kyasia Nndumi yye Mumuyo to. Na alya Mumuyo wa Nndumi akai wwo na itaulwa likai.

Barua ya Yohane ya mbele 3:2

Muṛe vakunde vakwa, alli tikee vana va Iṛuva, kake kilya kitiviaa numa kyallolika ndi. Kake kimwi tiishi: Ili Kristo alolikaa, tivakanaa nae, fulya tiloliaa mikae yamwi sheeli akee.