Nawa nriṅani. Ni ini mwashikabiṛia. Amu kyeenshiwaraa niirikie ni ini, fulya kiteefo kyashirwaa numa ya valya vakulolie vakee varumi va dede, lla kasa ntakee kindo.
Amu nta timakii ikaṛia ikutaala andu emwi na kinga kya iwo vakee ikwitikisa wo veni ndi ana nta ikuvakanisa nawo ndi. Kake wo veni vakee ikwelelia imanyeń lyawo kwa imanya lyawo na ikuvakanisa imanya lyawo kwa imanya lyawo, nta vawore uṛango ndi.
Amu ise tikee sha iwo veengi vakee ikaba mbusha na kirero kya Iṛuva ndi. Kake tikee irera na weelwa lwa nrima luukie kwa Iṛuva tikee va Kristo kisanguń kya Iṛuva.
Amu na kwakooya muwore sha valosha fiku na fiku va imulosha fa Kristo, kake muwore nta vaande veengi ndi. Amu niń nniń nndemwira nkee na Kristo Yesu kwa shia ya nrumi shisha.
Na kwa uwoo nndeavio̱ ni Iṛuva niń nnderema mfulo kwanu sha mwaṛia awore uṛango lwa itana numba na nndu ungi kashetania kwa ule yayo. Kake nndu woose alle kasa ataniaa kwa ule yayo.